Hirðin þorir ekki að segja keisaranum að hann sé allsber.

Þórunn Egilsdóttir, varaformaður þingflokks Framsóknarflokksins, telur forsætisráðherra standa sterkt þrátt fyrir Wintris-málið og þá gagnrýni sem fram hefur komið. Enginn hafi gengið harðar fram í að verja hagsmuni íslenska ríkisins en forsætisráðherra. Ekki hefur þótt ástæða til að ræða málefni forsætisráðherra sérstaklega í þingflokknum og gefur hún lítið fyrir gagnrýni stjórnarandstöðu.

___________________

Þingflokkur Framsóknarflokksins er í sömu stöðu og hirðin í ævintýrinu Nýju fötin keisarans.

Enginn hirðmanna þorði að segja keisaranum að hann væri nakinn.

Meðvirkni og undirlægjuháttur af bestu gerð.

Það er með flest ævintýri þessa höfundar, þau áttu sér sterka þjóðfélagslega ádeilu.

Sjaldan hefur þetta ævintýri fallið betur að raunveruleikanum hér á landi.

Þar eru forsætisráðherra og þingflokkur Framsóknarflokksins í aðalhlutverkum.

Nokkuð ljóst að þingflokkurinn þekkir ekki til máltækisins.

Vinur er sá til vamms segir.

Frekar verja þeir málstað sem er í besta falli siðlaus og dómgreindarlaus.

En sagan mun dæma í þessu máli sem öðrum þegar frá líður.

Mun Sjálfstæðisflokkurinn verja forsætisráðherra vantrausti ?

Sig­mund­ur Davíð Gunn­laugs­son, for­sæt­is­ráðherra, seg­ir að sér hafi hvorki borið laga­leg né siðferðis­leg skylda til þess að greina frá eign­um eig­in­konu sinn­ar, Önnu Sig­ur­laug­ar Páls­dótt­ur, en hún á um 800 millj­ón­ir króna í af­l­ands­fé­lagi.

____________

Það kemur ekkert á óvart í þessu viðtali við SDG.

Hann hefur annað siðferðismat en meirihluti landsmanna, það var vitað.

Hann mun gera frekari grein fyrir þessu í viðtali á ÚTVARPI SÖGU.

Fjölmiðill við hæfi.

En stóra spurningin er í framhaldinu.

Mun Sjálfstæðsflokkurinn verja forsætisráðherra vantrausti ?

Vitað er að tveir þingmenn þeirra eru ekki sáttir en hinir steinþegja.

Það væri góður mælikvarði á siðferði Sjálfstæðisflokksins að sjá þá niðurstöðu.

Þjóðin bíður væntalega í ofvæni eftir þeirri siðferðismælingu.

Bar ekki skylda að segja frá

Eignir hjóna eða ekki eignir hjóna.

Einnig hef­ur það verið í umræðunni um að for­sæt­is­ráðherra hafi brotið gegn siðaregl­um Alþing­is með því að upp­lýsa þing og þjóð ekki um hags­muni sína í fyr­ir­tækj­um og fé­lög­um. En staðreynd­in er sú að um­leið og for­sæt­is­ráðherra byrjaði sinn stjórn­mála­fer­il hef­ur ekki verið fjár­fest í ís­lensk­um fyr­ir­tækj­um til þess að forðast hags­muna­árekstra. Lengi hef­ur verið vitað að eig­in­kona hans er vel efnuð, en eng­um þing­manni er gert skylt að sýna fram á eign­ir og hags­muni maka síns.

________________

Öll Framsóknarelítan hefur lagst í vörn og réttlætingu fyrir forsætisráðherra sem hefur gert sig sekan um fádæma dómgreindarleysi í þessu máli.

Það liggur fyrir og hefur ekki verið mótmælt að.

• Sigmundur Davíð átti þetta félag til helminga við konu sína en því var breytt snarlega þegar hann færði sig í stjórnmálin.

• SDG hefur aldrei gert grein fyrir þessu milljarðafyrirtæki þeirra hjóna.
• SDG mótmælir því að honum komi þetta mál nokkuð við og þetta félag sé alfarið á ábyrgð eiginkonunnar. Samt eru þau væntalega samsköttuð sem hjón og ekki hefur verið haldið fram að þau hafi gert með sér kaupmála.
• Aðstoðarmaður forsætisráðherra, á launum hjá þjóðinni var samt sem áður kallaður til leiks og látinn verja þennan gjörning.             ( Jóhannes útskýrari )
• SDG svarar engum fyrirspurnum fjölmiðla þrátt fyrir að honum beri skylda til þess sem forsætisráðherra.
• SDG neitar að koma fyrir Alþingi og gera grein fyrir málum sínum.

Forsætisráðherra Sigmundur Davíð Gunnlaugsson er með allt niður um sig í þessu máli og í öllum siðmenntuðum ríkjum heims væri hann farinn frá.

En hann ætlar að taka þetta með þögninni, hóp að meðvirkum Framsóknarmönnum í kringum sig og Sjálfstæðisflokk sem þegir og er þar með samsekur.

Það er ekki burðugt lýðræðið á Íslandi.

 

 

„Forsætisráðherra tók þátt í því að rýra eignir eiginkonu sinnar“

Forsætisráðherra á flótta.

Ótt­arr Proppé, formaður Bjartr­ar framtíðar, vill frek­ari viðbrögð og svör frá Sig­mundi Davíð Gunn­laugs­syni for­sæt­is­ráðherra vegna af­l­ands­fé­lags Önnu Sig­ur­laug­ar Páls­dótt­ur, eig­in­konu hans. Mögu­leg van­traust­stil­laga á Sig­mund hef­ur verið rædd inn­an flokks­ins ásamt öðrum viðbrögðum

________________________

SDG lætur ekki ná í sig.

Hann svarar ekki fyrirspurnum og vill ekki mæta í viðtöl fjölmiðla.

Hann vildi ekki standa fyrir framan Alþingi og svara sjálfsögðum spurningum.

Þetta er nú svo sem ekkert nýtt.

SDG kann best við sig við lyklaborð í lokuðum hergbergjum og dæla frá sér speki um málefni, sem ekki eru á hans könnu.

Að vera forsætisráðherra virðist utan hans nennu.

En nú er kallinn í djúpum.........

Hann á enga leið færa nema segja sig frá embætti.

Bara spurning um hvar af hans samherjum hefur þor til að segja keisarnanum að hann er á klæða.

Kannski þarf saklaust barn til eins og í ævintýrinu.

Fólkið vill frekari svör frá Sigmundi

Hraðlyginn utanríkisráðherra.

Með orðum sín­um um annað leit­ast ut­an­rík­is­ráðherra við að af­vega­leiða umræðuna um hags­muni for­sæt­is­ráðherra og eig­in­konu hans og held­ur fram hel­ber­um ósann­ind­um um und­ir­ritaðan þing­mann í því skyni að gjald­fella mál­flutn­ing hans á þingi og í þjóðfé­lagsum­ræðunni og drepa á dreif gagn­rýni á for­sæt­is­ráðherra.“

Það er ljóst að utanríkisráðherra hefur farið á taugum við að frétta af Tortóluævintýri forsætisráðherra.

Það er ekki undarlegt, margir eru afar undrandi.

En að ráðherra fari svo hrikalega á taugum að hann grípi til þess að ljúga upp á samþingmann er full langt gengið.

Hvað honum gengur til er ekki gott að segja.

En reikna má með að hann sé maður til að biðjast afsökunar á ruglinu, öllum getur orðið á í messunni.

Hefur aldrei átt né selt kvóta

Víða leynast hrægammarnir.

Eign­ir Wintris, sem er skráð á Bresku-Jóm­frúreyj­um og er í fjár­stýr­ingu hjá úti­búi Cred­it Suis­se á Bretlandi, nema rúm­um millj­arði, auk þess sem fé­lagið á kröf­ur á alla föllnu bank­anna.

Núverandi forsætisráðherra fann það snjallræði að kalla kröfuhafa í föllnu bankanna hrægamma.

Það þótti gott innlegg og skilaði Framsóknarflokknum vafalaust atkvæðum, í það minnsta athygli.

Nú réttum þremur árum síðar að víða leynast þessir svokölluðu hrægammar formanns Framsóknarflokksins.

 

 

Skattar greiddir frá upphafi

Bitinn og klóraður Bjarni - gengur ljómandi vel.

Staðsetning Landspítala, búvörusamningar, breytingar á fæðingarorlofi, verðtryggingar, sala á bönkum og náttúrupassinn eru nokkur mál sem stjórnvöld virðast ekki koma sér saman um. Í sumum þeirra virðist ágreiningurinn djúpur.

____________

Það er mikill ágreiningur milli stjórnarflokkanna og þessi ágreiningur dylst engum - nema Bjarna Ben.

Stjórnarsamstarfið gengur ágætlega að hans mati og hann gerir greinilega ekkert með uppistandið hjá forsætisráðherra.

Bitinn og kljóraður formaður Sjálfstæðisflokksins velur að láta sem ekkert sé.

En auðvitað er þetta stjórnarsamstarf að liðast í sundur.

Mál eru strand, ekkert gengur eða rekur í mikilvægum málum.

Það ríkti mikið stjórlneysi síðasta árið hjá fyrrum ríkisstjórn. Það vissu allir og menn viðurkenndu það.

Munurinn núna er að þrátt fyrir mikið sundurlyndi og ágreining ætlar formaður Sjálfstæðisflokksins ekki að láta það hafa áhrif á sig.

Þessi stjórn mun lafa út kjörtímabilið en uppákomur að undanförnu sýna að hún verður lítið stjórnhæf síðustu mánuðina.

Hvað lætur maður sig ekki hafa fyrir völdin.

Verkstjórinn er þegar hættur störfum og farinn í poppulismann.

 

Verr settar í íslenska kerfinu en hjá mannsalsmönnum.

Þar seg­ir einnig að kon­urn­ar hafi ekki fengið at­vinnu­leyfi og hafi því verið sett­ar í enn verri stöðu en þær voru í á meðan á man­sal­inu stóð.

Mann setur hljóðan.

Þegar þessar vesalings konur komust í hendur íslensku stjórnsýslunnar varð staða þeirra verri en í höndum mannsals, lokaðar í kjallara í Vík.

Þetta mál er til háborinnar skammar fyrir Innanríkisráðuneytið og alla stjórnsýslu hér á landi sem snýr að rétti fólks til málsmeðferðar.

Ég vona svo sannarlega að möppudýrin í ráðuneytinu taki þetta til sín og bæti ráð sitt.

Eftirfylgni ráðherrans hefur enginn verið, þó þetta mál hafi verið í öllum fjölmiðlum þessa lands í langan tíma.

Ömurlegt.

 

Farið úr öskunni í eldinn

Fullkomlega óhæfur forsætisráðherra.

Jóhannes M. Gunnarsson, læknisfræðilegur verkstjóri um byggingu nýs Landspítala, segir starfsemi spítalans ekki þola nýja staðarvalsgreiningu eða frekari bið. Ummæli forsætisráðherra um að reisa eigi spítala við Vífilsstaði séu til þess fallin að skapa óöryggi og erfiðleika.

_______________

Það líður varla sú vika að forsætisráðherrann svokallaði varpi ekki fram einhverju rugli.

Það er hreinlega að verða áhyggjuefni að fylgjast með því sem vellur út um glugga og gáttir Stjórnarráðsins.

Það er stórmerkilegt að Sjálfstæðisflokkurinn skuli vera tilbúinn í að bakka upp SDG í embætti forsætisráðherra, eða kannski, hvað lætur maður sig ekki hafa fyrir völdin.

Sannarlega gerði forsætisráðherrann, svokallaði, sig sekan um að gera lítið úr K. Júl heilbrigðisráðherra með ummælum sínum um staðsetningu Landspítala.

En verra var að hann er að valda óöryggi og vandræðum á sjálfum spítalanum.

Forstjórinn skaut að vísu ráðherrann niður með föstum skotum.

Auðvitað á ekki að taka neitt mark á SDG, hann er ekki marktækur.

En hann er víst forsætisráðherra í umboði Sjálfstæðisflokksins, þannig að menn neyðast til að hlusta á bullið, sama hversu vitlaust það nú er.

En spurning dagins er.

Ætlar Sjálfstæðisflokkurinn að halda áfram að styðja þennan mann í þetta hæsta enbætti þjóðarinnar.

Hann er þar á þeirra ábyrgð.

Þarna er hann að valda ómældu tjóni alla daga.

Hverjir greiða framlög Sjálfstæðisflokksins til ríkra og útgerðar ?

Það er ábyrgðalaust að leggja til lengingu á fæðingarorlofi og hækkun hámarksgreiðslna þegar fjármögnun á því liggur ekki fyrir. Þetta segir framkvæmdastjóri Samtaka atvinnulífsins. Samtökin séu algjörlega andvíg því að tryggingagjald verði hækkað.

Sjálfstæðisflokkurinn legst gegn framlögum til aldraðra og öryrkja.

Varaformaður fjárlaganefndar legst alfarið gegn lengingu fæðingarorlofs.

Sjálfstæðisflokkurinn sker framlög til heilbrigðismála við nögl.

Þetta er nauðsyn fyrir flokkinn því einhverjir verða að greiða fyrir lækkun veiðigjalda og lækkun skatta á ríka og fyrirtæki.

Þeir sem Sjálfstæðisflokkurinn hefur valið til að bera þessar byrðar eru.

Fátækt fólk sem greiða þar hærra hlutfall tekna sinna í matvæli vegna hækkunar virðisaukans.

Sjúklingar sem þurfa að greiða hærra hlutfall heilbrigðisþjónustu úr eigin vasa.

Aldraðir sem ekki fá hækkun eftirlauna.

Barnafólk sem ekki fær hækkun barnabóta og lengingu þess.

Varaformaður fjárlaganefndar, Guðlaugur Þór er orðinn leiður á þessu rausi.

Sjálfstæðisflokkurinn er alltaf fundvís á breiðu bökin.