Hremmingar Sjálfstæðisflokksins.

Sjálfstæðisflokkurinn er að fara á taugum.

Þingmenn flokksins hafa gerst sekir um raðmistök og ömurlegar uppákomur síðustu vikur og mánuði.

Það hveður svo rammt að þessu að flokkurinn er við það að leysast upp og traust milli þingmanna virðist lítið og stutt í deilur.

Hægt er að nefna nokkur atriði.

Formaðurinn BB er í endalausri vörn, spilling, Panamaleynd, vafasamar fjárfestingar, lítil viðing fyrir sannleikanum, rangar upplýsingar um boðsferðir og m.fl.

Varaformaðurinn-ritarinn reynslulaus og lítt upplýst.

Brynjar Níelsson er sérstakur kapítuli sem flestir taka lítið mark á.

Dómsmálaráðherrann Sigríður Andersen hefur átt hvern stórleikinn af öðrum, leyndarhyggja, mannfjandsamleg framkoma, hroki. Svo mætti lengi telja.

Ásmundur Friðriksson gælir við rasisma og sýnir flóttamönnum fjandskap.

Páll Magnússon afneitaði fjárlagafrumvarpinu daginn eftir stjórnarslit, " við ætluðum aldrei að samþykkja þetta". Rýtingsstunga í bak fjármálaráðherrans.

Flestir aðrir reyna að láta lítið á sér bera, svo lítið að enginn man að þeir eru í framboði.

Hætt er við að ef flokkurinn tapar fylgi eins og flest bendir til þá fækki konum í þingmannahópnum verulega.

Eftir muni sitja karllægur kerfisflokkur með þreytta og útúrnotaða þingmenn.

Sjálfstæðisflokkurinn er í vanda, hann hefur tapað trúverðugleika, kjósendum er í nöp við flokkinn og flestir flokkar hafa nánast lýst því yfir að Sjálfstæðisflokkurinn sé síðasti kostur í stjórnarmyndunarviðræðum.

Auk þessa alls er flokkurinn að mælast með eitt minnsta fylgi í sögu sinni. Flokkurinn sem einu sinni var 40% + er nú að dingla í kringum 20%

Það verður mikil uppstokkun á þeim bænum á næsta landsfundi ef að líkum lætur.

Sjálfstæðisflokkurinn ætti ekki að vera valkostur kjósenda 28. október næstkomandi.

Hann er ekki stjórntækur.

Rasismi í boði Sjálfstæðisflokksins - eða ekki ?

Ásmundur sagði í grein sinni að ræða þurfi kostnað íslenska ríkisins vegna hælisleitenda. Vill þingmaðurinn meina að þöggun ríki um málefnið og að heimafólk líði fyrir fjölgun hælisleitenda á Íslandi.

Flestir eru sammála um að framsetning þessa þingmanns Sjálfstæðisflokksins eru sérlega ógeðfeld.

Þarna glittir í hreinan rasisma og útlendingafordóma.

Formaður Sjálfstæðisflokksins lætur ekki ná í sig og varaformaður er á flótta í málinu og neitar að tjá sig.

Kannski sættir Sjálfstæðisflokkurinn sig við svona uppákomur einstakra þingmanna eða ekki.

Ef þetta er samþykkt með þögninni er það kjósenda að segja skoðun sína á þingmanninum.Útstrikanir eru í sjálfu sér leið en auðvitað væri það skylda Sjálfstæðisflokksins að hvetja kjósendur til þess, sé þetta ekki stefna flokksins.

Þarna er umræddur þingmaður að fiska í gruggugu vatni fordóma og heimsku.

 

Svindlarar á ferð.

Íslenska þjóðfylk­ing­in mun ekki bjóða fram í alþing­is­kosn­ing­un­um sem fram fara eft­ir tvær vik­ur. Flokk­ur­inn hef­ur til­kynnt yfir­kjör­stjórn­um að all­ir fram­boðslist­ar flokks­ins hafi verið dregn­ir til baka.

Þjóðfylkingin og málflutningur ýmissa þar er umdeildur og ekkert sérlega fagur á stundum.

Nú eru þeir uppvísir að óheiðarlegu svindi að því er virðist.

Þeir verða ekki með.

Flestir fagna því, og ef til vill ekki úr háum söðli að detta.

Sem betur fer er um eða innan við 1% þjóðarinnar sem styður þennan málstað samkvæmt skoðanakönnunum.

Það er vel.

Íslenska þjóðfylkingin býður ekki fram

X- S á blússandi siglingu.

Fylgi stærstu flokkanna breytist ekki mikið milli kannana. Sjálfstæðisflokkurinn mælist stærstur með nærri 24% og Vinstri græn með 23%. Framsóknarflokkurinn fengi samkvæmt könnuninni rúmlega 7%, og lækkar um nærri þrjú prósentustig. Samfylkingin bætir hins vegar við sig um fjögurra prósentustiga fylgi og fengi 13%. Nærri 5% segjast myndu kjósa Viðreisn og bætir flokkurinn aðeins við sig, en Björt framtíð mælist með 3%. Píratar mælast með nærri 9%. Miðflokkurinn, sem var stofnaður undir lok síðasta könnunartímabils fengi samkvæmt Þjóðarpúlsinum liðlega 9%, en gengi Flokks fólksins dalar um fjögur prósentustig og fengi flokkurinn nærri 6%.

                                                       ( ruv.is )

Þá er búið að birta nýjustu Gallúp.

Hún er nokkuð á sömu nótum og MMR könnun fyrr í vikunni.

VG og Sjálfstæðisflokkur á sama róli yfir 20%

Exemm virðist vera að gera vonir Ingu Sæland að engu auk þess sem frambjóðendur flokksins hafa ekki skorað hátt í umræðum síðustu daga.

Framsókn dalar um 3% sem er vonum minna miðað við að exemm er að mælast með 9% fylgi. Þó er eðli slíkra framboða að dala þegar nær dregur þannig að líklega erum við að sjá hámarkstölur hjá þeim, enda ekki búnir að sýna stefnu og varla frambjóðendur þegar þessi könnun fer fram.

Píratar dala enn hægt og rólega, ekki eins spennandi nýjung núna og fyrir ári.

X-S er aftur á blússandi siglingu, bæta við sig 4% og fara í 13%.

Það er í reynd markverðasta niðurstaða þessarar könnunar og alveg á pari við könnun MMR.

Nýjir frambjóðendur, nýjar áherslur og hógvær og mannlegur málflutningur sýnir kjósendum jafnaðarmenn í réttu ljósi.

Nú er bara að halda fram veginn, frambjóðendur reki jákvæða og uppbyggilega kosningabaráttu eins og fram að þessu.

Þá er að vænta sigurs félagshyggjuaflanna þann 28. október.

Rándýr ráðherra Sjálfstæðisflokksins.

Geir Jón Þórisson sem skipar heiðurssæti á lista Sjálfstæðisflokksins í Suðurkjördæmi ætlar ekki að kjósa flokkinn í næstu alþingiskosningum.

Fráfarandi núverandi dómsmálaráðherra er flokknum dýr.

Hún náði næstum ein og óstudd að sprengja síðustu ríkisstjórn með óbilgirni og hroka. Fylgir dálítið dómsmálaráðherrum flokksins eins og sagan sýnir okkur.

Í verðlaunaskyni var hún hækkuð um sæti og Brynjar gaf eftir sitt.

Nú ætlar heiðurssætismaður á lista flokksins að láta það vera að kjósa Sjálfstæðisflokkinn.

Stórtíðindi þegar litið er til hver er þar á ferð.

Geir Jón Þórisson einn af tryggustu liðsmönnum flokksins.

Og enn og aftur á dómsmálaráðherrann sök á vandræðunum.

Veit ekki hvernig Valhöll verðlaunar hana fyrir þennan skandal.

Þessi ágæti dómsmálaráðherra er búinn að vera flokknum dýr, sennilega mun framganga hennar kosta flokkinn sæti í ríkisstjórn og slatta af þingmönnum.

Gætu allt eins farið niður í 14-15 þingmenn og tapa fjórðungi fylgis.

Hvað ætli séu í verðlaun fyrir svona í Valhöll ?

 

Simmi kastar Gunnari fyrir ljónin í eigin kjördæmi.

Gunn­ar Bragi Sveins­son skip­ar efsta sæti lista Miðflokks­ins í Suðvest­ur­kjör­dæmi og Þor­steinn Sæ­munds­son er odd­viti flokks­ins í Reykja­vík Suður.

Sigmundur Davíð formaður exem kastar Gunnari Braga fyrir ljónin kjördæmi sínu í Kraganum.

Hann ætlar að sigla lygnan sjó í kjördæminu þar sem hann á fake - lögheimili því þar er Framsóknarmennskan rótgróið fyrirbæri.

Gunnar Bragi sem sagðist hafa fæðst Framsóknarmaður og ætlaði að deyja Framsóknarmaður hljóp í exemið tveimur dögum síðar.

Hann fær víst ekki sæti í NV þar sem er nokkuð rótgróið og íhaldssamt Framsóknarfylgi.

Þess í stað kastar Simmi honum fyrir ljónin í Kraganum þar sem lítil eftirspurn er eftir Framsókn og væntalega xeminu líka.

En hvað gerir maður ekki fyrir foringjann.

Gunnar Bragi leiðir í Kraganum

X - S í uppsveiflu.

Það er mikið rót á skoðanakönnunun þessa dagana.  MMR í dag.

Nýr flokkum SDG virðist ætla að ganga nærri gamla Framsóknarflokknum sem mælist afar lágt þessa dagana. Þó hef ég trú á að þeir nái vopnum sínum og jafni þennan leik Framsóknarmanna sem nú stendur sem hæst.

VG dettur úr hæstu hæðum rétt við 30% markið niður undir 20% sem flestum þætti dágóður árangur á þeim bænum. Reynar trúlegri að mínu mati en 30% sem þeir hafa verið að mælast með.  Kannski er SDG með sitt xemm að höggva þar í?

Sjálfstæðisflokkurinn er að mælast á sama stað og að undanförnu, slefar yfir 20% markið. Það væri áfall á þeim bænum eins og ég hef áður nefnt.

Flokkur fólksins dalar líka á milli kannana, þar gæti þetta endað með að þeir yrðu úti eftir kjördag. Listarnir þeirra eru ekki að skora hátt heyrir maður.

Stóru tíðindin eru að jafnaðarmenn eru að ná vopnum sínum og stökkva í 13% tala sem hefur ekki sést lengi.

Glænýtt fólk með ómengaða sýn jafnaðarmanna hafa birst kjósendum og það fellur í góðan jarðveg.

Frambjóðendur hafa boðað að mannleg gildi og félagshyggja muni ráða för næstu árin.

Það er vel.

Það sem þjóðin þarf er að hér verði til ríkisstjórn og flokkar sem setja manngildi ofar auðgildi.

Það er hin hreina og tæra jafnaðarstefna.

Minnislausir Engeyingar.

„ Þetta mál, sem þótti svo stórt að það var ástæða til stjórnarslita, það man varla nokkur hvað þetta er. Ef að þetta hefði verið stjórnarslitamál þá ætti þetta að vera eitt aðal kosningamálið núna,“ svaraði Benedikt.

Þeir frændur Bjarni og Benedikt eru gleymnir.

BB mundi ekki að hann hafði fært 50 milljónir milli sjóða rétt fyrir hrun, kallaði það eitthvað smáræði.

BJ er búinn að gleyma af hverju stjórnin sem hann sjálfur var í sprakk.

Það man varla nokkur maður að hans sögn.

Það er sannarlega að hafa jafn minnistakmarkaða menn í stjórnunarstöðum og því tímabært að gefa þeim langt frí til endurhæfingar hugans.

Flestir landsmenn eru á þeirri skoðun ef marka má skoðanakannanir.

Mýtan um stóra sterka Sjálfstæðisflokkinn.

 

Einu sinni var Sjálfstæðisflokkurinn stór og sterkur.

Yfir 40% fylgi í alþingiskosningum og yfir 60% í borginni var skylduverk hvers formanns. Þeir töpuðu gjarnan formannssætinu ef það tókst ekki.

En það er langt síðan flokkurinn mældist í þessum stærðum og þeir eru löngu hættir að reka formennina þó tölurnar séu varla helmingur af því sem áður var.

En mýtan um stóra sterka flokkinn sem varð að vera leiðandi í ríkisstjórn er lífseig.

Enn klifar núverandi formaður á að landinu verði ekki stjórnað nema Sjálfstæðisflokkurinn sé í leiðandi hlutverki.

En staðreyndin er.

Síðast náði flokkurinn að vera í ríkisstjórn heilt kjörtímabil á árunum 1995- 2007. Þá kvittaði Framsóknarflokkurinn glaðlega upp á alla þá einkavæðingu sem framkvæmd var á þeim árum. Þá gekk flokknum vel enda tókst honum með dyggri aðstoð Framsóknar að undirbyggja mesta hrun Íslandssögunnar. Staðreynd sem núverandi formaður talar lítið um enda fortíð.

Síðan þetta gleðitímabil flokksins endaði hefur hann þrisvar sinnum verið í ríkisstjórn og leitt hana í tveimur þeirra.

Allar þessar ríkisstjórnir sprungu með látum, 2009, 2016 og 2017.

Mýtan um stóra sterka Sjálfstæðisflokkinn er orðin æði rykfallin og fátt sem minnir á glæsta daga flokksins sem nú eru löngu liðnir.

Traust til þessa fyrrum valdaflokks er hrunið, framboðslistar hans eru þreytulegir með miðaldra kalla í efstu sætum, sumir hverjir orðnir æði þaulsetnir þrátt fyrir afleitan árangur síðustu ár.

Það er öllum ljóst að ef landsmenn vilja breytingar þá er Sjálfstæðisflokkurinn ekki valkostur.

Hangir á gamla Íslandi eins og hundur á roði, Íslandi þar sem hann og valdaættir ráða og ríkja.

Sjálfstæðisflokkurinn er mýta sem kjósendur vita að stenst ekki.

Kannski var þetta svona einu sinni en ekki lengur.

 

Risastór en gleymdist samt

Bjarni Bene­dikts­son, formaður Sjálf­stæðis­flokks­ins, var spurður út í um­mæli sín í Víg­lín­unni á stöð tvö í des­em­ber í fyrra þar sem hann talaði um 50 millj­ón­ir sem upp­hæð sem hefði ekki skipti veru­legu máli í tengsl­um við færslu á fjár­mun­um úr sjóði 9 í Glitni rétt fyr­ir hrun í leiðtogaum­ræðum á Rúv í kvöld.

50 milljónir, risastór upphæð, líka fyrir mig.( sagði BB næstum)

Samt var hann búinn að steingleyma þessu, afleitt að muna ekki svona risaupphæð sem nú er orðin, þegar maður er rukkaður um þá í beinni.

En auðvitað var þetta smáupphæð í samanburði við þau hundruð milljóna sem ættingjarnir í Engeyjarættinni fluttu um sama leiti.

Skrítin tilviljun það.

„50 milljónir er risavaxin fjárhæð“