Leikskóladeild Sjálfstæðisflokksins leikur sér fram á nótt.

Í litla leikhúsinum við Austurvöll leikur stuttbuxnadeild Sjálfstæðisflokksins sér að þolinmæði þjóðarinnar. Eins og kemur víða fram í bloggheimum er fólki farið að blöskra þessi fíflagangur sem á sér stað í þingsölum.

Maður eiginlega er orðin úrkula vonar að þetta fólk sem þarna starfar...sérstaklega ákveðinn hluti stjórnarandstöðunnar með helstu sökudólga efnhagshrunsins í broddi fylkingar, höndli heilbrigða skynsemi.

Þetta er sorglegur og bjánalegur leikur sem maður sér eiga sér stað í þingsölum. Meðan Róm brennur leikur leikskóladeild Sjálfstæðisflokksins sér að fjöreggi þjóðarinnar og tefur endurreisinina með öllum ráðum.

Líklega eru þeir komnir að barmi taugaáfalls í skelfingu sinni um hvaða úrreið þeir og flokkur þeirra muni fá í skýrslu rannsóknarnefndarinnar í febrúar... í það minnsta er þeim ekki sjálfrátt.

Deildu um þingsköp

Athugasemdir

[Óðinn Þórisson, 29.11.2009 kl. 11:00]

Ég er að verða úrkula vonar að stjórnarþingmenn mæti í vinnuna.

[Hjörtur J. Guðmundsson, 29.11.2009 kl. 11:19]

Í hvaða aðstöðu ert þú, Jón Ingi, að tala fyrir hönd þjóðarinnar?

[Víðir Benediktsson, 29.11.2009 kl. 11:49]

Eitthvað held ég að þú sért að misskilja hugtakið "fjöregg þjóðarinnar" en sem betur fer er Jóhanna enn með á nótunum þegar rætt er um fjöreggið. Reyndar er þetta frá þeim tíma þegar Jóhanna var enn skynsöm og hafði vit á að hafa efasemdir en það er víst liðin tíð. http://www.althingi.is/johanna/pistlar/safn/000360.shtml

[Kristinn Pétursson, 29.11.2009 kl. 12:09]

Ekki stjórnar Sjálfstæðisflokkurinn dagskrá þingsins. Deilurnar snúast um forgangsröð málefna. Sjálfstæðisflokkurinn vill að Icesave málið víki og mikilvægari mál okkar komist að.

Icesave málið er í raun tæplega þingtækt - það ætti að vísa Icesave málinu í nýtt samningaferli með dagskrártillögu um að vísa málinu til Fjárlaganefndar með samþykkt um að hefja nýjar viðræður - og biðja Evu Joly að stjórna þeim viðræðum.

Eva Joly býr yfir sérþekkingu á við refsilögjöf í Evrópu og er því hæfasta manneskja sem við getum fengið - til að leiða samningaviðræður við Breta. 

Eva Joly getur bent Bretum á - í slíkum viðræðum -  hvaða refsilöggjöf þeir hafi brotið með beitingu hryðjuverkalaga á Íslensku þjóðina -í upphafi bankakreppu - og hvaða lög þeir séu að brjóta á okkur í alþjóðarétti með því að beita okkur kúgunum í neyðarstöðu....   reyna að kúga okkur til að láta þjóðþing okkar (Alþingi) samþykkja skuldbindingar sem við eigum ekki að samþykkja....

Ég skora á þig að ná um þetta þverpólitískri sátt - Icesave málið í þriðju viðræður um samning og leitað verði til Evu Joly til að  leiða viðræðurnar

[Haraldur Rafn Ingvason, 29.11.2009 kl. 13:11]

Það sem er sorglegast við þetta icesave mál er að farið er í viðræður með skottið milli lappanna og undir þeim formerkjum að ekki megi styggja ESB - því við ætlum að sækja um aðild og það sé svo svakaleg tímapressa á aðildarumsókn...

Öll samningsstaða er því gefin upp á bátinn, í tvígang, þrátt fyrir að forsendur kröfunnar um að við eigum að borga þetta allt séu í besta falli hæpnar!  Ótrúlegt!!!

Ég næ ekki upp í nef mér yfir þessum gengdarlausa pólitíska aumingjaskap sem hefur einkennt öll samskipti íslenskra stjórnvalda í garð erlendra stjórnvalda og stofnana (AGS) undanfarið ár. Út með allt þetta lið og inn með utanþingsstjórn.