Ofstopi í garð opinberra starfsmanna.

13.8.2014 | 17:56

Ofstopi í garð opinberra starfsmanna.

„Margar stofnanir hafa þurft að skera mikið niður á yfirstandandi fjárlaga ári og m.a. þurft að segja upp starfsfólki. Verkefnum þessarar stofnana hefur á sama tíma ekki fækkað og raunar hafa þau víða aukist. Starfsfólk hins opinbera – sem sinnir velferðarmálum, veitir heilbrigðis- og umönnunarþjónustu, sinnir öryggismálum o.s.frv. – hefur unnið mikið og óeigingjarnt starf á síðustu árum á sama tíma og stöðugt hefur verið vegið að starfsheiðri þeirra. Þetta sama fólk hefur þrátt fyrir illt umtal, stöðugan niðurskurð og uppsagnir samstarfsmanna náð að sinna sínum verkefnum og gert það vel. Þetta starfsfólk á betur skilið en þessar köldu kveðjur.“

segir Elín Björg formaður BSRB.

Þetta er sannarlega rétt hjá formanninum, ákveðnir þingmenn stjórnarflokkanna hafa komið fram af fyllsta dónaskap og mörg ummæli Vigdísar Hauksdóttur um starfsmenn ríkisins eru henni til skammar.

Auk þess eru margar fullyrðingar hennar rangar og það verður að gera þá kröfu að löglærður þingmaður tali af skynsemi og sanngirni.

Oft hefur maður efast um getu þessa ákveðna þingmanns en nú held ég að sé fullreynt að hún er óhæf í það starf sem henni hefur verið falið.

Það er kannski á stefnuskrá núverandi stjórnvalda að losa sig við sem flesta ríkisstarfsmenn og flagga út vinnu þeirra til verktaka.

Þá eiga þeir bara að segja það og koma fram að kurteisi við fólkið í landinu, sama við hvað það starfar.