Að axla ábyrgð.

Björgvin G Sigurðsson viðskiptaráðherra hefur ákveðið að axla ábyrgð... forstjóri fjármálaeftirlitsins víkur, stjórn fjármálaeftirlitsins víkur og hann sjálfur lætur af embætti viðskiptaráðherra.

Björgvin G Sigurðsson hefur með þessu sýnt mikla skynsemi og er maður að meiri fyrir þessa ákvörðun. Björgvin er frábær stjórnmálamaður og mikill öndvegis maður. Þetta kemur mér sannarlega ekki á óvart þegar hann á í hlut.

En það eru fleiri sem þurfa að axla ábyrgð í framhaldinu og þar ber fyrst að telja seðlabankastjóra og stjórn Seðlabankans.

Ég reikna fastlega með að nú muni ganga á með stórtíðindum næstu klukkustundir og daga því nú er ekki eftir neinu að bíða lengur.

Björgvin segir af sér

Athugasemdir

[Víðir Benediktsson, 25.1.2009 kl. 12:09]

Fullseint að axla ábyrgð þegar skipið er sokkið. Dagar þessarar ríkisstjórnar eru taldir hvort eð er.

[Jón Ingi Cæsarsson, 25.1.2009 kl. 12:30]

Víðir... dagar ríkisstjórna eru alltaf taldir.. sérðu aldrei neitt með jákvæðri nálgun... heheheh

[Víðir Benediktsson, 25.1.2009 kl. 12:32]

Jú Jón, það hefði verið jákvætt ef hann hefði sagt af sér fyrir þremur mánuðum ásamt fleirum.

[Jón Ragnar Björnsson, 25.1.2009 kl. 13:11]

Já það hefði verið betra ....

Við getum deilt um hvort Björgvin hafi sagt of seint eða snemma af sér. Nú er hann búinn að því og sýnir þar með nánast einstakt fordæmi í íslenskri stjórnmálasögu. -Þetta er eitt hænufet í átt til betra lýðræðis.

Með þessu getur skapast aukið traust, sem við þurfum svo sárlega á að halda. Næsta skref hlýtur að vera hjá Geir að vippa yfirstjórn Seðlabankans úr stólum -Nú hlýtur Geir að þora í Davíð, hann er hvort sem er að hætta í pólitík (Ég óska Geir alls hins besta í baráttunni við alvarlegan sjúkdóm).