Fjarar undan Bjarna Ben.

Sam­band ungra sjálf­stæðismanna (SUS) lýs­ir yfir von­brigðum með þau orð sem formaður Sjálf­stæðis­flokks­ins, Bjarni Bene­dikts­son, lét falla á ný­af­stöðnu kirkjuþingi þjóðkirkj­unn­ar. Þar sagði hann að krafa um aðskilnað rík­is og kirkju, eða rík­is og trú­ar­bragða al­mennt, sé kom­in frá ungu fólki sem hafi ekki lent í áföll­um á lífs­leiðinni og þekki því ekki til sálu­hjálp­ar þjóðkirkj­unnar.

Það eru margir orðnir þreyttir á fjármálaráðherra.

Hann talar niður til verkalýðshreyfingarinnar, hann er hrokafullur og svarar seint og illa erindum.

Umfjöllun Stundarinnar sýnir svart á hvítu að fjármálalegur ferill hans er í besta falli vafasamur.

Nú truflar hann Unga Sjálfstæðismenn sem eru nokkur tíðindi.

Það er ekki vaninn að bera pirring á torg út úr Valhöll.

En núna hefur ungum verið misboðið.

Það fjarar hratt undan trausti á formanni Sjálfstæðisflokksins, ekki bara almennt í þjóðfélaginu heldur innan flokks líka.

Það kannski styttist í stjórnmálaferli BB ?

Vonbrigði með ummæli Bjarna

Ríkisstjórnin er að missa tökin. Sennilega voru engin.

Það er samhljóða álit verkalýðshreyfingarinnar og atvinnurekenda að stýrivaxtahækkun Seðlabankans í morgun hafi verið afleikur. Fyrrverandi fjármálaráðherra er sömu skoðunar og segir hana til marks um að sitjandi ríkisstjórn sé að missa tökin á efnahagslífinu.

Það eru alvarlegar blikur á lofti.

Ríkisstjórnin er að springa á limminu og hætt við að lífi hennar sá að ljúka.

Fleiri og fleiri láta í lós þá skoðun að ríkisstjórnin sé að missa tökin og afleikir þetta eru að verða margir og stórir.

Það dylst engum að engin sátt er í augsýn á vinnumarkaði og ef Vinstri grænir ætla að halda áfram að bakka upp Sjálfstæðisflokkinn og Bjarna Ben lýkur þessu fljótlega.

Grasrótin mun ekki taka því þegjandi.

Nú kalla flestir vaxtahækkun Seðlabankans afleik sem virkar eins og olía á eldinn.

Það er ljóst að þessí ríkisstjórn og ríkisstjórnarmeirihlutinn á þingi hefur enga burði til að koma inn í kjaramálin.

Þaðan munu engar lausnir koma.

Til þess er hún of veik og gengur ekki í takt.

 

 

Kjaraviðræður settar í uppnám - fyrirfram.

Drífa Snædal, forseti Alþýðusambands Íslands, segir vaxtahækkun Seðlabankans mikil vonbrigði og kaldar kveðjur inn í komandi kjaraviðræður.Drífa segir ákvörðun Seðlabankans mikil vonbrigði. „Við teljum þetta nú vera frekar kaldar kveðjur inn í þær viðræður sem eru að hefjast og eru að fara í gang. Til þess að hér náist samningar í vetur þá þurfa allir að leggjast á eitt og þetta er ekki gott innlegg í það og mikil vonbrigði.“

Bjarni Benediktsson hefur gert sitt besta til að setja komandi kjaraviðræður í hnút. Yfirlýsingar hans hafa verði óskynsamlegar og til þess fallnar að setja viðræður í öngstræti.

Stjórnmálamenn hafa ekki hugleitt að draga til baka eitthvað af þeim ofurkjarabótum til baka sem þeim voru skammtaðar.

Nú bætist Seðlabankinn í hóp þeirra sem vilja spilla fyrir kjaraviðræðum.

Vaxtahækkun á þessum tímapunkti er fráleitur gjörningur og viðbúið að áframhald verði á þessu hjá bankanum.

Það leggjast margir á árar með SA að tryggja það setja allt í hnút á vinnumarkaði.

Veit að ríkisstjórn íhaldsflokkanna mundi ekki lifa af slík átök.

Vinstri grænir taka enn eitt samtalið.

Svandís Svavarsdóttir, heilbrigðisráðherra segir augljóst að það þurfi að bregðast við löngum biðlista á Vogi. Yfirlæknir þar segir biðlistann aldrei hafa verið lengri. Svandís segir að skýra þurfi hvað sé biðlisti.

Vinstri grænum er sérlega lagið við að drepa málum á dreif og þvæla mál í hengla.

Nú vill Svandís heilbrigðis taka enn eitt samtalið.

Nú skal það rætt í tætlur hvað er biðlisti.

Ekki að ræða vandamálið og leita lausna vegna langra biðlista á Vogi.

Nú skal leggjast yfir það hvað er biðlisti.

VG-liðar eru engum líkir, þvæla málum fram og til baka með orðhengishætti og þvaðri.

Frægt nærtækt dæmi er orðræða forsætisráðherra nýverið sem enginn skildi.

Ekki undarlegt að flestir sjá hversu vandræðalega verklaus þessi ríkisstjórn er.

Enda bara að taka umræðu um málin, ekki þoka þeim áfram, hvað þá leysa þau.

Sorglegt að horfa upp á þetta dugleysi.

VG liðar gengir í björg hégóma og yfirlætis.

Hlutverk verkalýðshreyfingarinnar er fyrst og fremst að semja um kaup og kjör félagsmanna. Það er ekki í hennar höndum að taka ákvarðanir sem er okkar alþingismanna að taka sem handhafa löggjafarvaldsins.“

Þigmenn VG eru endanlega gengnir í lið valdhafanna.

Sjálfstæðisflokkurinn virðist hafa tekið yfir hug þingmanna flokksins.

Kolbeinn Proppe hefur greinilega gleymt uppruna sínum í stjórnmálum.

Hann og flokkurinn tala af yfirlæti til verkalýðshreyfingarinnar.

Þeir, flokkurinn eiga að ráða, okkur kemur ekki við hvað þið hafið að segja.

Við erum guðs útvaldir.

Það er ótrúlegt hvað þingmenn VG eru farnir að líkjast þingmönnum Sjálfstæðisflokksins.

Það tók ekki nema ár að vera í meðferð í Valhöll, fróðlegt að sjá hvernig þeir verða eftir tvö ár.

Það er að segja ef grasrót flokksins leyfir flokknum að halda áfram á þessar braut.

Strúturinn í sandkassanum.

Bjarni Bene­dikts­son, fjár­málaráðherra og formaður Sjálf­stæðis­flokks­ins, seg­ir að staða Sig­ríðar And­er­sen dóms­málaráðherra hafi ekk­ert breyst við dóm héraðsdóms í gær.

Bjarni Benediktsson Panamaprins er enn á sama stað og þegar hann gaf Hönnu Birnu heilbrigðisvottorð um árið.

Allir muna hvernig það fór, hún hvarf úr embætti með skömm.

Nú gefur formaður Sjálfstæðisflokknum dæmdum síbrotamanni heilbrigðisvottorð þrátt fyrir embættisafglöp og hæstaréttardóma.

Heilbrigðisvottorð meints fjárglæframanns eru kannski ekki mikils virði.

Það gleymist ekki að ásamt stórlöxum í Engeyjarættinni hefur stundað vafasöm viðskipti og síðast hefur frændi hans og forveri hans í starfi bæst á þann lista.

Landsmenn halda áfram að fylgjast með fjölmiðlaumfjöllun um fjármálatrixin hans Bjarna, nú hafa dómstólar dæmt lögbann á þá umfjöllun ólögmæta.

Hvar í Evrópu gæti ráðherra heldið embætti eftir þennan feril ?

Veit það ekki, sennilega hvergi.

Allt í boði Vinstri grænna og Katrínar Jakobsdóttur.

Til hamingju Vinstri grænir.

 

Segir stöðu Sigríðar óbreytta

Tvær ríkisstjórnir í landinu. Kannski þrjár ?

Ásmundur Einar Daðason félagsmálaráðherra sagði í við setningu þings Alþýðusambands Íslands að takist ekki að koma böndum á efstu laun samfélagsins muni hann styðja kröfu verkalýðshreyfingarinnar um hátekjuskatt á hæstu tekjur á Íslandi. Hann sagði í samtali við fréttastofu hafa rætt þessar humgyndir innan ríkisstjórnarinnar. Bjarni Benediktsson fjármálaráðherra segir engin áform um frekari hátekjuskatt.

Það eru tvær ríkisstjórnir á Íslandi, í það minnsta.

Önnur þeirra ætlar að hækka skatta á hátekjufólk. Þar eru Framsókn og Ásmundur Einar með stefnu.

Svo er það hin ríkisstjórnin, ríkisstjórn Bjarna og Sjálfstæðisflokksins.Þar er ekki á döfinni að hækka skatta á ríka liðið, kemur ekki á óvart.

Svo er það þriðji flokkurinn, flokkur fyrrum sósialista, Vinstri grænir.

Spurning hvora stefnuna þeir aðhyllast, sennilega tekur formaðurinn þekkta stefnu í því máli eins og flestum málum, að segja ekki neitt og vera "tuska" hjá Sjálfstæðisflokknum eins og það var snyrtilega orðað á vefsíðu fyrir nokkrum dögum.

Það er kannski ekki undarlegt að fleiri og fleiri botna hvorki upp né niður í því á hvaða vegferð þessi ríkisstjórn er.

 

Rándýr embættisafglöp dómsmálaráðherra.

Íslenska ríkið var í dag dæmt í Héraðsdómi Reykja­vík­ur til að greiða Jóni Hösk­ulds­syni héraðsdóm­ara fjór­ar millj­ón­ir í skaðabæt­ur og 1,1 millj­ón í miska­bæt­ur vegna ákvörðunar dóms­málaráðherra að líta fram hjá hon­um þegar skipað var í embætti dóm­ara við Lands­rétt. Þá var í öðru máli viður­kennd bóta­skylda rík­is­ins í sam­bæri­legu máli Ei­ríks Jóns­son­ar laga­pró­fess­ors sem einnig hafði verið meðal um­sækj­enda um starf dóm­ara við Lands­rétt.

Dómamálaráðherra gerði sig seka um embættisafglöp við skipan dómara í Landsrétt.

Hún var dæmd og gerir síðan lítið úr dómnum.

Sennilega ein versta sending í stól dómsmálaráðherra frá upphafi.

Dýr verður dómsmálaráðherra allur þegar allir dómar hafa fallið.

Það er sárt að sjá eftir dýrmætu skattfé í að greiða fyrir embættisafglöp lítt hæfra ráðherra.

Ríkið þarf að greiða 5,1 milljón í bætur

Ríkisstjórn við dauðans dyr og aðeins af tuskum.

„Nú vil ég hins vegar bæta við og segja að ef ekki næst samstaða um að stíga skref sem að koma böndum á efstu laun samfélagsins eins og ég lýsti hér að framan þá mun sá sem hér stendur styðja verkalýðshreyfinguna í því að setja hátekjuskatt á hæstu tekjur íslensks samfélags,“ sagði Ásmundur Einar sem uppskar mikið lófaklapp.

Annað hvort er Ásmundur Einar Daðason að skella fram innistæðum frösum til að fá jákvæð viðbrögð.

Eða hann er að meina það sem hann segir og þá er þessi ríkisstjórn dauð.

Sjálfstæðisflokkurinn, sjálfskipaður verndari ríka fólksins getur aldrei samþykkt hækkaða skatta á hátekjufólk.

Þar með er ríkisstjórin sprungin, en satt að segja hef ég meiri trú á innistæðuleysi yfirlýsinga ÁED.

Ekki hefur hreyst múkk í VG liðum enda eru þeir handbendi og undir stjórn Bjarna Ben.

Um það skrifaði Steinunn Ólína magnaða grein í tilefni kvennafrídags.

Hvers vegna í ósköpunum eru konur ekki að mótmæla ríkisstjórn Katrínar Jakobsdóttur, konu í forréttindastöðu, forsætisráðherra Íslands, sem er eins og tuska í höndunum á Bjarna Benediktssyni fjármálaráðherra? Sér er nú hver fyrirmyndin fyrir stúlkur landsins. Hvað er fengið með því að hafa nú konu sem forsætisráðherra?

Forsætisráðherra fær það óþvegið á þessum merka degi.

Nú reynir á viðbrögð forsætisráðherra vegna yfirlýsinga samráðherra.

En satt að segja geri ég ekki ráð fyrir að þögnin ein ríki í forsætisráðuneytinu.

Eins og vanalega.

Ömurleg varnarbarátta fjármálaráðherra.

Kröfur forystu verkalýðshreyfingarinnar um að lægstu laun veðri skattfrjáls eru stórkarlalegar, óraunhæfar og óútfærðar að mati Bjarna Benediktssonar fjármálaráðherra. Þær hefðu í för með sér stóraukna skattheimtu á millitekjufólk.

Bjarni Benediktsson er kosinn af hinum ríku og þeim sem eiga eignir.

Þaðan þiggur hann þá leiðsögn að lækka beri skatta á hátekjur og stóreignir.

Ríka fólkið eru hans skjólstæðingar og allt hans tal miðar að því að ekki verði við því hróflað.

Skattalækkanir Bjarna nýtast fyrst og fremst hátekjufólki.

Körfur látekjufólks eru óraunhæfar og óútfærðar. Man ekki til þess að launahækkun hans og annarra hátekjumanna þyrfti að rökstyðja sérstaklega.

Var kátur með að fá 45% hækkun fyrir sig og sína. Ömurlegur málflutningur og hrokinn lekur af kappanum.

BB er eins og naut í flagi, talar niður til verkalýðsfélaganna og lágtekjufólks, hundsar aldraða og öryrkja og svíkur gefin fyrirheit.

Langt síðan landið hefur haft jafn ósvífinn fjármálaráðherra.

En ný styttist í að formanni Sjálfstæðisflokksins birtist alvara lífsins. Málflutningur hans þjappar saman verkalýðshreyfingunni og launamönnum í landinu.

Hroki og stórbokkatal hefur aldrei hjálpað stjórnmálamönnum.