Ánægður með Atlantsolíu.

Ég er viðskiptavinur Atlantsolíu. Daginn góða þegar hækkanir urðu hjá flestum olíufélögum hikuðu þeir og ég fyllti á bílinn minn á "gamla verðinu" næsta morgun.

Nú er ég að fá skýringar á þessu hiki... "Hugi Hreiðarsson, forstöðumaður kynningar- og markaðsmála hjá Atlantsolíu, gagnrýnir misvísandi upplýsingar sem félagið fékk í aðdraganda lagabreytinganna frá yfirvöldum: „Mín persónulega skoðun er sú að betur hefði mátt standa að þessum breytingum og komast hjá því að valda þessum óþægindum:"

Í morgun heyrði ég á Ruv að Atlantsolína ætlað að senda mér til baka þann mismun sem innheimtur var með ólögmætum hætti á tímabili. Það er allt önnur vinnubrögð en hjá flestum hinna þar sem þau ætla annað hvort ekki að gera það, þá með að setja sig í sjálfskipaðar stellingar og gefa annarra manna fé til líknarmála sem mér finnst afar vafasamt, eða þá viðkomandi þarf að framvísa kvittunum til að fá viðkomandi endurgreiðslu.

Ég er greinilega á góðum stað í viðskiptum þar sem neytandinn og viðskiptamaðurinn er virtur, en mál ekki leyst á forsendum olíufélaganna sem því miður eru allt of oft í fjölmiðlum og umræðunni vegna vafasamra viðskiptahátta.

Takk fyrir Atlantsolía.

Samkeppniseftirlitið vill svör um verðbreytingarnar