Dýrðardagar "sérfræðinganna"

Það líður ekki sá dagur að sett séu fram álit og skoðanir á hinum ýmsu málum.

Oftast verður atburðarásin þannig að upp rísa hópar sjálfskipaðra sérfræðinga sem rífa niður flest álit og skoðanir sem sett eru fram.

Þar bylur hvað hæst í "sérfræðingunum" Þór Saari, Sigmundi Davíð og Bjarna Ben, sem alltaf vita betur en aðrir hvað er í gangi og hvernig fer.

Næsti fasi er að í næstu bylgju koma sérfræðingar, oft frá Háskólanum og víðar og draga úr eða hafna skoðunum áðurnefndra sérfræðinga og fylgisveina þeirra. Ens og t.d. í þessari frétt segir Friðrk Már Baldursson prófessor í hagfræði að umræðan um umsögn  Seðlabankans sé á villigötum og spáin eðlileg.

Hvernig á almenningur í landinu að átta sig á sannleikanum þegar berast nokkur stykki mísvísandi álit á hverju einasta máli.

Það er ekki undarlegt þótt þingmenn á hinu háa Alþingi snúist í hringi og viti ekki í hvorn fótinn þeir eiga að stíga.... svo ég tali nú ekki um almenning í landinu.

Hraður vöxtur eftir kreppu