Þegar menn horfa bara í eigin nafla.

Þegar menn horfa aðeins í eigin nafla má fá ýmiskonar niðurstöður. T.d. ef menn horfa framhjá hvað kemur fyrir hjá öðrum en sjálfum sér....þá má sjá eintóma plúsa. Það er líka auðvelt að sjá plúsa þegar menn horfa framhjá að líta á málið í heild sinni. Það má líka fá ágætis niðurstöðu þegar menn reikna bara innkomu en gleyma útgjöldum... Svona fyrirtæki verða sjaldan langlíf og reksturinn vonlaus...en blekkingin heldur áfram og sjálfsblekkingin sýnu mest.

Nokkrar staðreyndir um þessi uppgrip og framtíð þeirra.

• Andstaða og óeining innanlands
• Andstaða og neikvæð umræða erlendis.
• Álit Íslands á alþjóðavísu í hættu.
• Erfiðir markaðir og dýr greymslukostnaður.
• Fallandi markaður vegna breytinga á neyslumynstri.
• Hvalbátar bráðum 60 ára, gufuknúðir og úreltir.
• Hvalstöðin úrelt og búnaður úr sér genginn.
• Fjárfestar hafa ekki áhuga á greininni.
• Þekking í greininni að hverfa...

Þetta eru nokkur atriði sem þarf að leggja inn í bókhaldið á móti því sem forstjórinn kallar ágætisverð og í því samhengi eiga menn að meta áframhaldið. Ekki út frá þráhyggju eins manns sem spáir lítið í framhaldið.

„Sjáum í þessu ágæt viðskiptatækifæri“

Stjórnar Kristján Loftsson Sjálfstæðisflokknum ?

Nú kemur það í ljós hvort Kristján Loftsson stjórnar Sjálfstæðisflokknum og sjávarútvegsráðherra. Allir hugsandi menn sjá það í hendi sér hversu skaðlegt það er ímynd og áliti Íslands á alþjóðavettvangi að veiða langreyðar.

Þó svo tekist hafi að selja þetta kjöt tveimur árum eftir að þessir hvalir voru veiddir segir ekki neitt. Þetta er hluti af þráhyggju forstjóra Hvals hf sem er fyrirtæki sem ætti að vera búið að leggja niður fyrir löngu. Fyrirtæki sem starfar einn til tvo mánuði annað hvert ár er varla arðbært. Ef svo þetta sama fyrirtæki er að skaða ímynd landsins og aðra atvinnuvegi á að stöðva starfssemi þess.

Ég trúi ekki að sjávarútvegsráðherra láti þennan mann öskra sig áfram í þessum málum. Hann er lýsandi dæmi um hversu langt er hægt að komast með frekju og öskrum þegar við veiklundaða stjórnmálamenn er að eiga.

Langreyðakjöt sent til Japans

Skiptir ekki máli...

Eitt mark til eða frá skiptir ekki máli.... vilja þeir frekar tapa með þremur en fjórum.

Það var áhugavert að sjá hvað Svíar voru slakir. Lykilmenn náðu sér ekki á strik og skyttuleysi þjáir liðið. Eins og ég sagði í bloggi í gær hentar það okkur miklum mun betur að spila á móti líðum sem spila upp á línu, gegnumbrot og horn. Það eru skyttuliðin sem við ráðum ekki eða illa við. Svíar voru skyttulið en það hefur breyst.. Eftir að Staffan Olson og fleiri hættu hefur liðið varla átt stjórskyttu en spila vel á horn og línu. Það passar okkur best og þar með hvarf Svíagrýlan. Kannski verður það Pólverjagrýla næstu ár eða eitthvað annað...en það verður alltaf skyttulið hver sem grýlan er.

Leikurinn í dag var stórfínn og ég óska strákunum til hamingju.... og svo er að sjá hvað Svíarnir ...tapsárir að vanda, fá út úr kæru ef rétt er.

Svíar ætla að kæra leikinn

Menningarhúsið Hof af sjó.

Svei mér þá ef húsið er ekki fallegra og sómir sér betur af sjó en af landi.

Leikurinn tapaðist á fyrstu 10 mín.

Leitt að sjá hvernig leikurinn í gær spilaðist. Pólverjarnir komu okkur í opna skjöldu með látum. Það hefði ekki átt að koma okkur á óvart því þetta lið er með mikinn sprengikraft. Ég spáði 5 marka tapi og það gekk næstum eftir. Lið eins og Pólverjar hefa alltaf verið okkur erfið...við ráðum ekki við lið með stórskyttum sem geta skotið langt utan af velli. Markvarslan okkar er of veik fyrir þannig stíl og lið.

Svo var ég ekki að skilja Guðmund. Hann keyrði á sömu sóknarmönnunum allan tíman. Hann skipti ekki um einn einasta sóknarmann allar 60 mínúturnar. Þegar maður sá að hann ætlaði ekki að gefa mönnum neina hvíld í sóknarleik og setja inn nýtt blóð til að brjóta upp sóknarleikinn með einhverju nýju...sá maður að þetta gat ekki farið nema á einn veg.

Örþreyttir sóknarmenn ná ekki að vinna upp forskot upp á tvö til fimm mörk...enda hrundi þetta síðustu mínúturnar nema hvað Guðjón Valur sem hafði verið í hvíld allan leikinn, átti orku í síðustu mínútur. Óli Stef og fleiri voru gjörsamlega búnir og gerðu mörg mistök. Reynt var að skipta tveimur út í vörn en það breytti litlu því hinir fjórir voru gjörsamlega búnir og Pólverjar kláruð sóknir á nokkrum sekúndum meðan við urðum að ströggla mínútum saman í hverri sókn.

Þetta verður erfitt í dag ef ekki má nota fleiri leikmenn en þessa 6 í sóknina.

Takmarkið hefur ekkert breyst

Feigðarflan Sjálfstæðisflokksins.

Þessar niðurstöður koma engum á óvart nema kannski borgarfulltrúum Sjalla og borgarstjóranum sjónumhrygga. Meðan hann berst við vindmyllur og heldur að hann sé að láta verkin tala eru borgarfulltrúar Sjálfstæðisflokksins veruleikafyrrtur og ráðalaus hópur lítt hæfra einstaklinga.

Það er eiginlega grátlega fyndið í hverskonar blekkingaheimi þetta fólk lifir.

Síðastu stórleikur hópsins er að reka forstjóra Orkuveitunnar... en láta gamla góða Villa grillast hægt á teini meðan innanflokksátök og valdabarátta eru að gera þennan hóp endanlega óhæfan.

Hvernig er hægt að vera svona hrikalega mislukkaður ???

Fylgi D-lista aldrei minna

Fagna því að bílstjórar eigi 2 milljónir til að leika sér með.

Mér eiginlega léttir nokkuð. Ég hafði mikla samúð með mönnum sem berjast í bökkum og eiga vart til hnífs og skeiðar, hvað þá til að reka bílana sína. Olíuverð er í hæstu hæðum og verkefnin að dragast saman. Það er því eðlilegt að maður hafi áhyggjur að framvindu mála hjá þessari stétt manna.

En það er gott og mér léttir nokkuð núna. Það er ljóst að vörubílstjórar á höfuðborgarsvæðinu eiga nokkurn afgang. Þeir myndi ekki eyða tveimur milljónum króna auk vinnutaps í svona leikþátt nema eiga fyrir honum. Ef þeir eiga vel fyrir svona uppákomu er ljóst að þeir hafa fundið sér varasjóð og mér léttir nokkuð fyrir þeirra hönd.

Táknræn útför á Austurvelli

Einu sinni var Njörður fyrir norðan.

Í forgrunni þessarar myndar sem ég tók fyrir 1970 má sjá Njörð við Slippsbrygguna. Þá stundaði tengdapabbi heitinn þessar veiðar frá Akureyri og bæjum hér norðan við. Merkilegt hvað hvalveiðibátar eru gamlir og endurnýjun hæg. Það er þó búið að skipta um stýrishús á þeim gamla.

Skyldi þetta ekki vera sami skrokkur enn....það sýnist mér ...og liturinn sá sami þó lítið fari fyrir græna litnum á þessari mynd.

Nei...líklega er þessi sem nú er Njörður eitthvað stærri.

Njörður á hrefnuveiðar að nýju

Að klára sig í pólitík.

Í vetur og vor höfum við séð tvo menn klára sig í pólitík. Þessir tveir hafa notað mismunandi aðferð við þetta pólitíska sjálfsmorð. Annar fór út á veikan ís kynþáttaumræðu og hinn fór út á þann í sem veikastur er....sveik félaga sína.

Þessir tveir menn eru Ólafur borgarstjóri í Reykjavík sem óðum er að klára silfursjóðinn sem gjörningur hans skilaði....verður borgarstjóri í fáeina mánuði enn.

Hinn hefur dæmt sig endanlega úr leik hvað varðar stjórnmálaþátttöku og virðing fyrir málstað hans er engin. Magnús Þór Hafsteinsson lofaði góðu á tímabili sem stjórnmálamaður en nú hefur hann endanlega misst niður um sig og er ævarandi úr leiks sem slíkur. Sorglegt þegar dómgreindin yfirgefur menn á ögurstundu.

„Við höfum nóg með okkur sjálf“

Af hverju er hann með 2% fylgi ?

Merkilegt hvernig borgarstjórinn höndlar þetta mál. Af hverju er hann með pilsnerfylgi ef allir eru svona sammála honum.? Mig minnir að hann hafi gert heldur lítið úr könnun sem mældi hann þar...en svona er þetta...nota það sem hentar.

Annars er þetta nokkuð merkileg könnun og niðurstaða hennar er að segja að Reykjavíkurpóltíkusar eru ekki að lesa vilja kjósenda á svæðinu. Auðvitað vilja hugsandi borgarbúar hafa samgöngumiðstöð landsins í höfuðborginni. Það er snauð höfuðborg sem ekki státar af innanlandsflugvelli og flugstarfssemi innan ásættanlegra marka.

En sumum finnst víst annað !!

Borgarstjórinn fagnar niðurstöðu skoðanakönnunar