Ekki of mörg egg í sömu körfu.

Ál er eins og annar hrávöruiðnaður sveiflukenndur. Framboð og eftirspurn verða að haldast í hendur til að verð sé ástættanlegt. Margir hafa gagnrýnt einsýna uppbyggingu atvinnulífs á Íslandi með því að stara allt of grimmt á ál sem alsherjar og framtíðarlausn fyrir íslenskan efnahag.

Það hefur sannast nú að þeir sem þannig hafa talað hafa rétt fyrir sér. Álverð hefur hríðfallið og álfyrirtækin farin að loka verksmiðjum. Álið er því engin stórisannleikur fyrir framtíð okkar frekar en fiskeldi, loðdýrarækt eða annað slíkt sem einsýnir stjórnmálamenn síðustu áratuga hafa fest hugsun sína í.

Framsóknarflokkurinn er sennilega sá flokkur sem mesta trú hafði á að álið væri okkar framtíð og voru tilbúnir að veðja allri orku og efnhag okkar á þá einu framleiðsluuppbyggingu.

Þessi niðursveifla á þeim mörkuðum og ekki sér fyrir endan á ætti að segja okkar ráðamönnum að eyða ekki allri sinni orku og orku landsins í að veðja á álhestinn.

Vanda verður uppbyggingu iðnaðar á Íslandi og alls ekki treysta um of á ál og álframleiðslu.

Getum ekki treyst á álið

Athugasemdir

[Sævar Helgason, 12.12.2008 kl. 09:53]

Eftir tæpra fjögurra áratuga viðveru í áliðnaðinum - staðsettur í efti lögum starfseminnar- þá er þekkingin og reynslan af þessu hávöruiðnað orðin veruleg.

Milklar sveiflur einkenna þennan iðnað - lægst man ég álverð um 1000 USD/áltonn en hæst 3500 USD.  Okkar raforkusala er tengd álverði. Kárahnjúkar eru ákvarðaðir með um 1550 USD/tonn af framleiddu áli . Nú er álverð komið í 1500 UDS og á eftir að falla mikið neðar í ljósi þeirrar heimskreppu sem er að renna í hlað. Enginn veit tímalengd þeirra kreppu.

Á meðan við vorum með eitt lítið álver í Straumsvík skiptu svona verðsveiflur ekki mjög miklu máli , þó slæmar væru. En núna í dag þegar við erum að framleiða um um 800 þús.áltonn/ári er málið komið í allt aðra stærðargráðu fyrir þjóðarbúið, einkum vegna mikilla skulda vegna tveggja nýjustu álveranna - Norðurál og Kárahnjúka.  Versta álkreppan í Evrópu var á árunum 1984-1988 Þá lagðist frumvinnsla eins og hjá okkur af að miklu leiti í Evrópu. Það munaði mjög litlu þá að álverinu í Straumsvík yrði endanlega lokað og áliðnaði á Íslandi hætt. Í svona kreppum byrja birgðir að hrannast upp- dregið er úr framleiðslu-fólki fækkað og allt viðhald dregið saman- Menn halda sjó. Sumir loka-hætta.

Bent hefur verið á þá gríðarlegu áhættu að vera með öll okkar orkusöluegg í einni körfu- álkörfunni í stað þessa að dreifa áhættinni. Það er hart að á þannig aðvaranir er ekkert hlustað meðan vel gengur- Nú bætast afborganir af þessum nýju virkjunum á herðar okkar skattgreiðenda af fullum þunga- ofaná bankahrunsskuldirnar....   Það eru erfiðir tímar.

[Haraldur Bjarnason, 12.12.2008 kl. 10:13]

Sammála Jón Ingi. Þót stóriðjan ál og járnblendi sé góðra gjalda verð þá eigum við að horfa líka í aðrar átti. Ég held að matvælaframleiðsla sé framtíðin, bæði til lands og sjávar. Nú þurfum við að efla hana en þar skortir skilning hjá ríkisvaldinu. Þegar við verðum komin í ESB opnast okkur margar leiðir með okkar matvöru og ég er viss um að það er framtíðin. Fiskurinn hefur fyrir löngu skipað okkur sess í þessum efnum og landbúnaðarvörurnar eru á góðri leið. Notum svo orkuna í að knýja gagnaver og eitthvað álíka.

[Geirharður Bryjólfsson (IP-tala skráð) 12.12.2008 kl. 10:23]

Þú segir það, Jón Ingi.  Hvaða atvinnustefnu hefur Samfylkingin?  Jú, eina.  Að ganga í ESB.  Þá heldur Samfó að það eitt þýði eilífa efnahagslega alsælu hér á landi.

Mér finnst nú Samfylkingin ekki vera burðug í sinni atvinnusköpunarpólitík.  Þetta er bara tómt gaspur hjá ykkur.  Einna helst að Össur hafi verið duglegur að flytja út störf til þróunarland.  

Svo má ekki gleyma þeirri stefnu Samfylkingarinnar og hafa sem flest störf á Suð-Vesturhorninu.  Eitt dæmi um það að öll yfirstjórn svokallaðs Vatnajökulsþjóðgarðs er jú, og hvar haldið þið?  Í Reykjvík, auðvitað.  Já, nákvæmlega, í Umhverfisráðuneytinu, í staðinn fyrir að hafa yfirstjórnina heima í héraði, í sjálfum þjóðgarðinum.

[Jón Ingi Cæsarsson, 12.12.2008 kl. 11:54]

Geirharður .... þú einfaldar mál nokkuð en þú hefur það eins og þú vilt... ég reikna ekki með að þýði nokkuð að reyna leiðrétta ragnfærslurnar hjá þér