Miklar sveiflur.

                                  

Miklar sveiflur eru í könnun sem birtist í kvöld. Sjallar í 26%... VG í 27%... Samfylking 31%.

Það er kannað í þrjár vikur og í kvöld kom fram að mesta breytingin á rætur að rekja til síðustu vikunnar af þremur.

Þá mældust Sjallar með 21%... VG með 29%.... Samfylking með 33%. Þetta kom fram í 10 fréttum sjónvarps. Það hefur því orðið gríðarleg reiði í garð Sjálfstæðisflokksins síðustu vikuna af þessari könnun. Hvar þetta endar er ekki gott að segja.

VG hefur oft stokkið hátt í könnunum, þó ekki þetta hátt í Gallupkönnun. Venjan er að þeir fái oft verulega minna í kosingum en könnunum. Sjallar fá oft minna í kosningum en könnunum og mega varla við að minnka meira.

Samfylking hefur ekki þessi trend eins sterkt og Sjallar og VG og er oft að mælast nokkuð nærri kannanafylgi þegar að kosningum kemur.

Framsókn er föst og Frjálslyndir eru horfnir.

En það er varla að reikna með að þetta sé mjög marktækt og kemur ekki á óvart í ljósi aðstæðna. Aðeins 66% taka afstöðu sem gerir vikmörkin nokkuð há.

Athugasemdir

[Jón Halldór Guðmundsson, 31.10.2008 kl. 08:55]

Ég er alveg hissa á að Samfylkingin skuli fá svona hátt fylgi núna.

Þessi flokkur fær að vera með sjálfstæðisflokki í stjórn, en hefur ekkert að segja með stjórnarathafnir. 

Sjávarútvegsmálin, byggðastefna??? stamptax, Evrópumál, húsnæðismálin. Það er ekkert þarna af okkar vilja!

Ok, ég veit, það er ekki meirihluti á þingi fyrir að fara í Evrópumálain af krafti, en af hverju þá ekki að fara úr stjórninni og leyfa VG að vera þar með Geir, og Dabba og Íslensku krónuna á milli sin, eins og stolt hjón með börnin sín á jólakorti?