Andlaust og leiðinlegt.

Það er heldur betur mismunur á landsliðsmönnum okkar í handbolta eða fótbolta. Meðan handboltadrengirnir geisla af metnaði og sindrar af þeim gleðin og áhuginn labbar knattspyrnuliðið okkar um völlinn, hengir haus og leiðist leikurinn.

Ég veit satt að segja ekki hvort áhorfendum eða leikmönnum leiddist þetta meira. Þegar maður horfir á svona leik skilur maður betur af hverju Ísland er í 100 sæti á styrkleikalistanum.

Í gamla daga komst knattspyrnulandsliðið okkar langt á leikgleðinni og baráttunni. Núna eru þetta penar dúkkulísur sem eru að reyna að dútla með boltann og spila tekninskan ervrópubolta. Niðurstaðan er hægur göngubolti þar sem saman eru komnir metnaðarlitlir atvinnumenn úr slökum meðarliðum á Norðurlöndum eða bekkbúar hjá stærri liðum.

Neistinn var hjá yngstu og nýjustu mönnum.

Það er mikið verk óunnið og sennilega það stærsta í hugarfarinu. Þetta er ekki lið...heldur hópur 11 einstaklinga sem eru mættir til leiks með óljós markmið og takmarkaðan baráttuhug...

Þ

Ísland gerði jafntefli við Aserbaídsjan

Athugasemdir

[Bibbi (IP-tala skráð) 20.8.2008 kl. 22:10]

Vonlaus þjálfari ! Maðurinn er næstum búinn að fá jafn marga æfingaleiki og Eyjólfur fékk af leikjum yfir höfuð. Ekki sé ég hvað hann er að gera betur. Hef alltaf sagt að Jolli hefði átt að fá lengri tíma með þetta lið. Fyrst hann var látinn fara þá átti að ráða einhvern alvöru mann !