Mun ýta málum af stað.

Ákvörðun iðnaðarráðherra er góð. Hún tryggir að mál á svæðinu fara að hreyfast. Alcoa hefur haft málið í gíslingu og engir aðrir geta komist að til að hefja rannsóknir eða koma hjólum af stað.

Þessi ákvörðun setur allt málið á hreyfingu, Alcoa veit að þeir verða að bregðast við og taka ákvarðanir en geta ekki beðið með það árum saman eins og einkaréttur þeirra til mála tryggði.

Sveitarfélög og fyrirtæki eru í bullandi vandræðum af því Alcoa hefur sett mál í frost og því eru allir sem hafa lagt fjármuni í orkurannsóknir og annað komir í mikil vandræði því lán sem tekin hafa verið hafa hækkað úr öllu valdi og eru ekki að skila neinum tekjum enn og hætt við að langt væri í það fái engir að keppa um orkuna á jafnréttisgrundvelli.

Það er aðeins verið að afnema einkaleyfi Alcoa af orkunni á svæðinu en þeir hafa eftir sem áður alla möguleika á að keppa við aðra á jafnréttisgrundvelli en verða nú að bregðast við ef þeir vilja tryggja sig áfram.

Vill fund í iðnaðarnefnd

Athugasemdir

[Jóhann Elíasson, 28.9.2009 kl. 12:16]

Það fer ekkert á milli mála hvar þú ert staddur í pólitíkinni, þetta er einhver langsóttasta söguskýring sem ég hef nokkurn tíma séð.  Þú gengur álíka langt í að verja "vitleysuna" og Hannes Hólmsteinn og þá er nú langt gengið.

[Jón Ingi Cæsarsson, 28.9.2009 kl. 12:52]

Veit örugglega jafn mikið um þetta og þú Jóhann

[Jóhann Elíasson, 28.9.2009 kl. 13:05]

Ég efast ekki um vitneskju þína í þessum málum en hins vegar efast ég um GETU þína til að VINNA ÚR þessari vitneskju þinni.

[Ágúst J. (IP-tala skráð) 28.9.2009 kl. 13:25]

Það er nú ekki lengra síðan í fyrir síðustu kosningar að frambjóðendur Samfylkingarinnar í NA voru nú á öðru máli en þú nú.   Þið ætlið að láta VG hafa völdin og eru ugglaust stoltir af.  Eins  er það með Vaðlaheiðargöngin !

Legg til að þið stofnið Eyðibýlastofnun og setjið Álfheiði Ingadóttur yfir hana ?  Markmiðið með slíkri stofnun yrði að eyða byggð ofanjarðar á landsbyggðinni....