Óboðlegar blekkingar á Alþingi.

Það kom flestum í opna skjöldu þegar upplýst var á dögunum að ekki væru til peningar til að ráðast í þær vegabætur sem Alþingi hafði áður samþykkt. Það var ekki gert ráð fyrir þeim í fjárlögum. Alþingi samþykkir að leggja veg, en ákveður svo nokkrum vikum síðar að veita ekki peningum í verkið. Haraldur Benediktsson, formaður fjárlaganefndar þingsins, ræddi þetta á Morgunvaktinni á Rás 1. Hann viðurkennir að þessi vinnubrögð séu ekki í lagi.

____________

Viðurkennir að þetta sé ekki í lagi.

Kallar málið vandræðalegt.

Auðvitað var þetta ekki vandræðalegt

Þetta voru blekkingar og svik, ætluð til virðisauka í aðdraganda kosninga.

Í stað þess að kalla þetta vandræðalegt ættu þeir sem hlut eiga að máli að biðja þjóðina afsökunar á blekkinum og svikum.

Ekki undarlegt að virðing Alþingis sé þar sem hún er, í pilsnertölu.

Trúverðugleiki Hæstaréttar ?

„Að því leyt­inu er þetta sig­ur fyr­ir vandaða blaðamennsku og enn ein áminn­ing til Hæsta­rétt­ar um að fjöl­miðlar í lýðræðisþjóðfé­lagi eru að sinna sinni skyldu að koma upp­lýs­ing­um á fram­færi. Ég held að fimm slík­ar áminn­ing­ar ættu að vera skýr skila­boð til Hæsta­rétt­ar um að þeir þurfa að koma inn í nú­tím­ann,“ seg­ir Stein­grím­ur. En dóm­ur­inn í dag var sá fimmti sem Mann­rétt­inda­dóm­stóll­inn fell­ir um að Hæstirétt­ur Íslands hafi brotið gegn tján­ing­ar­frelsi ís­lenskra blaðamanna.

(mbl.is)

Hæstiréttur hefur fengið rauða spjaldið fimm sinnum í málum er varða tjáningarfrelsið.

Það er með öllu óásættanlegt og vekur upp alvarlegar spurningar um hæfi dómara þar.

Það er mjög slæmt þegar Hæstiréttur landa verður ótrúverðugur og traust á honum fer niður. Það hlýtur að gerast í þessu tilfelli.

Það ber vott um ótrúlegan brotavilja réttarins að hann hafi nú fimmta sinn verið rekinn til baka með mál er varða tjáningarfrelsið.

Væri kannski ráð að einhverjir dómarar þarna taki pokann sinn.

Í þessu tiltekna máli snéri Hæstiréttur við dómi undirréttar sem gerir málið enn alvarlegra.

Kannski þeir láti sér segjast og dæmi ekki með þessum hætti í sjötta sinn.

Kannski bara !!

Fimmta áminningin til Hæstaréttar

Grænjaxlar í ráðherrastólum.

Benedikt Jóhannesson, fjármálaráðherra, var tekinn til bæna af stjórnarandstöðunni við upphaf þingfundar í dag vegna ummæla sem hann lét falla í útvarpsþætti á Bylgjunni í morgun. Þar sagði hann að það hefði verið nánast siðlaust af síðasta þingi að samþykkja samgönguáætlun en í ljós hefur komið að níu milljarða vantar í áætlunin miðað við gildandi fjárlög. Og að þingið sem hefði samþykkt fjárlög þessa árs hefði verið stjórnlaust en ekki hafði verið mynduð ríkisstjórn á þeim tíma.

( ruv.is )

Merkilegt hvað nýju ráðherrarnir eru seinheppnir og illa að sér í stjórsýslu og leikreglum.

Samgönguráðherra kominn í einræðisgírinn og sker niður hægri vinstri án nokkurs samráðs við þingið.

Fjármálaráðherra er í svipuðum gír, skammar þingið fyrir að leggja til löngu tímabærar framkvæmdir.

Hefði nú kannski átt að vera kátur með þessar tillögur, man ekki betur en Viðreisn hafi lagt mikla áherslu á uppbyggingu innviða í kosningabaráttunni.

Sennilega var það bara kjaftæði eins og ESB umræðan hjá þeim.

En hvað sem því líður.

Það virðist vera óvenju hátt grænjaxlahlutfalli í ráðherragenginu í þessari ríkisstjórn, sem auðvitað háir ríkisstjórninni gríðarlega.

100 milljarða maðurinn bætir enn í.

Skuldir flestra fyrirtækja og félaga sem Bjarni Benediktsson kom að því að stýra fyrir hrun samhliða þingmennsku hafa verið afskrifaðar. Gjaldþrotaskiptum er lokið á fimm fyrirtækjum en þar með lauk skiptum á fasteignafélagi N1 í síðustu viku. Eftir á að afskrifa nærri 50 milljarða króna skuld eignarhaldsfélagsins sem áður hét Vafningur. Bjarni gefur ekki kost á viðtali um málið.

Geri aðrir betur.

Hrunmenn áttu margar og feitar afskriftir.

Þeir eru allir hættir og sumir sitja inni.

En meistari afskriftanna nálgast nú 100 milljarða markið og góðar líkur á að það markmið náist fljótlega.

Gott að hafa mann með reynslu í brúnni.

Samgönguráðherra í blóðugum niðurskurði.

Ekki verður ráðist í nýframkvæmdir á vegi um Skógarströnd, Dynjandisheiði og á flughlaðinu á Akureyri á þessu ári. Þetta segir samgönguráðherra. Við forgangsröðun vegaframkvæmda var litið til framkvæmda sem þarf að ljúka og öryggisbóta.

------------------

Fyrir stuttu var samið plagg sem kallað var samgönguáætlun og lofaði hún bara nokkuð góðu. Ýmis verkefni sem setið höfðu á hakanum lengi virtust fá brautargengi.

Dettifossvegur, lokamalbikun hringvegar, Hornafjarðarbrú, flughlað á Akureyri og margt annað.

En þetta plagg var bara í plati, engir aurar voru settir í verkefnið og því var það marklaust plagg og sýndarmennska.

Sláandi dæmi um vont og ábyrgðarlaust verklag stjórnmálamanna í meirihlutanum.

Nú er rukkarinn mikli, samgönguráðherrann farinn að skera niður verkefni upp á 10 milljarða, minna má það nú ekki vera.

Núverandi ríkisstjórn hangir á bláþræði.

Það verður fróðglegt að sjá sem dæmi þingmenn Sjálfstæðisflokksins í NA kjördæmi standa fyrir slíkum niðurskurði.

Ætli Njáll Trausti flugáhugamaður samþykki niðurskurð fjárveitinga til flughlaðsins eða menntamálaráðherra samþykkja niðurskurð til Dettifossvegar eða hringvegar í Berufirði.

Ef þessi þingmenn Sjálfstæðisflokksins eru sjálfum sér samkvæmir munu þeir greiða atkvæði gegn þessum niðurskurði eða vera kallaðir ómerkingar annars.

Formaður samgöngunefndar er svo Valgerður Gunnarsdóttir þriðji þingmaður Sjálfstæðisflokksins í kjöræminu.

Valgerður Gunnarsdóttir Sjálfstæðisflokki var kjörin formaður umhverfis- og samgöngunefndar Alþingis á fundi nefndarinnar sem lauk rétt í þessu.

Það vantar ekki stórskotaliðið í kjördæmnið en gagnið af þeim er ekkert.

Þingmönnum BF og Viðreisnar er nokkuð sama, enginn þeirra býr í þessu kjördæmi. Nánast allir á Stór-Reykavíkursvæðinu.

Það er allt í sömu bókina lært hjá þessari ríkisstjórn.

Allt í tómu klúðri.

Viðreisn seldi sálu sína í ESB málum. Holur tónn hjá formanni utanríkismálanefndar.

Samn­ing­ur­inn um Evr­ópska efna­hags­svæðið (EES) og aðild Íslands að Fríversl­un­ar­sam­tök­um Evr­ópu (EFTA) duga ekki leng­ur til þess að tryggja hags­muni Íslands gagn­vart Evr­ópu­sam­band­inu. Þetta er haft eft­ir Jónu Sól­veigu El­ín­ar­dótt­ur, for­manni ut­an­rík­is­mála­nefnd­ar Alþing­is og þing­manni Viðreisn­ar, á frétta­vef banda­ríska dag­blaðsins Washingt­on Times.

___________

Viðreisn seldi sálu sína fyrir ráðherrastóla.

Þar létu þeir af öllum kröfum í ESB málum og gengu í björg Valhallar.

Formaður flokksins étur úr lófa formanns Sjálfstæðisflokksins og hvergi glittir í það sem Viðreisn var stofnuð til.

Nú birtist formaður utanríkismálanefndar og varpar miklu ljósi á hvað það sem Viðreisn seldi fyrir stólana mjúku.

Er þetta ekki holur tónn og lýsir því hversu villuráfandi þessi afleggjari Sjálfstæðisflokksins er í sínum málflutningi og áherslum.

Sviku kjósendur sína um meginstefnumál sitt.

Fulltrúar þeirra ættu þá kannski að þegja í stað þess að tala um það sem þeir seldu fyrir lítið sem ekki neitt.

Spurning hvernig formanni Sjálfstæðisflokksins líkar þessi umræða og skoðanir formanns utanríkismálanefndar.

Þvert á skoðanir hans og Sjálfstæðisflokksins og anda stjórnarsáttmálans.

 

Segir EES ekki duga lengur

Linkulegur heilbrigðisráðherra - ekkert að gerast ?

„Ég hef ekki sér­stak­lega í huga eða lang­ar til að gera stór­kost­leg­ar breyt­ing­ar á heil­brigðis­kerf­inu, nema til þess að styrkja það og styðja. Í dag er upp und­ir 30% af op­in­beru fjár­magni sem að fer í heil­brigðisþjón­ustu fer á ein­hvern hátt í rekst­ur sem er á veg­um sjálf­seign­ar­stofn­ana sjálf­stæðra sér­fræðinga eða hvað og ég hef eng­ar sér­stak­ar áætlan­ir um að gera stór­ar breyt­ing­ar þar um.“

______________

Yfirlýsingar heilbrigðisráðherra lofa ekki góðu.

Voðalega linkulegt og fátt sem bendir til að nokkuð gerist hjá núverandi ríkisstjórn.

Þessi ríkisstjórn leggur í kjörtímabilið með sprungið á öllum.

Spurning hvað hún endist lengi.

Kannski fram á þar næsta vor.

Ætlunin að auka framlög

Mannvirkjaráð gengur erinda fyrirtækis gegn náttúru Akureyrar.

Bæjarfulltrúar á Akureyri tókust á nú síðdegis á bæjarstjórnarfundi, í umræðu um þyrluskíðamennsku í fólkvanginum Glerárdal. Fyrirtækið Bergmenn ehf. hefur sótt um leyfi fyrir því að fá að fljúga með fjallaskíðafólk inn í dalinn, sem var gerður að fólkvangi síðasta sumar.

 Á síðasta ári lagði bæjarstjórn Akureyrar niður sérstaka umhverfisnefnd og setti umhverfismálin inn í mannvirkjanefnd, málaflokks sem er víðsfjarri umhverfisumræðu eins og hægt er að hugsa sér.

Slíkt eru alvarleg mistök og nú sjáum við fyrstu afleiðingar þess.

Mannvirkjaráð ógildir ákvörðun gömlu umhverfisnefndarinnar og starfshóps um fólkvang á Glerárdal.

Þar var þyrluflugi yfir fólkvanginum hafnað.

Mannvirkjaráð með sínar óumhverfislegu áherslur leggur nú til að fyrirtæki í þyrluflugi verði leyft að stunda flug yfir svæðinu.

Að ráð á vegum bæjarins skulu ganga erinda fyrirtækis í ferðamannabissness á kostnað fólkvangs og náttúru Akureyrar er forkastanlegt og ekki til sóma.

Ég geri ráð fyrir að Umhverfisstofnum hafi vit fyrir mannvirkjaráði og hafi þessum sorglega gjörningi ráðsins.

 

Þeir ríkustu fengu mest - Sjallar og Frammarar ánægðir með það.

Bjarni Bene­dikts­son for­sæt­is­ráðherra seg­ir að leiðrétt­ing­in hafi heppn­ast frá­bær­lega vel. Hún hafi jafn­framt aldrei verið hugsuð sem tekju­jöfn­un­araðgerð. „Þegar vel er að gáð má sjá að við höf­um náð langt­um meiri ár­angri en aðrir sem sitja eft­ir með mikl­ar skuld­ir hjá heim­il­um víða um Norður­lönd­in,“ sagði Bjarni í umræðu á Alþingi um skýrslu um niður­færslu verðtryggðra fast­eignalána.

____________

Þeir ríkustu og elstu fengu mest.

Sá hópur sem helst kýs Sjálfstæðisflokk og Framsókn.

Ekkert undarlegt við að ráðamenn þeirra flokka séu kátir með árangurinn.

Þeirra skjólstæðingar og kjósendur fleyttu rjómann af skuldaviðurkenningunni.

Húrra segja formaður Sjalla og varaformaður Frammara.

Ekkert undarlegt við það og þarf ekki að orðlengja eða snúa útúr.

Leiðréttingin heppnaðist „frábærlega“

Björt framtíð rúin öllu trausti.

 

 Það er vandséð hvernig Björt framtíð ætlar að tækla næstu vikur og mánuði í ríkisstjórn.

Forusta flokksins er rúin öllu trausti, 86% þeirra sem kusu flokkinn eru óánægð með flokkinn í ríkisstjórn.

Staðan hjá Viðreisn er heldur skárri ekki "nema" 61% kjósenda þeirra er óánægðir með flokkinn.

Reyndar er fylgi við þessa svokölluðu ríkisstjórn ótrúlega lágt, 75% kjósenda er óánægður með hana.

Margir eru nú farnir að spá þessari ríkisstjórn skammra lífdaga enda leynir sundrungin sér ekki þessar fáu vikur sem liðnar eru frá því hún var mynduð.

Fjórðung­ur lands­manna er ánægður með rík­is­stjórn Sjálf­stæðis­flokks­ins, Viðreisn­ar og Bjartr­ar framtíðar, sam­kvæmt niður­stöðum nýrr­ar skoðana­könn­un­ar Gallups. Frétta­vef­ur Rík­is­út­varps­ins grein­ir frá þessu í dag.

Fjórðungur sáttur við stjórnina