Framsókn klikkar ekki.

"Nú ætla ég ekki að spá um þetta framhald. Flestir væru löngu búnir að fá nóg og slíta þessu samstarfi. Ef Framsóknarflokkurinn er ólíkindatól ef mál snúast um að halda völdum þannig að ég hreinlega treysti mér ekki til að spá fyrir endalok þessarar síðustu uppákomu."

Þetta bloggaði ég síðast þegar ég spáði í þessa hluti í Kópavogi... Mér er eiginlega  svolítið létt. Framsókn er söm við sig og kemur ekki á óvart.

Áður hafði ég bloggað þetta.

"Ég spáði því í bloggi fyrir nokkrum dögum...   http://joningic.blog.is/blog/joningic/entry/893674/ að Framsókn gerði ekki neitt... myndu blása og gleypa síðan valdabitann þó hann lykti illa.

Nú reynir á Framsókn... en spá mín stendur."

Niðurstaðan í Kópavogi er sem sagt nákvæmlega það sem búast mátti við af Framsóknarflokknum en það verður að segja þeim til hróss að leikþátturinn var óvenju langur í þetta sinn. Framsókn fer ekki úr valdastólum nema henni sé kastað þaðan og það sannast í Kópavogi...

Eftir situr að Kópavogsbúar sitja uppi með stjórnmálamenn sem hafa verið í því að svíkja, svindla og pretta... því Gunnar Birgisson er ekkert að fara þó svo tímabundið víki hann af sviðinu. Þannig vill Framsókn hafa það því þeim finnast góðir bitarnir sem hrjóta af borði Sjálfstæðisflokksins þó úldnir séu.

Samstarfið heldur í Kópavogi

Athugasemdir

[G. Valdimar Valdemarsson, 23.6.2009 kl. 00:09]

Framsókn væri eflaust búin að slíta ef það væru aðrir stjórntækir flokkar í bæjarstjórninni.  Það er kannski hægt að vinna með VG en Samfylkingin er bara eins máls flokkur í ætti við Frjálslynda.  ESB á að leysa öll mál.

Af tvennu illu er íhaldið mun skárri kostur en Samfylkingin.

[Víðir Benediktsson, 23.6.2009 kl. 00:18]

Það leynir sér ekki færslum undanfarið að þú ert hræddari við Framsókn en nokkuð annað í lífinu.

[Jón Ingi Cæsarsson, 23.6.2009 kl. 00:29]

Ég hef skoðun á flokkum eins og Framsókn, en þó Framsókn vilji éta úldna spillta bita í Kópavogi.. það verður þeirra magaverkur ekki minn Víðir

[Ólafur Sveinn Haraldsson (IP-tala skráð) 23.6.2009 kl. 03:08]

Tek undir með Víði. Hræðslan að tapa fylginu yfir á Framsókn.