VG styður Saving Iceland, eða hvað ?

25.7.2007 | 11:28

VG styður Saving Iceland, eða hvað ?

Mótmæli samtakanna Saving Iceland hafa vakið athygli fjölmiðla að undanförnu. Mér finnst það stundum merkilegt hversu duglegir fjölmiðlar eru að eltast við mótmæli þessara samtaka sem oftar en ekki byggja á ólöglegum aðgerðum sem eru til þess eins fallnar að trufla almenna saklausa borgara. Með þessum aðferðum eru samtökin að skjóta sig í fótinn því í stað þess að ná jákvæðri athygli fá þeir á sig stimpil samtaka sem fara fram með strákapör og lögleysu.

Það er réttur hvers manns að mótmæla og hafa skoðun á málum. Ég er sammála Saving Iceland, málefnalega í ýmsum málum en algjörlega ósammála þeim aðferðum sem þeir beita. Það skaðar málstað okkar fyrst og fremst og skapar neikvæða umræðu til þessara mála hjá þorra fólks. Það er ekki það sem við þurfum sem viljum veg þessa málaflokks sem mestan og því tel ég skaða af þessum uppákomum og aðferðum. Ég vil gjarnan biðja menn að hætta þessum aðferðum og taka upp málefnalega umræðu og friðsamar mótmælastöður og fundi. Þá er ég með.

Mér hefur sýnst að Vinstri grænir styðji þessar aðferðir og samtök. Fyrrverandi varaþingmaður VG hefur tekið að sér að vera ein helsta málpípa þessa aðferða og það er umhugsunarefni. Er það svona sem VG leggur upp báráttu sína fyrir grænum málum á Íslandi í framtíðinni. Mætti ég biðja þá að láta það vera að aðstoða við að koma óorði á náttúrvernd og náttúrverndarsinna. Það er ekki á bætandi þá umræðu sem andstæðingar hennar nota.

http://hlynurh.blog.is/blog/hlynurh/#entry-269567

Flokkur: Bloggar | Facebook

Athugasemdir

Mér kemur eftirfarandi spakmæli oft í hug þegar talið berst að ,,Saving Iceland" og öðrum öfgahópum spakmælið er þannig ,,Skömm og skaði skiljast sjaldnast að".

Páll Jóhannesson, 25.7.2007 kl. 13:45