Það verður ekki persónukjör núna.

Auðvitað verður ekki persónukjör í sveitarstjórnarkosningum í vor.

Málið er fallið á tíma og svona mál á ekki að keyra í gegn órædd og óunnin af prinsipástæðum. Flestir flokkar eru farnir að tilkynna hátt sinn næsta vor og það eitt sýnir að málið er ekki á dagskrá hjá þeim sem eiga að bera hitann og þungann af þeim verkum.

Síðan er bullandi ágreiningur um frumvarpsdrögin þannig að mér er til efs að nokkur meirihluti sér fyrir málin á þingi eins og það liggur fyrir.

Kannski er það svolítið feimnismál hjá þingmönnum að viðurkenna að þeim líst ekkert á frumvarpið og þá hugmynd að reka prófkjörsbaráttu inn í kjörklefann. Kannski eru menn hræddir um eigin rass í þannig umhverfi og feimnir við að viðurkenna það.

Ég man ekki eftir því að nokkrur þingmaður hafi lýst stuðningi við málið eins og það liggur fyrir...en má vera að það hafi farið framhjá mér.

Ég átta mig ekki á umræðum þingmanna um að þetta mál sé enn í vinnslu og svara því ekki afdráttarlaust að þetta er fallið á tíma..... sem allir aðrir sjá og vita.

Er persónukjörið að falla á tíma í þinginu?

Athugasemdir

[Jón Halldór Guðmundsson, 30.11.2009 kl. 11:33]

Hárrétt.  Ég er ekki á móti persónukjöri, því það er framtíðin að auka val kjósenda. Það verður samt að gera á vandaðan hátt og með víðtækri samstöðu.

[Sævar Helgason, 30.11.2009 kl. 12:01]

Já. sitjandi þingmenn eru iðnir við að verja sín persónulegu hagsmunamál.  Persónukjör dregur úr öryggi þeirra til endurkjörs og röðunar á framboðslista. Hinn almenni kjósandi fengi alveg óbærilega ráðandi vald...

Í vor var því slegið upp að tíminn væri of naumur - frá þeim tíma verður ár liðið þegar "kosið" verður til sveitastjórna . Og enn er tíminn of naumur. Sennilega dugar eilífðin ekki til...Mjög margir ætla að sitja heima og kjósa ekki -verði óbreytt ástand og lýðræðið ekki aukið.  Fólk er að missa alla trú á þessu stjórnmálaliði- við sjáum sirkuslífið á Alþingi núna...