Mjög gott mál

Nú er endanlega ljóst að einkafyrirtæki af mörkinni eignast ekki ráðandi hlut í orkufyrirtæki. Slíkt hefði markað ákveðin kaflaskil í einkavæðingarferlinu á Íslandi. Við höfum þegar, illu heilli afhent hlutafélagi í einstaklingseign grunnnet símans og fleira sem snerti grunnstoð samfélagsins. Slík þróun leiðir ekki til velfarnaðar til lengri tíma að mínu mati og leiðir ótvírætt til hækkaðs verðs til neytenda og verri þjónustu við dreifðari byggðir sem ekki er eins mikið að græða á.

Það þarf að standa vörð um grunnþjónustu og alls ekki má selja yfirráð yfir þessum eignum þjóðarinnar. Alls ekki má selja póstþjónustu, ríkisútvarp, vatnsveitur, orkufyrirtæki eða annað það sem færir yfirráð frá þjóðinni til stóreignamanna eða annarra þeirra sem horfa á rekstur þessa með gróðarjónarmið sem stærsta viðmið. Því miður hafa menn þegar gert mistök með grunnnet símans og við eigum eftir að bíta úr nálinni með það heimskuspor.

Einkavæðing og hagræðing á vel við á ýmsum sviðum og er nauðsynleg. En þegar kemur að grunnþjónustu landsins og lykil að búsetu og lífsgæðum á að halda yfirráðum og eignarhaldi hjá þjóðinni sjálfri.

Þrjú sveitarfélög hafa ákveðið að nýta forkaupsrétt í HS