Af fávitum og fleira fólki.

„Ég stíg hér með fram og segi: Það er fávitum eins og mér að kenna að svona rugludallar (mig langaði að nota annað orð....) eru við völd á Íslandi í dag. Mér var lofað að stökkbreytta húsnæðislánið mitt yrði leiðrétt og ÞESS VEGNA KAUS ÉG FRAMSÓKNARFLOKKINN í síðustu kosningum!,“ skrifar Ólafur á Facebook.

 http://www.visir.is/var-faviti-ad-kjosa-framsoknarflokkinn/article/2014141009698

( visir.is ) 

 __________________ 

Kjósandi stígur fram og lýsir því yfir að hann sé fáviti.

Ástæðan er að hann asnaðist til að trúa kosningaloforði Framsóknarflokksins.

Það er auðvitað of djúpt í árina tekið að kalla sig " fávita " þó maður asnist til að trúa Framsóknarflokknum, af því er löng og afleit reynsla.

Ég veit að Óli Palli er ekki fáviti þó hann hafi dottið í þessa gryfju.

En hann er greinilega trúgjarn og trúir ekki misjöfnu upp á stjórnmálamenn. Loforð er loforð er hans móttó og ekkert við því að segja.

En það má telja næsta öruggt að hann mun ekki láta blekkjast í framtíðinni. 

Framsóknarflokkurinn á skrautlega sögu kosningaloforða þegar sagan er skoðuð.