Áhyggjuefni.

Það er stórkostlegt áhyggjuefni ef við höfum ekki efni á að halda úti landhelgisgæslu og getum ekki haldið úti björgunarþyrlum vegna fjárskorts.

Herðubreið er erfitt fjall og mikið um laust grjót og hættulegt að fara þar um með börur og fjölda manna. Að Landhelgisgæslan neiti aðstoð í svona tilfelli er umhugsunarefni og leiðir hugsun manns að því hvort við höfum ekki efni á að reka slíka þjónustu. Þetta var ekki spurning fyrir ári síðan..þeir hefðu mætt. En nú er reksturinn komin langt niður fyrir öll sársaukamörk og staðan því reglulega alvarleg.

Björgunarsveitir á Íslandi eru sjálfboðaliðasveitir sem byggja starf sitt og tækjakaup á sjálfsaflafé sem sótt er til almennings í landinu m.a. með flugeldasölu og fleiru í þeim dúr. Það er ljóst að við hefðum ekki efni á því að hafa hér þjálfaðar björgunasveitir í atvinnumennsku eins og er allstaðar erlendis.

En ef staðan er orðin þannig að við eigum ekki fyrir landhelgisgæslu og björgunartækjum er illa komið fyrir íslenskri þjóð.

 Maður spyr sig... hversu sjálfstæð er þjóð sem ekki hefur efni á að sinna og reka grunnþjónustu fyrir borgara landsins ??

Neituðu að senda Gæsluþyrluna

Athugasemdir

[Óskar Þorkelsson, 23.8.2009 kl. 17:02]

.. ég hugsaði aðeins út í þetta á kaldhæðnislegan hátt..

Maðurinn var látinn.. til hvers þurfti þá neyðarþyrlu ?? 

[Gísli Birgir Ómarsson, 23.8.2009 kl. 17:12]

Til að minnka líkur á að tæplega 60 manns færu sér að voða að óþörfu Óskar minn....

[Jón Ingi Cæsarsson, 23.8.2009 kl. 17:22]

Ég hef þurft að fara með menn á börum niður slíka hlíð.. slysahættan er mikil..  Björgunarsveitir vinna með öryggi mannskapsins að leiðarljósi og það var fullkomlega rökrétt að fá þyrlu... enda kom hún þó ekki væri frá Landhelgisgæslunni.

[Marteinn Unnar Heiðarsson, 23.8.2009 kl. 17:49]

Því miður er ástandið orðið hér á landi með þessa spillingarflokka við völd,það er hægt að sóa peningum í ICESLAVE sem við eigum ekki að borga og svo að dæla peningum í ESB málið þar sem við eigum alsekki að fara inn og tapa sjálfstæði okkar og á meðan svelta stofnanir hér því miður,þessa ríkisstjórn þarf að fara frá strax.Hér færi betur ef væri hægristjórn.....

[Arnór Valdimarsson (IP-tala skráð) 23.8.2009 kl. 18:39]

Sammála. Er ekki löngu tímabært að segja sig úr Nató og nota þann pening í okkar sveitir. Frekar en að borga fyrir eitthvað málamynda loftrýmiseftirlit, svo hersveitir annara þjóða geti æft sig hér á okkar kostnað.

[Reynir Stefánsson (IP-tala skráð) 23.8.2009 kl. 20:03]

Jón Ingi: góður pistill hjá þér.

Marteinn Unnnar: "Hér færi betur ef væri hægristjórn".  þú ert að grínast er það ekki?.  

[Ágúst J. (IP-tala skráð) 24.8.2009 kl. 11:30]

Landhelgisgælaunni ber að sjá um vörlsu landhelginnar og gæta sjófarenda.  Spurningin er hér hver á að sjá um sjúkraflutninga og löggæslu úr lofti yfir landinu.    Sé ekki alveg að þyrlur gæslunnar eigi að koma í stað sjúkrabíla.