Að skemmta skrattanum.

Mér hefur alltaf runnið til rifja þegar "verkalýðsforingjar" fara að deila innbyrðis eða á hverja aðra. Það var þannig í gamla daga að verkalýðshreyfingin stóð saman gegn vinnuveitendum og geymdu sína persónulegu hagsmuni til hliðar. Þó kom fyrir að einhver smákóngurinn vildi verða stór og þá stundum blossuðu upp hatramar deilur sem rötuðu fyrir augu og eyru landsmanna.

Núna virðist vera að erfiðleikar í samfélaginu verið til þess að persónulegar deildur skeki ASÍ. Það er leitt að sjá og gerir ekkert annað en veikja samtökin og draga úr samtakamætti.

Deilur í verkalýðshreyfingunni hafa þann eiginleika að verða persónulegar umfram margar aðrar deilur.

Ég held að verkalýðsforingjar ættu að takast á inni í samtökunum og leysa mál þar en veikja ekki hreyfinguna með því að opinbera að menn eru ekki samstíga. Þeir mega ekki gleyma því að þeir eru þarna ekki í eigin nafni ( þó sumir haldi það að manni sýnist ) heldur sem fulltrúar vinnandi fólks í heimabyggð og heimafélagi.

Það er bara að skemmta skrattanum að opinbera veikleika hreyfingarinnar með að bera vandræðin á torg.

Segir að ólíkar skoðanir séu bannaðar innan ASÍ

Athugasemdir

[corvus corax, 29.10.2009 kl. 08:03]

Verkalýðsforystan var, er og verður alltaf ónýt á meðan foringjarnir sjá ekkert nema eigin hagsmuni og vegtyllur. Stjórn verkalýðshreyfingarinnar er svona eins og smækkuð mynd af gamla Sovétinu, foringjarnir og tryggustu varðhundar þeirra hafa ægivald og öll forréttindi þótt þeir keyri ekki á sérstökum akreinum og versli í sérstökum búðum sem aðeins eru ætlaðar þeim útvöldu. Sauðsvartur pöpullinn í hreyfingunni er einskis verður í huga foringjanna nema til að borga tíundina svo þeir geti svallað áfram.

[Jón Snæbjörnsson, 29.10.2009 kl. 08:22]

sorglegt að þeir sem eiga að verja hagsmuni þeirra sem minns hafa gera það ekki ég er sammála No1

[Guðrún Hlín (IP-tala skráð) 29.10.2009 kl. 08:25]

Þegar fólk er farið að spyrja sig hvort það sé á fundi hjá samfylkingunni en eru þingfulltrúar ASÍ þá er forustan ekki að vinna að hagsmunum félagsmanna.En ég skil fullvel þína afstöðu í þessu máli,en verkafólk kemur úr öllum flokkum og eru ekki alltaf samála forustunni og það á fullan rétt á sér að hafa aðrar skoðanir en Samfylkingafólk.

[Jón Ingi Cæsarsson, 29.10.2009 kl. 08:51]

Verkalýðsforingjar eru kosnir  .. þeir eru ekki ráðnir til starfa eða taka sér störf... það er engum nema fólkinu sjálfu að kenna er þeir eru kosnir aftur og aftur ef þeir eru svona vonlausir.

[Axel Jóhann Hallgrímsson, 29.10.2009 kl. 09:28]

Ég get verið þér sammála Jón Ingi að best væri ef verkalýðshreyfingin væri laus við innbyrðis deilur.

En er öllu fórnandi fyrir fyrir friðinn? Það er himinn og haf á milli hagfræðingana í ASÍ  og hins almenna félagsmanns. Eftir að hagfræðingarnir ruddu sér braut innan ASÍ hefur það aðeins verið verkalýðnum fjötur um fót.

Það er verkalýðshreyfingunni til skammar og niðurlægingar að hafa valið mann eins og Gylfa Arnbjörnsson sér til forystu.

Það er okkur Samfylkingarfólki til minnkunnar að þessi verkalýðsliðleskja skuli koma úr okkar röðum. Í stað þess að kalla gagnrýnisraddir smákóngatilburði væri nær að sýna smá manndóm, standa upp og fjarlægja meinið í stað þess að verja það enda fátt um haldbærar varnir.

[Jón Ingi Cæsarsson, 29.10.2009 kl. 10:03]

ASÍ eru samtök verkalýðsfélaga og vald formanns ASÍ eru ekki meiri en einstök félög leyfa því þar liggur hið raunverulega vald .. fengið beint frá grasrótinni. ASÍ er orðið sérfræðingastofnun almennu verkalýðshreyfingarinnar og mig eiginlega undrar að eins mikið sé í þá stofnun vitnað eins og raun ber vitni.

[Jens Hjelm (IP-tala skráð) 29.10.2009 kl. 22:57]

Mig rekur minni til að þetta eigi að vera eitthvað á þessa leið ! Sameinaðir stöndum vér og sundraðir föllum vér..Mér finnst að þeir sem vilja kalla sig forkólfa og vera kosnir af fólkinu eigi að haga sér þannig líka en ekki láta eins og smákrakkar í sandkassa !