Það var ekki mikið.

Fjallið tók jóðsótt og fæddist lítil mús.

"Fundin hafa verið tímabundin störf fyrir á fimmta tug Íslendinga í Manitoba í Kanada samkvæmt nýjum samningi sem stjórnvöld í fylkinu gerðu við íslensk stjórnvöld eftir efnahagshrunið. Ólíklegt er talið að Íslendingarnir geti hafið störf fyrr en á næsta ári. "

Að þetta skuli vera niðurstaða af samningi við ríki í risaríkinu Kanada er eiginlega broslega sorglegt. Að það skuli finnast fáein störf sem eru hér og þar í hinu og þessu sýnir ekki mikinn vilja til verka.

Og í þokkabót er svo þröng aðkoman að Kanada og erfitt að fá atvinnuleyfi að ég held að þetta verði lítið annað en frétt í blaði og muni engu máli skipta...því miður.

Störf fyrir 43 fundin í Kanada

Athugasemdir

[Jón Snæbjörnsson, 16.9.2009 kl. 08:51]

inngangurinn segir þetta allt: Fjallið tók jóðsótt og fæddist lítil mús

[Benedikt V. Warén, 16.9.2009 kl. 11:49]

Menn skildu ekki gera lítið úr þessu.  Með því að fá 43 störf, er verið að framfleyta um 159 manns, en skv. meðaltali á Íslandi er 3.7 manns í hverri fjölskyldu. 

Mjór er mikils vísir.

Ég segi nú bara, - félagi líttu þér nær.  Hvað er verið að skapa mörg störf á Íslandi í dag??  Atvinnuleysið nú er 14.633 manns.

Það er ekki nóg að vita af Jóhönnu í vinnunni sinni.  Spurningin er, - er hún að gera þar eitthvað af viti??

[Jón Ingi Cæsarsson, 16.9.2009 kl. 12:27]

Geri ekki lítið úr þessu...þetta eru bara vonbrigði...auk þess sem þetta verður í fyrsta lagi á næsta ári... kannski aldrei.... Kanadamenn munu allaf sitja fyrir samkvæmt vinnureglu þeirra og því munu menn aðeins fá illa launuð ... óvinsæl störf ef þá nokkur.