Hjalteyri í byrjun nóvember.

 

 

Veðurblíðan að undanförnu er yndisleg. Snjórinn sem féll í október er löngu farinn af láglendi og lítið eftir efst í fjöllum.

Kaldbakur er nánast auður og litirnir í sölnuðum gróðrinum á Hjalteyri er stórkostlegir... slær gylltum bjarma á sölnað grasið og skuggar sólar eru langir og ramma inn fegurðina á björtum nóvemberdegi.

 

Í dag fannst manni mikli frekar að það væri september...aðeins langir skuggar eftirmiðdagssólarinnar sýndu manni svo ekki verður um villst að það styttist í að sól fari að hækka á ný. Það var friðsælt á Hjalteyrinni í dag... sá ekki einn einasta mann á ferli og engir bílar trufluðu kyrrðina. Aðeins fáeinir sjórfuglar svifu um golunni. Reyndar sá ég einn skógarþröst sem skaust upp úr skurði og hvarf samstundis ofan í þann næsta. Kannski eru þrestirnir að taka sér vetrarsetu á Hjalteyrinni eins og hrossagaukurinn sem ég hitti í febrúar í vetur á Svalbarðseyrinni. Það er heita vatnið á báðum stöðum sem gefur góð skilyrði á völdum stöðum fyrir þá fugla sem vilja setjast að yfir veturinn.