Sjálfstæðismenn hafa bara þvælst fyrir.

Illugi Gunnarsson er sennilega ekki á þingi. Ef hann væri þar hefði hann orðið vitni að því að Sjálfstæðismenn hafa gert sitt besta til að þvælast fyrir og tefja mál út í eitt.

En ef nú á að verða breyting á er það gott. Að Illugi skuli átta sig á að hlutir hefðu mátt ganga hraðar fyrir sig hefði hann ef til vill átt að beita sér fyrir meiri ábyrgð og meiri hraða við afgreiðslu Icesave. Að vísu var hann ekki við og kallaði ekki til varamann þannig að honum hefur sennilega þótt þetta heldur ómerkilegt mál og skipti litlu.

En batnandi flokki best að lifa.

 

Illugi: Grípa hefði átt til aðgerða fyrr

Athugasemdir

[Hjörtur J. Guðmundsson, 6.9.2009 kl. 20:36]

Já, þeir sem hafa aðra skoðun á málunum en ríkisstjórnin eru bara að þvælast fyrir. Þú yrðir kannski bara ánægðastur ef það tækist endanlega að breyta landinu í vinstrisinnað alræðisríki þar sem öll stjórnarandstaða væri bönnuð. Enda er hún bara að þvælast fyrir.

[Jón Ingi Cæsarsson, 6.9.2009 kl. 20:40]

Það hafa engar tillögur komið um einstök mál frá Sjálfstæðisflokknum... það er að þvælast fyrir.. Flokkurinn hefur fyrst og fremst hagað málflutingi sínum og gjörðum með þeim hætti að þjóna flokkshagsmunum...en ekki þjóðar.

[Gísli Baldvinsson (IP-tala skráð) 6.9.2009 kl. 21:01]

Þetta er lýðræðið, Hjörtur. Líkt og þú gefur ekki kost á athugasemdum. Skil það stundum.

[AK-72, 6.9.2009 kl. 21:05]

Hermdarverkasamtök hafa þann leiða ávana á að flækjast fyrir og gera þjóðum lífið leitt. Það sama á við um Sjálfstæðisflokkinn.

[Jón Ingi Cæsarsson, 6.9.2009 kl. 21:08]

Þeir sem ekki gefa kost á lýðræðislegri umræðu á síðunum sínum eru svolítið sorglegir... rétt er það Gísli.

En það er í sjálfu sér lýðræðislegur réttur að þvælast fyrir...það er rétt, en svo er annað mál með skynsemina að baki þess.

[Víðir Benediktsson, 6.9.2009 kl. 21:31]

Hvaða væl er þetta eiginlega? Á nú að kenna stjórnarandstöðunni um hæga og seinaganginn hjá ríkisstjórninni? Er ekki meirihlutastjórn við völd? Hefur hún við einhvern annan að sakast en sjálfan sig ef vinnubrögðin eru eitthvað slæleg?

[Theódór Norðkvist, 6.9.2009 kl. 22:33]

Það er móðgun við allt velsæmi að maður sem kostaði skattgreiðendur 11 milljarða vegna Sjóðs 9 skuli sitja á þingi. Það er móðgun við sjónvarpsáhorfendur að Egill skuli draga þann sama mann í þáttinn hjá sér.