Vonandi fer að draga úr sleggjudómum.

Það sem hefur einkennt umræðuna hér frá bankahruni eru sleggjudómar, hræðsluáróður, tortryggni og hreinar rangfærslur.

Nú er rykið farið að setjast og fordómaminni umræða að hefjast. Að vísu sér maður að sumum bloggurum sem hafa vanið sig á að tortryggja allt sem sagt er og mála skrattann á vegginn í flestum málum líka ekki að umræðan sé að fara í yfirvegaðan, skynsamlegan farveg. Þeir halda áfram að reyna að draga niður anda og efni með neikvæðni, sleggjudómum og endalausum niðurrifsskrifum....

En þetta fer minnkandi og æ fleiri bloggarar eru tilbúnir að horfa á málin af meiri yfirvegun ef fram að þessu. Mörgum mun örugglega líka illa að einhver ábyrgur sem þekkir mál segir AGS sanngjarnan. Það er óþægilegt fyrir þá sem hæst hafa kallað og rifið niður sjálfa sig og aðra með neikvæðum skrifum og tortryggni.

Við Íslendingar hefðum gott af því að hafa trú á einhverju og ekki síst sjálfum okkur og dugnaði þjóðarinnar... það væri góð tilbreyting frá öllu uppgjafarrausinu síðustu mánuði.

Segir AGS standa sig betur hér