Eignir hjóna eða ekki eignir hjóna.

Einnig hef­ur það verið í umræðunni um að for­sæt­is­ráðherra hafi brotið gegn siðaregl­um Alþing­is með því að upp­lýsa þing og þjóð ekki um hags­muni sína í fyr­ir­tækj­um og fé­lög­um. En staðreynd­in er sú að um­leið og for­sæt­is­ráðherra byrjaði sinn stjórn­mála­fer­il hef­ur ekki verið fjár­fest í ís­lensk­um fyr­ir­tækj­um til þess að forðast hags­muna­árekstra. Lengi hef­ur verið vitað að eig­in­kona hans er vel efnuð, en eng­um þing­manni er gert skylt að sýna fram á eign­ir og hags­muni maka síns.

________________

Öll Framsóknarelítan hefur lagst í vörn og réttlætingu fyrir forsætisráðherra sem hefur gert sig sekan um fádæma dómgreindarleysi í þessu máli.

Það liggur fyrir og hefur ekki verið mótmælt að.

• Sigmundur Davíð átti þetta félag til helminga við konu sína en því var breytt snarlega þegar hann færði sig í stjórnmálin.

• SDG hefur aldrei gert grein fyrir þessu milljarðafyrirtæki þeirra hjóna.
• SDG mótmælir því að honum komi þetta mál nokkuð við og þetta félag sé alfarið á ábyrgð eiginkonunnar. Samt eru þau væntalega samsköttuð sem hjón og ekki hefur verið haldið fram að þau hafi gert með sér kaupmála.
• Aðstoðarmaður forsætisráðherra, á launum hjá þjóðinni var samt sem áður kallaður til leiks og látinn verja þennan gjörning.             ( Jóhannes útskýrari )
• SDG svarar engum fyrirspurnum fjölmiðla þrátt fyrir að honum beri skylda til þess sem forsætisráðherra.
• SDG neitar að koma fyrir Alþingi og gera grein fyrir málum sínum.

Forsætisráðherra Sigmundur Davíð Gunnlaugsson er með allt niður um sig í þessu máli og í öllum siðmenntuðum ríkjum heims væri hann farinn frá.

En hann ætlar að taka þetta með þögninni, hóp að meðvirkum Framsóknarmönnum í kringum sig og Sjálfstæðisflokk sem þegir og er þar með samsekur.

Það er ekki burðugt lýðræðið á Íslandi.

 

 

„Forsætisráðherra tók þátt í því að rýra eignir eiginkonu sinnar“

Athugasemdir

[Jón Ingi Cæsarsson, 23.3.2016 kl. 18:00]

http://stundin.is/pistill/sandkornid-er-sigmundur-david/

áhugaverð grein á stundin.is.

[Bjarni Gunnlaugur (IP-tala skráð) 23.3.2016 kl. 22:29]

Ekki síður áhugaverð athugasemd við fréttina frá Frosta. En að vísu aðeins ætluð þeim sem vilja vita sannleikann.

Frosti Sigurjonsson · 

Þingmaður at Alþingi

Fyrir þá sem vilja vita hið sanna í málinu, þá græddi eiginkona forsætisráðherra alls ekkert á þessari lagabreytingu. Eins og kunnugt er tapaði hún verulega þegar bankarnir fóru á hausinn. Það tap er ekki skattskylt. Vissulega má vera að einhverjir sem keyptu kröfur á föllnu bankana á hrakvirði rétt eftir hrun hafi grætt, en hún átti þessar eignir frá því fyrir hrun og tapaði þeim að stórum hluta. Svo má benda á hið augljósa að það var alls ekki forsætirsráðherra sem lagði fram þessa lagabreytingu, heldur fjármálaráðherra. Tilefni laganna var að auðvelda slitabúunum að gefa út skuldabréf til að gefa upp við sína kröfuhafa. Fram kom að umsjónaraðilar slíkra útgáfa töldu mikil vandkvæði á því að hafa skuldabréfin háð afdráttarskatti.

[Guðmundur Ásgeirsson, 24.3.2016 kl. 16:20]

Þetta mál snýst ekkert um neinar siðareglur, heldur fullframið brot forsætisráðherra gegn stjórnsýslulögum. Engu máli skiptir hvort hinn vanhæfi græddi eða tapaði á vanhæfinu. Það þarf ekki einu sinni að hafa haft nein áhrif á niðurstöðu málsins, heldur er það vanhæfið sjálft sem gerir þetta að lögbroti. Enginn hefur andmælt því að forsætisráðherra hafi framið brotið, ekki einu sinni hann sjálfur.