Svefnlyf...eru menn í lagi ?

Ég er hissa. Hvernig dettur mönnum í hug að það gagnist að fara í eiturefnaherferð gegn sílamáfi. Stofnin á Suðvestur - horninu telur tugi þúsunda fugla og er sami stofn. Þó svo menn drepi nokkra fugla í Reykjavík mun ekki sjást högg á vatni. Sílamáfur verpir í maí og kemur upp fleygum ungum um mitt sumar. Af einhverjum ástæðum hefur skort æti í hafinu og þess vegna leitar máfurinn lengra og oftar inn í land og þar sem æti er að hafa.

Mér finnst það mjög skondið þegar menn fara sortera dýr og fugla náttúrunnar í góðu og vondu dýrin. Slík sortering byggir á tilfinningum hvers og eins. Máfar eru vondu fuglarnir af því þeir éta unga sætu fuglanna. Örninn er vondi fuglinn af því hann skemmir æðarvarpið fyrir einhverjum sem ætla að græða á því. Ég hefði svolítið gaman af að sjá hvernig Gísli Marteinn og félagar í Reykjavík sortera fuglana. Er til listi frá umhverfisnefnd Reykjavíkur þar sem þeir eru flokkaðir...svona í "file".

Síðan fer umhverfisnefndin með litla Rambó í broddi fylkingar og eitrar og skýtur allt sem þeir er ekki þóknanlegt. T.d. fuglar sem kúka á gangstéttir eru vondir fuglar, fuglar sem borða brauðið frá brabra á Tjörninni eru vondir fuglar. Ég tala nú ekki um fugla sem garga mjög hátt þeir eru auðvitað ofarlega á dauðalista Rambó og félaga. Er hægt að treysta svona mönnum fyrir umsjón náttúrverndarmála hjá sveitarfélagi.

Náttúrufræðistofnun leggst gegn fugldrápi með svefnlyfjum