Hvað var í gangi ?

Það liggur við að maður sé farinn að kvíða opinberun gagna rannsóknarnefndarinnar í febrúar næstkomandi.

Það líður vart dagur að ekki komi fram í fjölmiðlum fréttir af vægast sagt vafasamri iðju ýmissa fjármála og stjórnmálamanna á árum áður. Hvað gerðist eiginlega á árunum 2000 - 2007 ?

Maður fer að velta því fyrir sér hversu margir það verða sem dregnir verða fyrir dómstóla og látnir svara til saka. Miðað við afkastagetu dómstóla og rannsóknaraðila gæti þetta tekið áratug eða meir.

Og svo spyr maður enn og aftur... hvert er siðferðisstig íslendinga ? Það grátlega við þetta allt saman er, að þetta virðist hafa haldið áfram eftir hrun og nú þegar eru tugir svikamála í rannsókn þar sem fyrirtæki hafa verið að svindla á td. gjaldeyrislögum og samkvæmt því sem kom fram í fréttum í gær.... verið að svíkja landið og þjóðina á ósvífinn hátt.

Þarna á að birta nöfn fyrirtækjanna um leið og sök er sönnuð.

Það er víst best að búa sig undir mikil ótíðindi og trúnaðarbrest í febrúar... og er vart á bætandi.

Vísað til efnahagsbrotadeildar

Athugasemdir

[Sigurður Haraldsson, 7.11.2009 kl. 01:52]

Já það er rétt það á að birta nöfnin en hvað lengi á að bíða eftir því að sekt sé sönnuð þegar fréttir af þjófnaði eru á þá leið að um hundruð og þúsundir milljóna sé að ræða, í fávisku minni hélt ég að ef einhver stæli fyrir krónu þá er hann sekur og jafnvel kærður til lögreglu.