Katrín var oftúlkuð.

Það varð heilmikill titringur þegar laganeminn Katrín Oddsdóttir hvatti til valdbeitingar og byltingar á Íslandi. Skólafélagar hennar risu öndverðir ... sumir og deilur urðu innan Háskólans í Reykjavík.

Það er svo sem ekkert undarlegt því það er ekki á hverjum degi sem fólk hvetur til valdbeitingar og byltingar á Íslandi. Það voru helst herstöðvarandstæðingar og maóistar í gamla daga.

Hin geðþekka Katrín mætti í Silfrið í dag og leiðrétti þennan misskilning sem margir... þar með taldir fjölmiðlar og skólafélagar hennar lögðu í ræðuna. Hún segist ekki hafa verið að hvetja til blóðugrar byltingar eins og orð hennar voru túlkuð.

Hún vill byltingu hugarfarsins og þar er ég innilega sammála henni þó svo okkur ef til vill greini á um leiðir... en það er smámál.. Stóra málið í íslensku þjóðfélagi í dag er bylting hugarfarsins.

Látum að græðgi, ágirni, fjármálaóreiðu, neikvæðni ... í þess stað .. stöndum saman um lausnir til framtíðar á friðsamlegan og uppbyggilegan hátt.

Katrín: Vill hvetja til hugarfarsbyltingar