Að brjóta brodd af oflæti sínu.

Nú er að sjá hvort InDefencehópurinn getur brotið odd af oflæti sínu. Sigmundur Davíð einn af talsmönnum þessa rauðvínsklúbbs frá Oxford gat það ekki og málaði sig út í horn með ofstækisfullum yfirlýsingum og neikvæðni.

Nú er að sjá hver ítök hans og Framsóknarflokksins eru í þessu stjórnarandstöðuhópi sem hefur sveipað um sig dulargerfi og þykist annað en hann er.

Ég yrði hissa ef frá þessum framsóknartengda hópi kæmi eitthvað jákvætt um niðurstöðu meirihluta fjárlaganefndar. En lengi má manninn reyna.

InDefence mun gaumgæfa málið

Athugasemdir

[sr (IP-tala skráð) 15.8.2009 kl. 23:50]

Kræst maður, reyndu að fylgjast með. FLokkseigendur FLokksins hafa ákveðið að þetta sé ásættanlegt, Simmi og hinr grænu dúddarnir hafa verið skildir eftir í skítnum. Get with the program fcol.

[Jón Ingi Cæsarsson, 16.8.2009 kl. 00:01]

Nú er að sjá hvort Oxfordararnir eru meira tengdir inn í Sjálfstæðisflokkinn eða Framsókn... það hefur lyktað meira að framsókn fram að þessu... bíð spenntur.,

[Ína (IP-tala skráð) 16.8.2009 kl. 00:23]

Akkúrat það sem var verið að ræða um í mínum hóp í kvöld. Það eru margir spenntir að vita hvaða öfl leiða þennan hóp, grænir eða bláir ?

Held að sumir hafi veðjað.....

[Einar Björn Bjarnason, 16.8.2009 kl. 01:00]

Þessi niðurstaða er ekki gallalaus.

Ekki settu þeir fyrirvara gagnvart ákvæðinu, sem kveður á um að hægt sé að gjaldfella lánið, ef við lendum í vandræðum með óskyld lán.

Að mínu mati, hættulegasta ákvæðið, ásamt ákvæðinu um "sovereignty waiver".

Að vísu, er þarna ákvæði um endurskoðun, sem er mikið bætt frá því gangslausa ákvæði, sem er í samingnum, sem ef til vill er nægilega sterkt til að redda þessu máli fyrir horn.

---------------------------------

Annars var mikil kaldhæðni í því að hlusta á málflutnin, forsætis- og fjármálaráðherra, þegar þau mærðu niðurstöðuna.

Nú á það að vera allt gleymt, að þau í upphafi mærðu samninginn, án fyrirvara. Að þau börðust lengi, um hæl og hnakka, gegn því að einhverjar athugasemdir væru gerðar.

<Hiski>

Kv.

Kv.

[Ólafur Elíasson (IP-tala skráð) 16.8.2009 kl. 01:56]

Sæll Jón Ingi. Ég heiti Ólafur Elíasson og er meðlimur í hinum svokallaða indefence hópi. Mér sárna þessar fullyrðingar þínar um að ég og aðrir félagar í hópnum séum á mála hjá framsóknarflokknum. Þær eru ómálefnalegar og ekki rökstuddar. Mér vitandi er aðeins einn meðlimur í hópnum yfirlýstur framsóknarmaður en við höfum innanborðs aðila úr öllum flokkum og engum flokkum. Satt að segja hef ég enga hugmynd hvar margir þeirra sem ég hef unnið með í þessum hópi eru staddir í pólitík. Okkar starf að undanförnu hefur fyrst og fremst snúist um það að fá icesave samninginn og fylgiskjöl hans upp á yfirborðið og stuðla að málefnanlegri og upplýstri umræðu um þetta mál sem snertir okkur öll. Ekki gleyma því að áður en við fórum að taka þátt í umræðunni stóð ekki einu sinni til að sýna þingmönnum okkar samninginn heldur átti bara að skrifa undir. Við höfum einnig lagt á það áherslu að verja hagsmuni íslands með því að kynna sjónarmið íslendinga í erlendum fjölmiðlum. Ef þú vilt fá hugmynd um starf okkar á þeim vettvangi hvet ég þig til að líta á eftrifarandi greinasafn í erlendum fjölmiðlum sem má að miklum hluta rekja til okkar baráttu: http://indefence.is/Greinar-og-hlekkir Kær kveðja. Ólafur Elíasson