Ritskoðunarlöngun Framsóknarflokksins er staðreynd.

Eygló Harðardótt­ir, fé­lags- og hús­næðismálaráðherra, lagði áherslu á hat­ursorðræðu í upp­hafs­ræðu sinni á Jafn­rétt­isþing yfirstandandi á Reykja­vík Hilt­on-Nordica og til að sporna gegn slíku kallar hún eftir aðgerðum, hún vill koma böndum á netið með einhverjum hætti.

Framsóknarflokkurinn vill koma böndum á umræðuna.

Framsóknarflokkurinn vill koma á einhverskonar ritskoðun.

En hvað á að ritskoða ?

Flestir forustumenn Framsóknarflokkins hafa kvartað undan skrifum á neti og í fjölmiðlum.

Þar stynja þeir mest undan gagnrýni á flokkinn og það sem hann gerir eða gerir ekki.

Einstakir ráðherrar hafa verið gagnrýndir fyrir bullyfirlýsingar og sumir fyrir fullkomið verkleysi.

Forsætisráðherra hefur þótt loðmæltur og óskýr og endalaust misskilinn.

Eygló fær gagnrýni fyrir verkleysi og innantómar yfirlýsingar.

Varaformanni flokksins hefur verið líkt við fíl í glervörubúð.

Utanríkisráðherra hefur síðan þó sérstakur kafli, þar sem honum verður endalaust fótaskortur í stjórnsýslunni.

Auðvitað er þetta óþægilegt fyrir ráðherranna og ekkert undarlegt að þeir vilji koma á ritskoðun svo þessar óþægilegu staðreyndir verði minna áberandi.

Ritskoðunarárátta Framsóknarmanna er því skiljanleg í ljósi aðstæðna.

 

Á hvaða leið er forsetinn ?

Baldur Þórhallsson, prófessor í stjórnmálafræði, segir að forseti Íslands ali á tortryggni í garð múslima með ummælum sínum eftir hryðjuverkin í París. Orð hans um Schengen gangi þvert á það sem leiðtogar Evrópuríkja ræði nú um samstarfið

 

Ég held að enginn velkist í vafa um ÓRG ætlar að bjóða sig fram enn á ný.

Hann hefur þegar látið í það skína að það sé nauðsynlegt að halda gamla forsetanum af því ástand heimsmála sé með þeim hætti að nauðsyn sé á styrkri stjórn á Bessastöðum.

En svo hefur hann líka feta sig inn á vafasamari slóðir og virðist ætla að fiska í gruggugu vatni kynþáttahyggju og trúarbragðafordóma.

ÓRG er glöggur á strauma þjóðfélagsins og væntanlega metur hann stöðuna þannig að vænlegt sé til árangurs að tala eins og hann gerir í moskumálinu.

Hann mun að vísu aldrei láta hanka sig á að tala beint gegn trúarbrögðum eða þjóðfélagshópum, en forsetinn er meistari hinna hálfkveðnu vísna og verður ekki skotaskuld að tala með þeim hætti sem hentar.

Fjöldi mun misskilja hann rétt ef af verður.

Þetta eru nú bara hugleiðingar og kannski tóm vitleysa...en samt má heyra hinn dulda undirtón orða síðustu daga.

Björt framtíð og efasemdirnar um Grímsey.

"Það sem skiptir máli er að fjármunum úr sameriginlegum sjóði okkar allra sé sem best varið og að svona aðgerðir skili árangri," segir í fyrirspurn þingmannsins sem kveðst hafa þá tilfinningu að íslensk byggðastefna sé bæði tilviljanakennd og ómarkviss.

Fyrirhugaðar aðgerðir til að bjarga Grímsey fara eitthvað fyrir brjóstið á ráðamönnum í stjórnmálaflokknum Björt framtíð.

Spurning er hvor þetta er bara SV hluti þessa flokks eða hvort það er almennt álit flokksins að aðgerðir til bjargar Grímsey orki tvímælis ?

Fróðlegt að vita hvort bæjarfulltrúi flokksins á Akureyri taki undir þessar efasemdir flokksforustunnar ?

Leiftursókn Sjálfstæðisflokksins gegn námsmönnum virkar.

Framhaldsskólanemum hefur fækkað um ríflega 1.600 á milli ára. Nemendum sem eru eldri en 25 ára í framhaldsskólum hefur fækkað um 742 og skýrir því brotthvarf þeirra tæplega helming fækkunar. Mesta fækkun eldri nemenda er á bóknámsbraut eða um fjörutíu prósent á einu ári.

Sjálfstæðisflokknum og Illuga menntamálaráðherra er að takast ætlunarverk sitt.

Eldri nemendum hefur fækkað um 40% á milli ára þökk sé eyðileggingarstefnu hægri aflanna.

Hér er enn ein ástæða þess að FLOKKURINN skilar " hallalausum " fjárlögum.

Sjálfstæðisflokkurinn er ígildi engisprettufaraldurs í menntakerfinu.

40 % er ótvíræður " árangur "

Fjármálaráðherra og plat-afgangurinn á fjárlögum.

Meðal niður­skurðaraðgerða lög­regl­unn­ar á höfuðborg­ar­svæðinu er að setja akst­urskvóta á bíla sína

Fjármálaráðherra hefur grobbað sig af afgangi á fjárlögum.

Sá afgangur er fenginn með niðurskurði á þjónustu í heilbrigðiskerfi, löggæslukerfi og fleiru.

Meðan talað er um nauðsyn þess að efla löggæslu þarf að setja aksturskvóta á löggæsluna vegna óábyrgs niðurskurðar hægri íhaldsstjórnarinnar.

Ráðamenn tala með tungum tveim og ábyrgð þeirra er mikil.

Ætli fjármálaráðherra sofi þokkalega ?

Hann væntalega notar andvökunætur til að upphugsa hvað hann getur gert fleira fyrir vini sína í útgerðinni.

Aksturskvóti hjá lögreglu

Erfitt að feta hinn þrönga veg sannleikans ?

Markaðsrann­sókn­ar­stjóri RÚV ger­ir at­huga­semd­ir við mál­flutn­ing Hönnu Birnu Kristjáns­dótt­ur á Alþingi í dag, þar sem þingmaður­inn talaði m.a. um „tug­pró­senta fækk­un þeirra sem horfa og hlusta“ á hinn rík­is­rekna fjöl­miðil.

Rangt farið með staðreyndir.

Hefur heyrst áður þegar ákveðnir þingmenn eiga í hlut.

Hann er þröngur hinn vandrataði stígur sannleikans.

Sumir virðast eiga í meiri erfiðleikum með það en aðrir.

Alþingsmenn þurfa að vanda sig eigi þingið að öðlast trúverðugleika á ný.

RÚV gerir athugasemdir við ræðu Hönnu Birnu á Alþingi í dag

Hverjir flýja sæluríki Sigmundar og af hverju ?

Útlit er fyr­ir að þetta ár verði ár eins mesta brott­flutn­ings ís­lenskra rík­is­borg­ara á síðari tím­um.

 

Forsætisráðherra hefur verið duglegur við að halda því fram að hér sé allt í lukkunnar velstandi og smjör drjúpi af hverju strái.

En samt flykkist fólk úr landi, yfirgefur meint sæluríki forsætisráðherra.

En hverjir eru það sem fara og af hverju.

Samkvæmt upplýsingum viðkomandi stofnana er það ekki vitað, hverjir eru að fara.

Sumir halda því fram að þetta sé atgerfisflótti ungs fólks. Það væri mjög alvarlegt fyrir þjóðfélagið.

En af hverju fer fólk frá sæluríkinu ?

Gæti það verið af því í sæluríkinu eru hæstu vextir á byggðu bóli ?

Gæti það verið af því stjórnarherrarnir boða óbreytt ástand í gjaldmiðilsmálum ?

Gæti það verið vegna einangrunarstefnu stjórnvalda ?

Gæti það verið af því laun eru hér umtalsvert lægri en í nágrannalöndum ?

Gæti það verið vegna misskiptingar og óréttlisstefnu stjórnvalda ?

Gæti það verið af því stefna stjórnvalda miðar að því að gera þá ríku ríkari og þá fátæku fátækari.

Gæti það verið vegna hnignandi og fjársvelts heilbrigðiskerfis ?

Það er margt sem kemur til greina, ekki skortir ástæður í sæluríki Sigmundar.

Flóttamannastraumurinn í heiminum er ekki eingöngu frá suðri til norðurs heldur einnig frá norðri til suðurs í okkar tilfelli.

 

Fjöldi Íslendinga flytur úr landi

Enn er bullið í forsætisráðherra hrakið.

Niðurstaða Thomasar er því þessi:

Slóð á greinina á Hringbraut.

Athafnamaðurinn Thomas Möller hrekur orð forsætisráðherra með afgerandi hætti á Hringbraut.

Hann tekur til samanburðar evruríkið Írland og hvernig þeim tókst að komast út úr gríðarlegum erfiðleikum hrunáranna.

Þegar það er skoðað má fullyrða að íbúar Írlands hafa sloppið enn betur en íslendingar þegar skoðuð er staða þessara mála í dag.

Íbúar á Írlandi þurfa ekki að þola okurvexti og verðtryggingu eins og við á klakanum.

Engar gjaldeyrishömlur og þjóðarframleiðsla á mann á Írlandi er 16% meiri en á Íslandi.

Auk þess hafa íbúar Írlands gjaldmiðil sem hægt er að nota um allan heim.

Eins og við vitum tekur enginn í heiminum við ónýtu krónunni okkar.

Margt fleira er tiltekið og fróðlegt að lesa þessa samantekt á Hringbraut.

En mergurinn málsins er.

Enn og aftur eru bullið í forsætisráðherra hrakið út í hafsauga.

Það er hættulegt að hafa stjórnmálamenn sem vita ekki betur, eða eru að ljúga í saklausa þjóðina.

Skammtímahugsun eða framtíðarsýn, það er málið

Ragnheiður Elín Árnadóttir iðnaðarráðherra vill eiga fund með Björk Guðmundsdóttir um íslenska náttúru en segir um leið að margt af því fram kom á blaðamannafundi hennar í gær sé einfaldlega rangt. Hún fagnar áhuga Bjarkar á íslenskri náttúru en segir misskilning gæta á því vinnulagi sem þingmenn hafa komist að samkomulagi um

____________________

Ísland er á tímamótum hvað varðar náttúru landsins og framtíð ósnortinna náttúrgæða.

Það hefur verið nokkuð stjórnlítil stefna stjórnvalda á Ísland að reka nýtarstefnu þar sem virkjað er í djöfulmóð, námuvinnsla nokkuð óheft og flestir hagsmunaaðilar hafa lítið sem ekkert spáð í verndun náttúru og náttúrugæða.

Nú um stundir erum við í miðjum átakapunkti.  Nýtingarsinnar geta ekki farið sínu fram eins og þá langar og það er ekki lengur nýtingarhagsmunir sem stjórna ferðinni.

Þetta er erfitt fyrir þá sem hingað til hafa stjórnað og kveinka sér núna yfir að geta ekki gert allt sem þá langar á vandræða.

Rammáætlun átti að vera samkomulag kynslóðanna um nýtingu og verndun hvar og hvernig.

Það hefur verið erfitt fyrir hagsmunaaðila að kyngja þeirri áætlun eins og umræðan hefur sýnt glögglega.

Þessi misseri eru tímamót.

Hvar eigum við að láta staðar numið ? Það er sannarlega ekki mikið eftir af ósnortinni náttúru á Íslandi þegar horft er til heildarinnar.

Við eigum val þessi árin í ýmsum þáttum.

Viljum við fara með fullkomna hálendisvegi um lítt snortnar víðáttur hálendisins ?

Viljum við leggja háspennulínur um sjónmengunarlausar víðáttur landsins og klippa það niður í smá búta þar sem raflínur marka landamæri ?

Viljum við fórna náttúrugæðum á Íslandi fyrir rafmagn til Bretlandseyja og víðar ?

Viljum við róta um landi og virkja í hverjum dal og firði ?

Viljum við reisa 150 metra háar vindmyllur í öðrum hverjum firði og dal ?

Enn eru sumir stjórnmálamenn að tala um álver þó engin sé orkan og framtíð þeirra óljós.

Nú er stundin runnin upp.

Mun græðgisstefnan ráða og sýna að hugsun okkar hefur ekkert þróast frá því fyrstu virkjanir risu á Íslandi.

Eða höfum við áttað okkur á að ósnortin og óskemmd náttúrgæði eru líka verðmæti og peningar fyrir landið og landsmenn ?

Raddir gamaldags nýtingarsinna er áberandi og þeir hljóma nákvæmlega eins og forverar þeirra fyrir 50-80 árum

Sú hugsun er til staðar en átökin harðna vegna þess að hratt gengur á náttúrgæði landins og hver og ein framkvæmd er óafturkræf og breytir málum til framtíðar.

Höfum við leyfi til að skrifa óútfylltan víxil á börnin okkar og barnabörnin ?

Nú er stundinn að renna upp....

Hvert ætlum við með Ísland framtíðarinnar þegar horft er til umhverfis, fráveitu og loftslagsmála ?

 

Nafli alheimsins - Vigdís og Framsókn ?

„Það er munst­ur í þess­um árás­um eins og það er munst­ur í heim­il­isof­beldi og hjá alkó­hólist­um. Í árás­um gegn mér á net­inu þá t.d. kem ég í út­varpsþátt í há­deg­inu og svo bíð ég eft­ir því. Ef það er ekki komið eitt­hvað síðdeg­is þá hef­ur verið erfitt að reyna að finna eitt­hvað á mig. Það eru þekkt nöfn á bakvið þetta,“ sagði Vig­dís en neitaði að nefna nöfn í því sam­bandi. „Svo eft­ir því hvenær þetta byrj­ar um dag­inn þá yf­ir­leitt geng­ur þetta yfir á sól­ar­hring. Þá er búið að segja allt og haf­ist handa við að finna það næsta til að henda í haus­inn á mér.“

______________

Fólk sem er tilbúið að gagnrýna aðra og af mikilli hörku en þolir svo ekki gagnrýni á sjálft sig og sinn flokk ætti ekki að vera í stjórnmálum.

Það er allt of erfitt að vera í þeirri stöðu að halda að allir séu látlaust að gagnrýna sig og sín verk og sjá ekkert satt í þeirri gagnrýni.

Vigdís Hauksdóttir er gagnrýnin og kjaftfor þingmaður og fær svör í sömu mynt.

Ef hún tekur það svona nærri sér þá væri kannski ráð að líta í eigin barm.

Og að hún sjái ekki sanngirni í að Framsókn sem gagnrýnd vegna verkleysis og vanefnda þá er hún ekki í sambandi.

En þetta vandamál allt saman mun leysast 2017, og verður þá bara óþægileg minning í huga Vigdísar.

Ósýnilegur her neikvæðrar umræðu