Kea kortið - er það að virka ?

Allir félagsmenn KEA geta fengið KEA kort sér að kostnaðarlausu. Hægt er að sækja um félagsaðild með því að fylla út umsókn og greiða félagsgjaldið sem er kr 500.- Athugið að umsóknin fellur niður ef félagsgjaldið er ekki greitt.

Kea-kortið er fríðindakort sem allir félagsmenn Kea geta fengið.

Þar liggur fyrir listi fyrirtækja sem gefa afslátt við framvísun kortsins.

Ég hef notað þetta kort en komst að því að mikill misbrestur er á að spurt sé um kortið. Alltaf er spurt um kortið sem dæmi í Nettó og Axelsbakaríi en þegar ég skannaði listann kom upp dágóður hópur fyrirtækja sem ég hef átt viðskipti við en ekkert um kortið spurt né að upplýsingar liggi fyrir um að á staðnum sé boðið upp á afslátt.

Það er auðvitað slakt og maður spyr sig, ber einhver ábyrgð á að þessi afsláttarkjör séu í boði ?

Ef til vill er það á ábyrgð hvers og eins að fylgjast með því og krefja fyrirtækin um afsláttinn þegar ljóst er að ekki eigi að láta viðskiptavininn vita.

Þegar listinn er skoðaður er víða glæsilegur afsláttur, mest 40% og oft 10 - 20% sem er góður afsláttur.

Svo eru aðrir staðir sem tekur ekki að draga upp kort, t.d. býður Netto 2% afslátt sem er óttalega nískulegt og skilar viðskiptavininum örfáum krónum.

En það er þetta með framkvæmdina, mjög mörg fyrirtæki sem eru á listanum og eru með skráð afsláttarkjör spyrja aldrei um kortið, spurning hvor það er lítið upplýst starfsfólk eða hreinlega viljandi ?

Þó vil ég ekki halda því fram en vildi gjarnan sem viðskiptavinur með KEA kort fá upplýsingar frá viðkomandi fyrirtæki þegar verslað er.

Einnig væri kjarabót ef fyrirtæki eins og Nettó byði betri afslátt en 2%

Og svo eru það öll hin sem eru ekki með í pakkanum.

 

Meirihlutinn bætir við sig, Sjálfstæðisflokkurinn strand.

Fylgi Sam­fylk­ing­ar­inn­ar er nærri óbreytt frá kosn­ing­un­um 2014, en þá vann hún mik­inn sig­ur. Fylgi Sjálf­stæðis­flokks­ins hef­ur auk­ist lít­il­lega miðað við sömu kosn­ing­ar. At­hygli vek­ur mik­ill mun­ur á fylgi Sam­fylk­ing­ar­inn­ar ann­ars veg­ar og Sjálf­stæðis­flokks­ins eft­ir hverf­um borg­ar­inn­ar. Í fimm stór­um borg­ar­hlut­um er Sjálf­stæðis­flokk­ur­inn með meira fylgi en Sam­fylk­ing­in. Fylgið við Sjálf­stæðis­flokk­inn er mest í út­hverf­un­um en við Sam­fylk­ing­una í vest­ur­hluta borg­ar­inn­ar.

Áhugaverð könnun Félagsvísindastofnunar í Reykjavík.

Meirihlutinn heldur örugglega velli.

Samfylking með sama fylgi og í metkosningunum 2014.

Eyþór og Sjálfstæðisflokkurinn virðast ekki skora neitt, hanga rétt rúmlega á fylgi síðustu kosninga.

Framsókn hverfur, Miðflokkur og Viðreisn fá einn og tvo.

VG og Píratar, flokkar í núverandi meirihluta bæta við sig, Björt framtíð er horfin eins og allsstaðar enda munu þeir ekki bjóða fram.

Ef niðurstaðan yrði þessi væri ef til vill skynsamlegt að bjóða Viðreisn aðkomu að meirihluta þó þess þyrfti ekki tölulega.

Þær ályktanir sem má draga af þessum niðurstöðum að Eyþór Arnalds og Sjálfstæðisflokkurinn eru ekki að ná eyrum kjósenda, að mínu viti ekki undarlegt, málflutningur þeirra er þreyttur og gamaldags. Í þá umræðu skortir alla framtíðarsýn og fulltrúar þeirra hafa ekki skorað feitt í umræðum síðustu vikur.

Samfylkingin hefur mótað skýra og framsækna stefnu fyrir Reykjavík til framtíðar meðan Sjálfstæðisflokkurinn er fastur í ryki og holum.

Það er örugglega mikill pirringur í Valhöll og líklega verður neyðarráð flokksins kallað saman og leitað leiða til að koma höggi á meirihlutaflokkanna. Það mega þeir Sjálfstæðismenn eiga að þeir eru sérfræðingar í skítkasti eins og oft hefur sannast.

Vonandi láta meirihlutaflokkarnir ekki draga sig ofan í holu og rykumræðu Sjálfstæðisflokksins og halda áfram að kynna framsækna og metnaðarfulla stefnu fyrir höfuðborgina.

Meirihlutinn heldur velli

Gallup - minnsta fylgi VG frá 2016. Samfó mesta frá 2014.

Fylgi Vinstri grænna minnkar og fylgi Viðreisnar eykst samkvæmt þjóðarpúlsi Gallups. Stuðningur við ríkisstjórnina minkar um 4 prósentustig. Fylgi Vinstri grænna minnkar um nær þrjú prósentustig og fylgi Viðreisnar eykst um nær tvö prósentustig. Ekki er mikil breyting á fylgi flokka.

Ný könnun Gallup er áhugaverð.

Fylgi flestra flokka er svipað nema VG það fellur verulega og mælist nú 13,9%

VG mældist með svipað fylgi um mitt ár 2016 en ekki minna síðan í mars 2016 eða fyrir sléttum tveimur árum.

Það er því farið að bíta samstarfið við íhaldsflokkana.

Samfylkingin mældist nú með 16,6% og er næst stærsti flokkurinn á eftir Sjálfstæðisflokknum sem rær á svipðum miðum með 24,5%

Samfylkingin mældist með svipað fylgi í nóvember 2017 og nú 16,7% en hefur ekki verið hærri síðan í desember 2014 þegar flokkurinn mældist með 20,3%.

Píratar bæta við sig og er nú að mælast með 12,5% og mælast trúlega hærri en VG í næstu könnun haldi þessi þróun áfram sem flest bendir til.

Framsóknarflokkarnir eru við 9% markið og Viðreisn nálgast þá.

Stjórnarflokkanir eru að mælast með samtals innan við helming fylgis, stjórnarandstaðan hefur tekið forustuna af stjórnarflokkunum.

Ríkisstjórnin er á öruggri niðurleið, hefur tapað 14% frá fyrstu mælingum eftir stofnun og er nú með 60% fylgi.

Það er ljóst að Vinstri grænir eiga í vanda. Flokkurinn er í reynd klofinn og órrói í grasrótinni.

Niðurstaða þessarar könnunar staðfestir fylgistap flokksins.

Vinstri grænir eru nú farnir að greiða afborganir af stjórnarsetunni með íhaldsflokkunum, fylgi fellur og líklegt að það muni halda áfram. Áhrif VG í þessu stjórnarsamstarfi eru örugglega minni en fylgismenn þeirra vonuðu.

Það kostar að fara í samstarf með Sjálfstæðisflokknum.

Hvar utanríkisráðherrann ? Hvar eru íslensk stjórnvöld ?

Recep Tayyip Er­dog­an, for­seti Tyrk­lands, seg­ir að Tyrk­ir stefni enn að því að verða hluti af Evr­ópu­sam­band­inu.

Utanríkisráðherra þegir þunnu hljóði.

Ríkisstjórn Íslands þegir þunnu hljóði.

Heimsbyggðin fylgist með framferði Tyrklands sem myrðir á báðar hendur með köldu blóði.

Hvað skyldi valda því að utanríkisráðherra Íslands fordæmir ekki þessar aðgerðir, af hverju fordæmir ríkisstjórn Íslands ekki aðgerðir Tyrklands ?

Allir steinþegja og láta gerðir einræðisherrans í Tyrklandi óátaldar.

Af hverju ?

Tyrkir stefna enn á aðild að ESB

Vinstri grænir í djúpum ...................

Atvinnu­leys­is­bæt­ur, réttur til orlofs og veik­inda­laun komu ekki til í kjöl­far ein­hverra kurt­eislegra sam­tala, heldur feng­ust með verk­föllum og hörðum vinnu­deil­um. Kaffi­sam­sæti með stjórn­völdum hafa reynst launa­fólki ákaf­lega létt í pyngju.

Þjóðhagsráð, hugarfóstur Sjálfstæðisflokksins og félaga þeirra í ríkisstjórninni fellur ekki í frjóa jörð.

ASÍ hefur hafnað þátttöku í því og í Kjarnanum rökstyður stjórnarmaður í ASÍ álit sitt.

Ljóst er að fullkominn trúnaðarbrestur er milli verkalýðshreyfingarinnar og Sjálfstæðis og Framsóknarflokka.

Vinstri grænir uppskera sama trúnaðaðarbrest með því að ganga í björg íhaldsflokkanna.

Vinstri grænir völdu sér það hlutskipti að ganga í íhaldsbjörgin.

Þar með má segja með réttu að þeir séu í djúpum skít og munu uppskera í samræmi við þann trúnaðarbrest sem þeir bjuggu til sjálfir.

 

Sjálfstæðisþingmenn í skotgrafahernaði stöðvuðu VG liða.

Útlit er fyr­ir að kosn­inga­ald­ur í kom­andi sveit­ar­stjórn­ar­kosn­ing­um verði óbreytt­ur, 18 ár. Frum­varp um lækk­un kosn­inga­ald­urs niður í 16 ár var tekið til þriðju umræðu á Alþingi í gær.

Í þessu máli fengu VG þingmenn að smakka á óbilgirni og vinnubrögðum samþingmanna þeirra í ríkisstjórnarmeirihlutanum.

Sjálfstæðisþingmönnum er aldrei treystandi gangi eitthvað gegn skoðunum þeirra. Í þessu tilfelli fóru þeir í skotgrafir og komu í veg fyrir að meirihluti þingmanna gætu samþykkt frumvarpsdrög sem lágu fyrir.

VG þingmenn eiga eftir að smakka á fleiri svona málum og þeir eiga eftir að komast að því hvernig er að vinna með Sjálfstæðis og Framsóknarflokknum.

Það er örugglega súr seiður að kyngja.

Frumvarpið í raun dautt

Framsókn breytir um kúrs frá 2013.

eldra en 25 ára sem hef­ur áhuga á bók­námi,“ seg­ir ráðherra í grein sinni. Hún bæt­ir þó við að ráðuneyt­inu hafi ekki borist kvart­an­ir vegna þessa og að lík­ur á að á það reyni séu hverf­andi.

Í ráðherratíð Illuga Gunnarssonar og valdatíð Framsóknar og Sjálfstæðisflokks var 25 ára reglan innleidd. Í framhaldi af því hvarf fólk eldra en 25 ára að mestu úr framhaldsskólum.

Það var líka í ráðherratíð Framsóknar og Sjálfstæðisflokks sem settur var vsk á bækur.

Nú er Framókn að reyna að auka vinsældir sínar með ýmsum yfirlýsingum, Lilja Alfreðsdóttir er sérlega dugleg við að reyna að vinda ofan af gömlum syndum Framsóknar.

En enn eru þeir í samstarfi við Sjálfstæðisflokkinn og á eftir að koma í ljós hvort sá flokkur hefur líka bakkað frá gjörðum sínum 2013, ekki er það líklegt og hætt við að þessi umræða fjari út í rólegheitum.

En vonum það besta, þetta eru þjóðþrifamál.

Vill afnema 25 ára regluna

Dómsmálaráðherravandræði.

Framtíð norsku ríkisstjórnarinnar er enn óviss ef marka má annars hörð orð Knut Arild Hareide, formanns Kristilega þjóðarflokksins, við upphaf flokksfundar áðan. Allt veltur á hvað átta þingmenn kristilegra gera þegar tillaga studd af stjórnarandstöðu kemur til atkvæða í Stórþinginu á morgun.

Dómsmálaráðherrar nágrannaþjóðanna Íslands og Noregs eru til vandræða.

Annar braut lög og var dæmdur af Hæstarétti og situr enn með stuðningi hægri flokkanna og svokallaðra sósialista.

Hinn skrifaði leiðinlega færslu á facebook og þar vofir yfir vantraust.

Líklegt að hægri stjórnin í Noregi falli á næstunni.

Ekki annað hægt að segja hvað varðar pólitískt siðferði í Noregi, að það sé á miklu hærra stigi en á Íslandi þar sem flokkar spillingar og fyrirgreiðslu slá skjaldborg um dæmdan dómsmálaráðherrann.

Margrét Sanders sækir um launalækkun.

Þetta kom fram í máli Mar­grét­ar Sand­ers, for­manns Sam­taka versl­un­ar og þjón­ustu, á árs­fundi SVÞ í síðustu viku. Hún legg­ur til lækk­un yf­ir­vinnu­kaups gegn hækk­un grunn­launa.

Alltaf ánægjulegt þegar yfirmenn líta í eigin barm og meta stöðu sína.

Nú hefur Margrét Sanders hjá Samtökum verslunar og þjónustu sótt um launalækkun fyrir sig.

Hér gengur þessi ágæti yfirmaður fram með góðu fordæmi.

Þetta mættu fleiri ofurlaunamenn í kerfinu taka sér til fyrirmyndar, t.d. forstjóri N1 og alþingsmenn.

 

Hátt yfirvinnukaup kann að skýra langa vinnuviku

Engeyjarumskiptingurinn.

Bjarni var líka skýr um afstöðu flokksins til Evrópusambandsins. Flokkurinn hafnaði þeirri hugmynd að taka upp aðra mynt og hafnaði þeirri hugmynd að Ísland ætti að ganga í ESB til að taka upp evruna. Hann sagði umhverfismál vera í forgangi, sett hefðu verið metnaðarfull markmið varðandi losun gróðurhúsalofttegunda. „Við getum ekki setið með hendur í skauti þegar viðvörunarljósin blikka. Að meðaltali bráðnar ferkílómetri af Grænlandsjökli á dag.“

Bjarni Benediktsson fer á kostum.

Að hans mati eru þeir sem láta sér detta í hug að krónan sé framtíðargjaldmiðll barnalegir, allt að því asnar.

Það er því fróðlegt að skyggnast um öxl og kíkja á þá sem voru barnalegir, allt að því asnar fyrir nokkrum árum.

Tveir frammámenn Sjálfstæðisflokksins á þingi, Bjarni Benediktsson og Illugi Gunnarsson, lýsa því yfir í Fréttablaðinu í dag að þeir vilji að Ísland hefji aðildarviðræður við Evrópusambandið og að innganga í sambandið verði borin undir þjóðina í þjóðaratkvæðagreiðslu.

Svo mörg voru þau orð.

Í þjóðsögunum er tala um umskiptinga.

Hér virðist því sama fyrirbærið á ferð.

Barnalegir í dag, formaður Sjálfstæðisflokksins telur sig væntalega fullorðinn enda orðin nokkur ár síðan hann og flokksbróðir hans Illugi Gunnarsson voru harðir stuðningsmenn upptöku evru.

Hentimálflutningur eða umskiptingur.

Ekki gott að segja.