Mannvæn stefna Samfylkingar.

Nú birtist hvert stefnumálið á fætur öðru hjá Samfylkingunni. Hófsöm jafnaðarstefna er leiðarljós flokksins andstætt þeim öfgum sem gjarna sjást hjá öðrum flokkum. Í dag birtist aðgerðaáætlun í málefnum barna. Þar bera að líta ýmis stórmerk mál og Samfylkingin hefur enn og aftur sannað að hún stendur öðrum flokkum langtum framar en flestir átta sig á. Langvarandi grunnhygginslegur niðurrifsáróður andstæðinganna bendir til vanþekkingar eða heyrnarleysis.

•   Bætt tannvernd barna með ókeypis eftirliti og forvörnum og stórauknum niðurgreiðslum á  tannviðgerðum barna.  
• Hækkun barnabóta, með því að draga úr tekjutengingum sem koma mun lágtekju- og millitekjuhópum best.
• Ókeypis skólabækur fyrir framhaldsskólanema.

Sem dæmi þessi þrjú atriði. Grundvallartillögur fyrir barnafjölskyldur landsins og í anda jafnaðarmanna. Flest í stefnu flokksins byggir á mannlegum gildum og hefur hag einstaklingsins að leiðarljósi. Ég veit og trúi því að stefna flokksins nær í gegn og flokkurinn fær það fylgi sem hann á skilið.  Ísland þarf nútímaleg og framfarasinnaða manngildisstefnu jafnaðarmanna eftir meira en ártugs óstjórn hægri flokkanna.

Samfylkingin kynnir aðgerðaáætlun í málefnum barna