48% taka ekki afstöðu.

Það er eðlilegt að VG mælist háir eins og ástandið er nú. Það spilar þó stærst hlutverk í undarlegri niðurstöðu þessarar könnunar að tæplega 48% taka ekki afstöðu.

Könnun þessi endurspeglar því fyrst og fremst órróa og óljósa stöðu í þjóðfélaginu. Stjórnmálamenn, bæði í stjórnarandstöðu og stjórn hafa farið á taugum undanfarna daga og það skilar sér svo sannarlega í niðurstöðum þessarar könnunar.

Það er eðlilegt að ríkisstjórnin tapi enn meirra fylgi .... þetta endalausa hik með að láta þá taka pokann sinn sem stærsta beina ábyrgð bera á aðdraganda bankahrunsins er stærsti hluti þessara óvinsælda. Staðan væri allt önnur ef þegar í október hefðu Seðlabanki, fjármálaeftirlit og fáeinir ráðherrar verið settir til hliðar og nýjir látir taka við.

Fylgi VG mælist rúmlega 32%

Athugasemdir

[Víðir Benediktsson, 24.1.2009 kl. 09:17]

Samfylkingin er nú á góðri leið með að stimpla sig út úr íslenskumstjórnmálum. Henni tókst á einu og hálfu ári að að sanna getuleysi sitt svo eftir var tekið um alla heimsbyggðina. Hef enga trú á að VG nái að slá þetta met.

[Gröfukarlinn (IP-tala skráð) 24.1.2009 kl. 10:01]

Það er svo merkilegt hvað mikill skítur kemur upp á yfirborið í svona ástandi. Hvað finnst fólki um þennan hóp?

[Gröfukonan (IP-tala skráð) 24.1.2009 kl. 18:00]

Gröfukarl kær:

Aftaka er enginn hópur, heldur vefsíða sem fæddist ekki í kreppunni eins og þú heldur heldur hálfu ári áður. Greining á skítnum sem vall úr rassgati góðæris kapítalsins þurfti að greina á meðan á því stóð, ekki núna eftir á þegar blog-fasistar landsins þykjast allir hafi vitað þetta eða hitt.

Sannleikurinn er sá að fyrir kreppu þögðu langflestir. Listamenn héldu í hendur bankastjóranna sinna og hin valdlausi almenningur hlýddi hverri skipun yfirvalda án þess að gagnrýna nokkurn skapaðan hlut. Hvers vegna? Því flestir höfðu það svo skrambi gott í góðærinu að þeir þurftu ekki að hugsa, þurftu ekki að gera tengingar og gagnrýna skítinn. Og það sem meira er: fæstir vildu það. 

Aftökuliðið er eitt af því fáa fólki sem þorði að standa uppi í hárinu á yfirvöldum og auðmönnum. 

Síðan er eitt nauðsynlegasta sprauta í rassgat netheima hér á landi.