Miðflokkurinn að hrynja.

„Ástæður þessa eru langvar­andi óánægja með skipu­lags­leysi við stjórn flokks­ins og mál­efn­astarf. Sem hef­ur krist­all­ast t.d. í eft­ir­mál­um við Klaust­urs­málið og hvernig tekið var á þeim. Það vant­ar skýr­ari ábyrgðarkeðjur og lýðræðis­legri ferla í starfið til að hægt sé að taka á erfiðum mál­um sem kunna að koma upp og eins til að reka hefðbundið lýðræðis­legt flokk­astarf,“ skrif­ar Viðar Freyr.

Miðflokkurinn var stofnaður um eins manns fýlu.

Hann var felldur sem formaður flokks vegna spillingar og óheiðarleika.

Stofnaði nýjan flokk sem sem náði mestu fylgi nýrra flokka á þingi.

Margir stukku á vagninn til að uppfylla eigin metnað og löngun í embætti.

En auðvitað sjá þeir sem hugleiða málin að svona flokkur á sér engan pólitískan  metnað eða stefnu enda er þá óþarfi að vera að eyða tíma í skipulag og málefnavinnu.

Flokkurinn er formaðurinn, skoðanir hans og vilji.

Við höfum séð marga svona flokka í áranna rás.

Örlög þeirra allra er að falla saman vegna eigin tilgangsleysis og takmarkaðs úthalds þeirra sem þar hafa stokkið um borð.

Örlög Miðflokksins eru ráðinn, hann er að hverfa enda opinberaðist það þjóðinni hvernig samkoma þetta er.

Klausturbarinn var bara gluggi fyrir þjóðina, flokkur án stefnu og tilgangs.

 

 

Hættur störfum fyrir Miðflokkinn

Verkalýðshreyfingin - verður tekin alvöru umræða ?

Frekari gengisveiking muni auka hagnað fyrirtækjanna og minnka kaupmátt launafólks. Þessi framkoma og fullyrðingar sýna og sanna enn eina ferðina að kjarabarátta íslenskra launamanna byrjar og endar í gjaldmiðlinum og hagstjórninni. Á meðan við höfum gjaldmiðil sem er einungis hagstæður yfirstéttinni og stjórnað af henni þá er launamönnum gert að búa efnahagslegum þrælabúðum, eins og nýir verkalýðsforingjar hafa reyndar endurtekið sagt í viðtölum. En ég skil ekki hvernig það er hægt að ræða þau mál án þess að skoða gjaldmiðilinn.

Það hefur kveðið við nýjan tón hjá hluta verkalýðshreyfingarinnar.

En hvaða tónn er það ? Er það umræða um grundvallarbreytingar eða bara gamaldags vopnaskak ?

Fáeinir verkalýðsleiðtogar hafa aðeins rætt um efnhags og gjaldmiðilsmál á Íslandi.

Síðast skrifaði fyrrum verkalýðsleiðtogi um gjaldmiðilsmálin og spyr þar áleitinna spurninga.

Mín spurning er hefur verkalýðshreyfingin sem heild einhverja stefnu eða skoðun á gjaldmiðilsmálunum ?

Svarið er því miður nei að því að mér sýnist.

Mest eru þetta gamalkunnugar upphrópanir sem voru áberandi á árunum fyrir og rétt eftir 1980 og fyrr.

Engin alvöru umræða um krónuna og framtíð hennar.

Það spyr enginn þeirrar grundvallarspurningar, hvað ef gjaldmiðilsmálum yrði komið í farveg í tengslum við annan og sterkari gjaldmiðill.

Hverju mundi það breyta fyrir launafólk á Íslandi ef hér væri sterkur og stöðugur gjaldmiðill ?

Ég hef ekki orðið var við þá umræðu í verkalýðshreyfingunni nema þá til að skjóta niður þá sem láta sér detta í hug að skoða þessi mál í alvöru og hafa á þeim skoðun.

Kannski breytist eitthvað og tekin alvöru umræða um þessi má öll í víðu samhengi.

Það svolítið óþægilegt að heyra aftur umræðu sem maður upplifði fyrir 30-40 árum en enga framtíðarumræðu.

2019 verður kannski árið sem.............. ?

 

Fjármálaráðherra enn að klúðra málum.

Sagði Bjarni „óskyn­sam­legt að fylgja því eft­ir ef kjara­samn­ing­ar fara úr bönd­un­um og menn eru að taka út meira en inni­stæða er fyr­ir“. „Þá þarf að huga mjög vel að tíma­setn­ingu slíkra aðgerða. Þær eru hugsaðar til að greiða fyr­ir samn­ing­um en ekki til að greiða fyr­ir óá­byrg­um samn­ing­um,“ sagði Bjarni.

Fjármálaráðherra er oft mislagðar hendur þegar kemur að því að tjá sig í fjölmiðlum.

Nú eru kjaraviðræður á viðkvæmu stigi og þá eiga stjórnmálamenn að þegja.

En fjármálaráðherra kann ekki þá list.

Hann þarf alltaf að tjá sig og tala niður þá sem eru ekki á sömu línu og hann.

Það tekst honum eina ferðina enn og ljóst að hann getur ekki lært af fyrri mistökum þegar kemur að því að tjá sig.

Það er mikil list að geta talað, það er enn meiri list að þegja á réttum augnablikum.

Það kann fjármálaráðherra ekki.

„Stríðsyfirlýsing“ hjá Bjarna

Miðflokksundrið ætlar að kæra.

Bjarni Bene­dikts­son fjár­málaráðherra hafði staðfest komu sína á fund­inn en Guðlaug­ur Þór Þórðar­son ut­an­rík­is­ráðherra hafði boðað for­föll. Gunn­ar Bragi og Sig­mund­ur Davíð Gunn­laugs­son, þing­menn Miðflokks­ins, gáfu ekki svar við beiðni um að mæta til fund­ar­ins, þrátt fyr­ir ít­rekaðar til­raun­ir.

Miðflokkurinn er undarlegt fyrirbæri.

Þeir telja sig ekki þurfa að fara að neinum reglum eða siðferðisgildum.

Þeir sitja að sumbli á almannafæri og tala illa um tugi manna.

Dauðadruknir eru þeir síðan teknir upp af gesti sem sat á sama stað.

Nú ætla þeir að stefna viðkomandi og væntanlega að reyna að fá þann hinn sama dæmdan fyrir að opinbera sukkið og svínaríið.

Skjóta sendiboðann er tilgangurinn.

Jafnframt svar þeir ekki þingnefnd sem kallar þá til sín til að upplýsa um svokallaðan sendiherrakapal.

Dauðadrukkinn þingmaður á Klausturbarnum tilkynnti þar að hann væri á leið í sendiherrann vegna kaupmála við Sjálfstæðisflokkinn.

Líklega ætla þeir ekki að fara eftir þeirri boðum, þeir þurfa nefnilega ekki að fara að neinum leikreglum hvað þá sjálfa varðar.

En ef Miðflokkurinn reynir að fá viðkomandi dæmdan fyrir að upplýsa um sóðaskap þingmanna flokksins er ljóst að þjóðin rís upp.

Líklega er þetta það vitlausasta sem Sigmundi og félögum gæti dottið í hug.

Þá loksins væri skömm þeirra fullkomnuð.

Fundi vegna Klaustursmáls frestað

SDG skilur ekki málið.

„Ég hef verið kallaður fleiri ljótum nöfnum en ég hef tölu á. Ég minnist þess hins vegar ekki að hafa áður verið kallaður ofbeldismaður. Ekkert sem um mig hefur verið sagt í pólitík hefur sært mig eins mikið,“ segir Sigmundur Davíð Gunnlaugsson, formaður Miðflokksins, um viðtal við Lilju Alfreðsdóttur, varaformann Framsóknarflokksins, í Kastljósi í gær.

Sigmundur Davíð skilur ekki málið.

Hann áttar sig ekki á að hann og samflokksmenn gengu fram af þjóðinni.

Fyrrum samstarfsmaður hans kallaði hann ofbeldismann í Kastljósi.

Ljóst af viðbrögðum að margir eru sammála Lilju og hrósa henni fyrir hreinskilni og skýra framsetningu.

En ennþá skilur SDG ekki stöðu sína.

Hann og félagar hans skilja ekki alvöru málsins.

Ljóst er að hvorki hann eða aðrir í þessum sexmanna fylleríshóp eiga aldrei afturkvæmt á Alþingi nema í skugga þessa máls.

Aðrir þingmenn kæra sig ekki um að eiga við þau nokkuð samband utan þess sem nauðsynlegt er formsins vegna.

Það er staðreynd málsins og gott ef formaður Miðflokksins nái að skilja það.

Þingflokkur Miðflokksins varð sér til skammar.

Þing­menn Miðflokks­ins fara hörðum orðum um kven­kyns stjórn­mála­menn á upp­töku sem Stund­in hef­ur und­ir hönd­um og gant­ast með að stjórn­mála­kona hljóti að „hrynja niður“ próf­kjörslista vegna þess að hún sé ekki jafn „hot“ og áður.

Það er ljóst að þingflokkur og formaður Miðflokksins hrapar af stalli.

Hafa orðið sér til háborinnar skammar og í reynd eiga þeir ekkert erindi á þing þar sem virðing þingmanna skiptir öllu máli og er ekki á bætandi vantraust þjóðarinnar til þeirrar stofnunar.

Þingflokkur Miðflokksins virðist vera samansafn að hrokafullum karlpungum og konum sem tala niðrandi og af lítilsvirðingu um félaga sína á Alþingi.

Sumir þeirra kunna að skammast sín og biðjast afsökunar.

Gunnar Bragi virðist átta sig á því að hann varð sér til skammar sem eru nokkur tíðindi.

En formaður flokksins er við sama heygarðshornið, hefur mestar áhyggjur af því hvernig þetta ratar í fjölmiðla.

Virðist ekki átta sig á siðleysinu frekar en oft áður.

Líklega er þetta bara fjölmiðlunum að kenna.

Víða erlendis væri ekkert annað í boði fyrir þingmenn sem svona haga sér að segja af sér þingmennsku.

En líklega er það ekki í kortum á Íslandi þar sem enginn þarf að axla ábyrgð á einu né neinu.

En þá veit þjóðin innrætið og gefur væntalega rauða spjaldið í næstu kosningum.

Vandi Flokks fólksins er sýnu mestur, það er erfitt þegar verður trúnaðarbrestur í fámennum þingflokki.

Ekki jafn „hot“ og áður

Sjálfstæðismenn á flótta.

Utanríkisráðherra segir að ríkisstjórnin ætli að fresta því að leggja fram frumvarp um þriðja orkupakkann fram á vor, vegna gagnrýnisradda. Hann segir að á meðan fari sérfræðingar yfir málið. Ekki sé farið að hugsa til þess hvað gerist ef orkupakkinn verður ekki samþykktur á Alþingi.

Sjálfstæðisflokkurinn er í vanda.

Sumir þingmenn neita að lúta flokksaga og samþykkja mál sem í sjálfu sér er afgreiðslumál í tengslum við EES saminginn. Nú þegar hafa þingmenn samið um pakka í aðdraganda þessa þriðja pakka um orkumál.

Nú hafa allir vönustu poppulistar þessa lands þyrlað upp miklu moldviðri og gamalkunnir frasar um fullveldisafsal og fleira í þeim dúr renna úr bakherbergjum Miðflokksins og Framsóknarflokksins.

Gamalkunnir taktar þar sem hálfsannleikur og lygi í bland er matreitt handa almenningi sem veit lítið sem ekkert um þessu mál.

Allir muna Icesave Sigmundar sem reyndist þegar upp var staðið að mestu poppulismi og hálfsannleikur. Enn er til fólk sem trúir því að hann hafi bjargað Íslandi þó flestir sem kynnt hafa sér það mál að er sannarlega ekki rétt.  Það er hægt að ná ágætis árangri að nota þjóðernisöfga og poppulisma til að hrífa með sér fylkingar.

Þannig er það með þriðja orkupakkann, þótt reynt sé að rökstyðja og kynna málin sést lítið fyrir þjóðernismoldviðrinu.

Og nú ætla Sjálfstæðismenn að fresta þessu máli til vorþings, og líklega enn lengur.

Standandi vandræði og hætta á að EES samingurinn verði undir að hluta ef moldarþyrlurum þessa lands tekst að byrgja mönnum sýn enn og einu sinni með lygi, poppulisma og hálfsannleika, allt í bland.

Ríkisstjórnarmeirihlutinn talar út og suður.

Það er full­kom­inn mis­skiln­ing­ur að um sé að ræða ein­hvers kon­ar hagræðing­araðgerð eða viðbrögð við nýrri þjóðhags­spá,“ seg­ir Bjarni Bene­dikts­son fjár­málaráðherra í sam­tali við mbl.is um frétt­ir af því að meiri­hlut­inn hafi í fjár­laga­nefnd ákveðið að draga úr hækk­un fram­lags til ör­yrkja, úr fjór­um millj­örðum í 2,9 millj­arða.

BB formaður Sjálfstæðisflokksins.

„Verðbólg­an læt­ur aðeins á sér kræla, hag­vöxt­ur er aðeins minni en gert er ráð fyr­ir og einka­neysla er að drag­ast sam­an. Þetta hef­ur allt áhrif á stærðir í frum­varp­inu,“ seg­ir Will­um Þór Þórs­son, formaður fjár­mála­nefnd­ar Alþing­is, en meiri­hluti nefnd­ar­inn­ar ætl­ar að bregðast við kóln­andi hag­kerfi með aðhaldsaðgerðum sem kynnt­ar verða fyr­ir aðra umræðu fjár­laga á fimmtu­dag.

Formaður fjárlaganefndar og þingmaður Framsóknar.

Vindhani ríkisstjórnarinnar snýst í hringi.

Formaður fjárlaganefndar ( framsókn ) og fjármálaráðherra eru með misvísandi skýringar á því af hverju framlög í fjárlagafrumvarpi eru lækkaðar um milljarða.

Það er ekki undarlegt þó fylgi þessarar aumu ríkisstjórnar VG sé komið niður í 37,9%

Aðgerðalaus, misvísandi og svikul.

 

„Fullkominn misskilningur“

Óhæfuverk stjórnarmeirihlutans.

Meirihluti fjárlaganefndar bregst við kólnandi hagkerfi fyrir aðra umræðu fjárlaga á fimmtudag með aðhaldsaðgerðum. Willum Þór Þórsson formaður nefndarinnar segir veikari krónu og minni einkaneyslu hafa þar áhrif. Framlög til öryrkja lækka um 1100 milljónir og hægt verður á framkvæmdum við nýjan Landspítala og nýtt skrifstofuhús Alþingis.

Vinstri grænir, Framsóknarflokkur og Sjálfstæðisflokkur ráðast á garðinn þar sem hann er lægstur.

Í vinnu við fjárlagafrumvarp á að lækka framlög til öryrkja um rúman milljarð, eittþúsund og eitthundrað milljónir.

Allir eru sammála um fordæmalaust skemmdarverk meirihlutans í velferðarmálum sé stórfelld svik við landsmenn.

Ég hreinlega trúi ekki að þingmenn láti þetta gerast.

Varla vilja þingmenn verða hluti af hörmulegri aðför að öryrkjum á Íslandi.

Er það virkilega þannig að þingmenn VG vilji eiga þátt í svona tillögu ?

Alþingi á villigötum.

Gert er ráð fyr­ir að ráðið verði í um­rædd­ar stöður aðstoðarmanna inn­an þriggja ára en hver þing­flokk­ur fær aðstoð eft­ir þingstyrk sín­um og mun kostnaður nema hátt í 200 millj­ón­um króna á ári. Um er að ræða áform sem voru kom­in langt á veg fyr­ir banka­hrunið að sögn Stein­gríms J. Sig­fús­son­ar, for­seta Alþing­is, en frestað í kjöl­far þess.

Nú er Alþingi og forseti þess staddir langt úti á túni.

Á meðan öryrkjar og aldraðir eru sveltir, SÁÁ að hruni komið vegna niðurskurðar, ekki til peningar til að bæta í heilbrigðiskerfið og innri stoðir samfélagins hvað gera þingmenn þá.

200 milljónir í þingmenn, 17 aðstoðarmenn til viðbótar.

Hreinlega galin umræða.

Skora á þingmenn að líta í spegil og spyrja sig, er þetta rétt forgangsröðun?

Veit að það þýðir ekki að ræða þetta við forseta þingsins, hann er staddur ofalega í fílabeinsturninum og heyrir ekki neitt.

Auðvitað gera menn ekki svona ef þeir horfa til málsins af fullri skynsemi.

Það þarf ekki 17 aðstoðarmenn og 200 milljónir í viðbót í það kerfi.

Það sér hver einasti maður nema kannski þingmenn á Alþingi.