Afneitun og minnisglöp

" Höskuldur Þór kvaðst í ræðu sinni ósammála þeirri túlkun Steingríms J. Sigfússonar fjármálaráðherra að tengja mætti Icesave-málið við einkavæðingu banka."

Höskuldur er með, þrátt fyrir ungan aldur og nýliðaskírteini á þingi, haldinn gamla Framsóknarsyndróminu. Hann er með sömu minnisglöp og afneitunargen gömlu Framsóknarmannanna sem voru meðsekir í sukki og einkavæðingu Sjálfstæðisflokksins.

Hann afneitar þeirri augljósu staðreynd að hrun efnahagslífs á Íslandi megi rekja beint til einkavæðingar banka og einkavinavæðingar í framhaldi af því. S-hópurinn var skilgetið afkvæmi Framsóknarflokksins og Davíð Oddsson handvaldi Björgúlfana til athafna í Landsbanka.

Það er því nokkuð ljóst að minnisglöp og afneitun Framsóknarflokksins hafa gengið yfir landamærin og í nýja þingmenn sem höfðu tækifæri að búa til nýtt upphaf fyrir flokkinn.

Þess í stað falla þeir í þá gryfju að verja svínarí Framsóknarflokksins og glata tækifærinu sem kannski kemur aldrei aftur.

Það trúir enginn á nýtt upphaf þessa flokks þegar nýliðarnir verja fortíðina með oddi og egg.

Ekki hagstæðari samningur

Athugasemdir

[G. Valdimar Valdemarsson, 22.10.2009 kl. 14:54]

Það er alltaf sami strigakjafturinn á þér Jón og engin eru rökin .... er ekki best þegar menn eru jafn rökþrota og upphrópanir þínar eru til vitnis um að menn sitji á strák sínum kynni sér málin og komu svo tvíefldir til leiks þegar þeir hafa eitthvað til málanna að leggja annað en skítkast og dylgjur ?

[Jón Ingi Cæsarsson, 22.10.2009 kl. 15:56]

Hvað er rangt þarna... ágæti félagi ??

[G. Valdimar Valdemarsson, 22.10.2009 kl. 16:05]

Hvorki þú eða Steingrímur J hafa fært fyrir því rök að kenna megi einkavæðingu íslensku bankanna um fall alþjóða fjármálamarkaða.  

[Bjössi (IP-tala skráð) 22.10.2009 kl. 18:04]

Mér finnst það nú langsótt og léleg lumma að kenna þessum tveimur flokkum um athafnir eigenda bankanna.  Ef ég sel þér bíl, þú keyrir hann fullur og slasar einhvern - ætlarðu þá að kenna mér um það?  Þú hlytir að vera ábyrgur - jafnvel þó ég hefði selt þér bílinn á alltof lágu verði og aldrei fengið hann greiddan?  Eða ættum við kannski að skella skuldinni á bílasalann?:)