Ábyrga afgreiðslu og leysa mál .. takk fyrir.

Icesavemálið er eitt erfiðasta mál sem íslenskir stjórnmálamenn hafa glímt við frá upphafi vega. Þetta mál er fylgifiskur hrunsins mikla og ekki á ábyrgð íslensks almennings.

Ábyrgðin liggur samt sem áður hjá Íslandi sem þjóðríki því bankarnir og menn þeir sem þeim stýrðu og áttu, voru að vinna samkvæmt lögum og reglum sem Ísland hefur undirgengist og voru ástæða þess að íslendingar gátu farið í útrás með banka og fjármálastarfssemi sem svo endaði með hörmungum.

Það er líka staðreynd að Ísland lofaði að standa við þessar skuldbindingar í haust og vetur sem leið og það var lykillinn að þeim undirbúningi að uppbyggingu sem hófst fljótlega eftir hrun. Eftir þessu hefur verið unnið undanfarna mánuði.

En því miður hafa allt of margir stjórnmálamenn gert sig seka um óábyrgan málflutning í þessu máli og notað það til að afla sér vinsælda með með málflutningi og afstöðu sem er ekki til neins annars fallin er rýra álit á okkur erlendis sem þjóð og hefur skaðað okkur enn frekar í augum umheimsins en orðið var. Málflutingur þeirra hefur aðeins aukið þá vantrú á Íslandi og íslendingum að þeir séu ekki menn orða sinna og ætli ekki að standa við skuldbindingar sínar. Því verður að linna.

Icesavemálið er hörmungamál. Það leysist ekki þó sumir stjórnmálamenn notið það til að afla sér vinsælda og aukins fylgis af því þeir telja sig ekki þurfa að axla ábyrgð. Þingmenn voru kosnir til að koma okkur út úr þessum öldudal og það á að vera stærsta verkefni þeirra á næstu mánuðu.

Það er því einlæg bón mín og líklega allrar þjóðarinnar að þeir leggi á hilluna flokkspólitíska loddarleiki og þeir snúi sér að alvöru málsins .

Nú er ekki tími vinsældaveiðna eða tími flokkshagsmuna. Nú eruð þið að vinna fyrir land og þjóð, börnin okkar og barnabörn. Þess vegna eigið þið að vera ábyrgir, horfast í augu við staðreyndir og færa okkur og landið okkar fram veginn.

Reynt að ná breiðri samstöðu

Athugasemdir

[Víðir Benediktsson, 8.8.2009 kl. 10:13]

He he. Ætlar þú þá að hætta að tala illa um Framsón og Sjálfsstæðisflokkinn nú eða Borgarahreyfinguna? Á eftir að sjá það.

[Jón Ingi Cæsarsson, 8.8.2009 kl. 10:22]

Ég er að tala um þingmenn en ekki flokka...

[Víðir Benediktsson, 8.8.2009 kl. 10:27]

 He. Ætlar þú þá að hætta að tala illa um framsóknarmenn, sjálfsstæðismenn og þingmenn Borgarahreyfingarinnar??

[Jón Ingi Cæsarsson, 8.8.2009 kl. 10:32]

Víðir minn... það er líklega með þig eins og allt of marga þingmenn þegar kemur að Icesavemálinu... þeir skilja ekki að við eigum ekki val þó svo við svo gjarnan hefðum viljað það. ÉG tala ekki illa um fólk  persónulega, en ég gagnrýni vonda afstöðu og óábyrgan málflutning og hef hugsað mér að halda því áfram ef ekki linnir.

[Óðinn Þórisson, 8.8.2009 kl. 14:11]

Þegar vinstrisjórnin tók við þá var skipt um samninganefnd.

Ekkert samráð var haft við stórnarandstöðuna um þennan Icesave samning sem búið er að skrifa undir.

Steingrímur Joð sagði á alþingi að aðeins væru könnunarviðræður væru í gangi - 2 dögum síðar var búið að skrifa undir .

Þessi Icesave samningur er alfarið á ábyrgð SF og VG - það er klárt mál - en eins og ég hef sagt hér áður er lítið annað fyrir þingmenn að gera en að staðfesta ríkisábyrgð á Icesave - því miður

[Jón Ingi Cæsarsson, 9.8.2009 kl. 00:47]

Óðinn... það er eimitt þetta tuð sem við þurfum að losna við og klára málin... og um það virðumst við sammála.