Deiliskipulag í fullu gildi.

Þetta er sérkennileg frétt. Það er byggingafulltrúinn á Akureyri sem fellir byggingaleyfi Glerártorgs  tímabundið. Verið er að bíða eftir að matsnefnd eignarnámsbóta úrskurði í deilu eigenda Glerártorgs og Svefns og heilsu. Skipulagsnefnd afgreiddi deiliskipulag vegna viðbyggingar Glerártorgs til bæjarstjórnar og þar var það samþykkt samhljóða.

Það er enginn úrskurðarnefnd byggingamála á Akureyri eins og stendur hér í fréttinni heldur felldi skipulagsstjóri byggingaleyfi úr gildi tímabundið þar til niðurstaða er fengin í eignarnámsmálið sem er að ljúka.

Kröfu Svefns og heilsu um að deiliskipulagið yrði ógilt var vísað frá og er það í fullu gildi. Deilan snýst um að Svefn og heilsa átti lítinn hluta í tengibyggingu með Glerártorgseigndum og ekki hafði náðst samkomulag um greiðslur fyrir þennan hluta.

Málið snýst alls ekki um skipulagsmál proforma og það er sérkennilegt að lesa blogg hér þar sem menn fjalla um málin af vanþekkingu og upphrópunum sem eru algjörlega út í hött.

Byggingarleyfi fellt úr gildi á Akureyri

Líflegt á landinu þessa dagana.

Það hefur verið líflegt á jarðfræðisviðinu að undanförnu. Hver skjálftahrinan rekur aðra og eru víða um land. Nú skelfur við norðanverðan Langjökul og styrkur skjálftanna meiri en í hrinu sem varð þarna á svipuðum slóðum um daginn. Það er ekki oft sem skjálftar fara yfir 4 á richter hér þó svo það komi fyrir.

Ég þekki þetta svæði ekkert sérstaklega vel en þetta er ef til vill lógiskt framhald á hrinu sem hefur staðið í nokkur misseri á syðri hluta þessa gliðnunarsvæðis sem nær frá suðurströndinni í suðri, um Hengill og Þingvelli og norður um Langjökul. Þarna hafa orðið nokkuð margar hrinur á mismunandi stöðum undanfarín tvö - þrjú ár eða lengur. Þetta er það nyrsta sem sú hreyfing hefur náð.

Það urðu nokkuð stórir skjálftar í Mýrdalsjökli og Vatnajökli um helgina og nýgengin er yfir hrina við Grímsey, Herðurbreiðartögl og Upptyppinga og ekki má gleyma hrinu norðan við Selfoss sem frekar á rætur að rekja til suðurlandsmisgengis frekar en sveimsins norður um Langjökul. Sem sagt líflegt á landinu.

 

Jörð skelfur við Hveravelli

Verða að vanda sig.

Ég tek ofan fyrir lögreglunni í Reykjavík og þeim aðgerðum sem þeir beita til að koma á röð og reglu. Það var löngu tímabært að ráðast til atlögu við þá óáran sem ástandið í miðborginni var orðið.

Lögreglan hefur gert sitt besta til að vera sýnileg, ráðast gegn smábrotum og hegðunarvandamálum sem fram að þessu hafa verið látin afskiptalaus. Þetta breytir þó ekki þeirri staðreynd að þegar menn ætla sér að ná tökum á vandamálum þarf að vanda sig. Það virðist sem lögreglustjóri hafi ekki alveg sést fyrir í aðgerðum sínum og ef til vill kanni ekki nægilega vel þann bakgrunn sem hann hefur til ýmissa athafna.

Það er ekki gott þegar lögreglan er gerð afturreka með ákvarðanir sem ekki standast lög. Það er alltaf slæmt fyrir orðsporið og trúverðugleikan.

Nú er búið að fella úr gild tímabundna sviptingu rekstraleyfis. Dómsmálaráðuneytir ógildir þessa ákvörðun. Það er slæmt þegar svona gerist og slæmt fyrir trúverðugleika og hæfni löggæslunnar.

Ég óska þeim velfarnaðar og velgengi í baráttunni við þá óáran og sukk sem er orðið stórvandamál í borginni. Jafnframt hvet ég Stefán að vanda sig og gæta að rétti einstaklinga og fyrirtækja. Það sakar ekkert að doka aðeins við og kanna mál betur. Það er betra til lengri tíma litið.

Lögreglustjóri leiðbeindi ekki rekstraraðilum

Íbúaþing í Hrísey.

Á miðvikudagskvöldið var haldið íbúaþing í Hrísey. Þar var fjallað um Staðardagskrá 21 fyrir Hrísey sem er á lokastigi vinnslu, kosið í hverfisráðið og að lokum var fjörug umræða um atvinnumál. Það er alltaf gaman að koma í Hrísey og mannlífið og umhverfið eru með örðrum hætti en inn á Akureyri. Ég hef lengi haft þá skoðun að möguleikar Hríseyjar til atvinnusköpunar sé meiri en menn nýti sér i dag.  Umræðan um Staðardagskrána og atvinnumálin staðfesta að svo er. Það er bara að grípa gæsina eins og sagt er. Hér er frétt af síðunni Hrísey.net sem ég tek mér það bessaleyfi að birta hér óbreytt.

Fréttir

Fjölmenni á íbúaþingi

Rúmlega fimmtíu manns mættu á íbúaþing í Hlein í gær. Kristinn Árnason formaður Hverfisráðs byrjaði fundinn, síðan kom bæjarstórinn Sigrún Björk Jakobsdóttir og ávarpaði fundinn.

 Fundarstjóri var Jón Ingi Cæsarsson frá Akureyri. Fyrsta mál á dagskrá var kynning á Staðardagskrá 21 sem verið var að endurskoða og á að endurútgefa á næstu vikum. Jón Birgir Gunnlaugsson verkefnastjóri umhverfismála og Jón Ingi Cæsarsson varaformaður umhverfisnefndar kynntu staðardagskrána.Næsti liður var kosning í Hverfisráð og fór hún þannig að næsta árið munu þau: Hjördís Ýrr Skúladóttir, Linda María Ásgeirsdóttir, Kristinn Fr. Árnason, Ingimar Ragnarsson og Aðalsteinn Bergdal sitja í ráðinu. Varamenn eru: Þorgeir Jónsson, Þröstur Jóhannson, Unnsteinn Kárason, Guðrún Þorbjarnadóttir og Víðir Björnsson. Síðasta mál á dagskrá voru atvinnumál og var þar aðallega rættu um fyrirhugaða hausaþurrkun og ferðamál. Flestir eru sammála því að þetta hafi verið góður fundur og komu mörg sjónarmið þarna fram.

http://hrisey.net/?m=forsida

Þetta er slóðin á síðu þeirra Hríseyinga.

 

Afleiðing láglaunastefnu áranna.

Þetta kemur ekki á óvart. Við íslendingar höfum barið okkur á brjóst áratugum saman og þóttst duglegastir allra og segjum vinna mest. Það er rétt, engir í norður og vestur Evrópu vinna lengri vinnudag en íslendingar. En það er ekki vegna þess að við séum svona ógnardugleg og vinnufíkin. Launastefna á Íslandi hefur verið láglaunastefna sem skilar litlu í vasann fyrir dagvinnuna eina saman. Til að bæta okkur þetta upp höfum við unnið allt að 50 - 55 kkukkustundir á viku til að bæta okkur upp lágu launin fyrir dagvinnu.

Þetta virðist hafa hugnast vinnuveitendum hér ágætlega og hafa tekið þátt í þessum dansi. En auðvitað er þetta ekki stefna sem skilar nokkrum sköpuðum hlut fyrir framleiðni. Íslendingar er afar agalausir í vinnu og þekkt er umræðan um skreppusýki okkar og róleg vinnubrögð. Það er freistandi að álykta að lág afköst stafi af of löngum vinnudegi og þegar upp er staðið væri auðveldlega hægt að snúa þessu dæmi í betri farveg. Afköst manna sem vinna 50 tíma á viku eru miklu lminnii en þeirra sem vinna skemmri vinnudag. Það er sannað.

Því hefur oft verið kastað fram hér að breyta eðli launatöflu í þá veru að dagvinna skili fjölskyldum og einstaklingum ásættanlegri framfærslu mundi leiða til aukinnar framleiðni þó vinnutími styttist. Um þetta hafa menn talað en enginn gerir neitt í málinu. Kannski eru menn ekki tilbúnir að breyta til. En ef svo er ekki ættu menn bara að viðurkenna þetta og hætta að tala ef ekkert á að gera.

Vinnum meira en margir en afköstum minna

Morgunbirta í nóvember.

Það eru fallegir dagar núna. Sólin skín, að vísu stutt, og morgnarnir eru ein samfelld litadýrð. Í morgun var sérstaklega fallegt hér á Akureyri. Frá hálf tíu og þar tíl sólin birtist 11.15 breyttist himininn frá svörtu í bleikt, síðan í dökkrautt og að lokum varð suðurhimininn gulur eins og sjá má á þessari mynd. Svörtu skuggarnir á myndinni er dráttarbrautin í Slippnum.

Það er fallegt við Eyjafjörð alla daga en þegar svona sjónarspil birtist setur mann hljóðan. Hér er slóð á Flickrsíðuna mína, þar eru fáeinar myndir í viðbót frá í morgun.

http://www.flickr.com/photos/53151484@N00/

 

 

Of veikir í útrás ?

Mikið hefur verið skrifað um orkuútrás íslendinga að undanförnu. Við leikmenn höfum haft það á tilfinningunni að enginn eigi nokkurn möguleika á að skáka okkur á alþjóðavettvangi í þessum málaflokki.

Fyrsta skrefið í þessar orkuútrás var að ná ráðandi stöðu á orkumarkaði á Filipseyjum. Það var ef til vill meginiástæða þessa flumrugangs sem sprengdi allt í loftu upp, m.a. borgarstjórnarmeirihluta í Reykjavík. Mér fannst alltaf að menn ræddu þetta eins og það væri náast formsatriði að bjóða í þetta, íslendingar ættu þarna örugga innkomu af því við værum klárastir.

Nú er niðurstaðan ljós í þessu máli. Fyrirbæri sem heitir Red vulcan sem ég veit ekki hvað stendur fyrir yfirbauð íslensku fyrirtækin auðveldlega og þau drógu tilboð sitt til baka. Kannski er þetta hinn kaldi raunveruleiki í þessu orkuævintýri sem allir ætla að græða á í þriðja heiminum of stór biti fyrir okkur. Þó svo við telum okkur faglega best í þessu skiptir það engu máli þegar peningar eru annarsvegar.  Það verða væntanlega risafyrirtæki, kannski mest bandarísk sem ná fótfestu í þessum geira því þeir eiga mesta peninga. Kannski var "orkútrásin" stormur í draumavatnsglasi.

Ég vona svo sannarlega að svo sé ekki en þetta dæmi sýnir okkur svo ekki verður um villst að þetta er sýnd veiði en ekki gefin.

REI hættir við Filippseyjar

Yfir Pollinn

Það er fallegt útsýnið frá Leiruveginum á björtum sólskinsdegi í nóvember. Pollurinn djúpblár og fjöllin orðin gráhvít og glampa í sólinni. Axel liggur við Oddeyrarbryggju og í forgrunnin eru grynningarnar við Leiruveginn. Rétt um það bil hérna næst vill Nökkvi byggja aðstöðu fyrir báta sína og skútur. Frábær hugmynd sem þeir vonandi fylgja eftir.

Það er sérstakt útsýnið yfir Pollinn og lágreist húsin við ofanverða Strandgötu eru eitt helsta einkenni Akureyrar. Þó það sjáist ekki á þessari mynd er Menningarhúsið farið að setja mikinn svip á bæinn og sennilega venst þessi breytta mynd að Strandgötu með árunum.

Frítt í bílastæði - frítt í strætó.

Akureyri hefur verið leiðandi í breyttri hugsun í samgöngum og aðgengi. Flestir vita að hér er frítt í strætó sem hefur haft gríðarlegar breytingar í för með sér. Hér hefur notkun á strætó meira en tvöfaldast sem vonandi hefur haft þau áhrif að notkun einkabílsins hefur minnkað.

Í þessari frétt sem verið er að fjalla um frítt í bílastæði og notkun bílastæðaklukkna.  Akureyri hefur tekið frumkvæði og er að gera ýmsa nýja hluti hér á landi. Ég var í starfshópi sem vann að þessu máli fyrir tveimur til þremur árum síðan. Þetta er alls ekki Akureyrisk uppfinning. Svona kerfi er notað með góðum árangri í t.d. Danmörku og Þýskalandi. Þangað sóttum við grunnhugmyndafræði þessa verks því ekki þurfti að finna upp hjólið þarna ef svo má að orði komast.

Margir höfðu efasemdir þegar við vorum að byrja að ræða þetta á sínum tíma og ekki voru allir á eitt sáttir við þessa framkvæmd. Menn nefndu tekjuminkun, að fólk mundi ekki skilja þetta og fleira. En við keyrðum málið árfram til enda, stöðumælar voru sagaðir í burtu og nýja kerfið var innleitt með pomp og prakt.

Úrtöluraddirnar eru horfnar, alltaf eru næg bílastæði í miðbænum þar sem stöðug vandræði voru áður og íbúar og gestir okkar hæstánægðir.

Klukkuvæðingin er dæmi um mál þar sem vel tekst til og sýnir að menn eiga ekki að hika við að reyna nýja hluti þegar menn trúa að þeir bæti ríkjandi ástand. Íhaldssemi er ágæt að vissu marki en stundum þarf að brjóta upp ríkjandi ástand með nýjum hlutum. Það var gert í bílastæðamálum í miðbæ Akureyrar og í dag eru flestir sammála um að vel hafi tekist til.

Færri stöðumælasektir á Akureyri með nýju kerfi

Þétting byggðar er vandaverk.

Mikið hefur verið tekist á um áform sveitarfélaga um þéttingu byggðar. Það er eðlilegt að sveitarfélög skoði möguleika á slíku því víða eru stór svæði sem hafa ekki byggst innan núverandi byggðar af ýmsum ástæðum. Svæði sem markvisst hafa verið tekin frá sem opin svæði eða útivistarsvæði koma að sjálfsögðu ekki til greina við slík áform. Helst er verið að horfa til svæða sem sleppt hefur verið úr af ýmsum ástæðum t.d. þeirrar ástæðu að þegar viðkomandi svæði var að byggjast skorti tækni og tæki til að takast á við mikið jarðvegsdýpi eða aðrar þær náttúrulegu aðstæður sem ollu því að svæðunum var sleppt meðan aðliggjandi svæði voru að byggjast upp.

Hér á Akureyri hafa menn verið að skoða slík svæði lengi og í síðasta aðalskipulagi voru ákveðin svæði valin sem framtíðaríbúabyggð þó svo þeim hafi verið sleppt á sínum tíma. Flest þeirra hafa það einkenni að hafa verið tæknilega erfið þegar tæki og tól voru ófullkomnari en nú. Í aðalskipulaginu 2005 - 2018 má sjá þessi svæði og framtíðin ein sker úr um hvort af framkvæmdum verður á þeim svæðum sem nú eru skilgreind sem svæði til þéttingar byggðar.  Mjög fáar athugsemdir komu fram á þeim tíma sem aðalskipulagið var í vinnslu og þó var það auglýst tvisvar sinnum og breytt töluvert eftir fyrri umferð í samræmi við athugsemdir og endurskoðun.

Næst í tíma er verið að skoða svæði í Holtahverfi og á mörkum þess. Umræðan um uppbyggingu í gömlu svarðargröfunum hefur fengið nokkar athygli og þegar hefur verið haldinn einn kynningarfundur á vegum hverfisnefndarinnar og áform og tillögur kynntar.

Í síðasta Vikudegi hafði verktaki áhyggjur af að málin gengju hægt fyrir sig og gætti nokkurrar óþolinmæði í máli hans. Slíkt er skiljanlegt þegar mál er metið frá sjónarhorni þess er vill byggja en fleiri sjónarmið gilda þegar byggð er þétt á viðkvæmum svæðum. Upplýsingaskylda skipulagsyfirvalda er rík og gæta ber að mál séu kynnt á sem bestan og gleggstan hátt. Einnig þarf að grandskoða þetta svæði því áform eru um að byggja á svæði sem á margan hátt er sérstakt og ef til vill viðkvæmt. Sögusagnir herma að þarna sé mikið jarðvegsdýpi og jarðvegur vatnssósa. Það er líklega rétt enda er þarna ein frægasta mýri á Akureyri og margir muna þegar reynt var að undirbyggja þarna íþróttasvæði á sínum tíma. Þar hvarf efnið í mýrina á skömmum tíma.

Skipulagsnefnd hefur lokið tækilegri vinnu er varðar að auglýsa nýtt deiliskipulag á svæðinu. Sú tillaga byggir á gildandi aðalskipulagi og því ekkert því til fyrirstöðu að auglýsa þess vegna. En þar sem svæðið er viðkvæmt og jarðlög og staða meira sögusagnir en raunveruleiki þarf að rannsaka svæðið og það er verk sem tækifræðingar eru að vinna þessa dagana. Það sýnir vel hversu viðkvæmt málið er að þegar verið var að vinna að borun og skoðun á vegum verkfræðinganna töldu íbúar að framkvæmdir ættu að hefjast án þess að þeir fengju að segja sína skoðun. Slíkt er auðvitað fjarstæða og alls ekki framkvæmanlegt því hér gilda ströng skipulagslög eins og annarsstaðar á landinu og enginn vilji eða möguleiki að sniðganga þau.

Niðurstöður eru væntanlegar á næstunni og þá fyrst geta skipulagsyfirvöld lagt mat á stöðu mála þarna með tilliti til aðstæðna. Það mun ekki fara framhjá nokkrum manni ef þarna verður auglýst nýtt deiliskipulag. Það mun byggja á niðurstöðum þeim sem fást úr þeim jarðvegs og dýparmælingum sem verið er að framkvæma þessa dagana. Jafnframt mun skipulagsnefnd huga alvarlega að umferðarmálum þarna í kring og allir vita að stórbæta þarf umhverfi og aðstæður við Hörgárbraut og  Krossanesbraut sem báðar eru tengibrautir sem eru að hluta á ábyrgð ríkisins. Ef þétta á byggð á þessu svæði þarf að stórbæta þessar aðstæður og það vita bæjaryfirvöld á Akureyri mæta vel.