Einmana... eða ?

Mér finnst ég vera farinn að verða nokkuð einmana hérna á Moggablogginu að undanförnu. Mjög margir hafa horfið á braut og tekið land á öðrum svæðum.

Mér sýnist að hér sé orðið æði hátt hlutfall bloggara sem eiga sér allt aðra lífsýn en ég hef sjálfur og ótrúlega margir eru fylgismenn gamalla hagsmunaafla í þjóðfélaginu og eru nýlega orðin valdalaus.

Ég hef gaman að því að ná af stað fjörugri umræðu og það er auðsótt með að ýta á gömlu, viðkvæmu punktana hjá gæslumönnum gamalla Framsóknarhagsmunagæslu-gilda og Engeyjar-hægriöfga.

Hvort mér verður vært hér verður bara að koma í ljós og kannski slokkar bara á mér einn daginn vegna tækibilunar.

Athugasemdir

[Katrín Linda Óskarsdóttir, 13.10.2009 kl. 00:07]

Ekki skrítið :)

[Jón Halldór Guðmundsson, 13.10.2009 kl. 16:11]

Þetta fer að verða spurning um að blogga á Eyjunni eða Eyðieyjunni!