Af minni lánaþörf og kjánahrolli.

Gott er ef ekki þarf að taka þau öll þau lán sem við eigum loforð fyrir. Slíkt mun draga stórlega úr áætluðum vaxtakosnaði samfélagsins og gera það mögulegt að sleppa með minni skattlagningu og minni niðurskurð.

Maður skyldi ætla að ekki verði tekin meiri lán en þörf ér fyrir. Þetta eru því með jákvæðari fréttum lengi.

En sumir eru að ferðast um á jólasveinasleðanum sínum og vildu mæta til þjóðarinnar með 2000 milljarða til að sáldra niður um skorsteina landsmanna.

Stekkjastaur og Stúfur skruppu til Noregs og ætluðu að ná í milljarða í gjafapappír frá Norska Framsóknarflokkum og nú veltist þjáð þjóð um í hlátri... það er gott að gleðjast á erfiðum tímum og vonandi mun það sem Sigmundur Davíð og félagar gera fá aukið skemmtanagildi.... það er óneitanlega ánægjulegra en niðurrifstal og hávaði... hafi þeir þakkir fyrir það.

Eins og einn viðmælandi sagði í Silfrinu áðan... það setur að manni  " KJÁNAHROLL " og það er ekki eins gott.

Þarf ekki að taka öll lánin