Barnaleikur á Íslandi ?

"Erfiðleikarnir á Íslandi eru barnaleikur í samanburði við ástandið í Lettlandi, lætur aðalhagfræðingur bankans hafa eftir sér í norskum fjölmiðlum í dag.

Steinar Juel, aðalhagfræðingur Nordea, segir við norska blaðið Dagens Næringsliv, að samdrátturinn í Lettlandi sé gríðarlegur og einkaneysla hafi dregist saman um 40%. Þá standi yfir gríðarlegur niðurskurður á rekstri hins opinbera. Þá hafa laun opinberra starfsmanna lækkað að jafnaði um 36% á árinu." 

Ástandið á Íslandi er slæmt og við höfum gjarnan litið á landið sem fórnarlamb vondu karlanna í útlöndum. En þó það sem slær mann er hversu slæmt ástand er víða og ekki bundið við Ísland. Mikið atvinnuleysi er á Spáni...næstum 20% og mjög víða vel yfir 10%.

Samt rekur mann rogastans við að sjá þvílíkt ástand er í Eystrasaltsríkjunum og hversu veik staða þeirra þjóðfélaga í raun er eftir áratugi sem aðildarríki Sovétríkjanna.

Sérfræðingar á Norðurlöndum nefna Ísland til samanburðar og taka svo djúpt í árinni að kalla ástandið hér barnaleik miðað við það sem er td í Lettlandi. Einhverjir eiga eftir að kalla á torgum og mótmæla því eins og okkur er einum lagið.

Erum við kannski að væla umfram tilefni.. og svartnættisbölmóður sumra stjórnmálamanna sé búin að færa móral hér enn neðar en ástæða er til miðað við tilefni.?  Maður spyr sig ?

Ef til vill ættu menn að hugsa sig um og draga úr því að tala allt til andskotans hér.. ef til vill er staða okkar þannig að við náum að vinna okkur út úr þessu tiltölulega fljótt miðað við það sem aðrar þjóðir eiga við að glíma.

Það er auðveldara ef svartnættispólitíkusar draga úr neikvæðum málflutningi sínum.

Dökkt útlit í Lettlandi