Mér er öllum lokið... guð blessi Ísland.

Mér varð öllum lokið þegar ég fylgdist með umræðunni á þingi í gær... og bara smá stund. Ég setti þetta inn á feisið hjá mér meðan hneykslunarbylgjan reis hæst innan með mér.

"Tók stund í að fylgjast með á Alþingi. Fáum orðum sagt.. ég er gáttaður.. en jafnframt áhyggjufullur ef þetta er hópurinn sem á að leiða Ísland í gegnum kreppu og erfiðleika... " ó mæ god " eins og frægur neytendamaður myndi segja í Spaugstofunni."

Ég held að þingið ætti að taka sér tak. Það er ekki hægt að láta þjóðina horfa upp á vanhæfnina og vitleysuna sem borin er á borð fyrir okkur á hinu háa Alþingi.

Í stað þess að vera trúverðugir og traustir og láta okkur finnast að leiðtogar okkar séu að leysa vandann horfum við á hóp fólks sem er farið á taugum og hagar sér eins fífl.

Ég hef ekki vilja hafa stór orð um Alþingi Íslendinga... þar er hornsteinn lýðræðis okkar og þar á að sitja fólk sem allir treysta best fyrir fjöregginu og framtíðinni.

En þegar maður horfir upp á það viku eftir viku að meginþema þingmanna er að vera sem stóryrtastir, kjánalegastir og spæla flottast þá er manni öllum lokið.

Gerið það fyrir þjóðina að haga ykkur í samræmi við ábyrgð og skyldur og hættið að láta okkur horfa upp á þetta mikið lengur...

það væri frábær nýársgjöf.

Fjárlaganefnd fundar

Athugasemdir

[Kjartan Sigurgeirsson, 30.12.2009 kl. 10:42]

Hvað er að haga sér í samræmi við ábyrgð og skyldur, er það að láta þrautreynda kúgara vaða yfir þjóðina með kröfum sem mjög sennilega eiga sér enga stoð í lögum? eða er það að reyna að koma í veg fyrir nauðgun þjóðarinnar?

[Jón Halldór Guðmundsson, 30.12.2009 kl. 15:14]

Hvað á að japla þetta endalaust?

[Víðir Benediktsson, 30.12.2009 kl. 15:17]

Jón minn, þú kaust þetta yfir þig og berð ábyrgð á þessu.