Björn Valur vinstri grænn styður leynimakk ?

Athyglisvert að sjá að varaþingmaður Vinstri grænna vill að fjölmiðlar þegi yfir fréttum sem þeim ákotnast. Það er áhugaverð grein á bloggsíðunni hans þar sem hann telur fjölmiðla átt að þegja yfir tölvupóstum Bjarna framsóknarmanns þar sem hann ætlaði að stinga varaformann sinn í bakið úr launsátri.

Kannski er þetta svolítið í anda ritskoðunarhugmynda formanns hans og hafa komið fram á stundum í gegnum árin.

Maður fær stundum á tilfinninguna að Kremlarlógían sé ekki víðsfjarri sumum þing og varaþingmanna vinstri grænna.

 Smá "copy paste" frá Birni Val.

Þarna finnst mér fjölmiðlar hafa brotið gegn almennum reglum um meðferð tölvupósts og jafnvel gegn landslögum um sama mál. Mega menn þá alltaf búast við því að verði þeim á þau mistök að senda óvart viðkvæman póst til fjölmiðla að hann verði birtur ef fjölmiðlum hentar svo? Eru fjölmiðlar með einhverja undanþágu frá lögum um meðferð persónuupplýsinga? Helgar tilgangurinn alltaf meðalið?

Athugasemdir

[Jón Halldór Guðmundsson, 13.11.2008 kl. 00:16]

Ja, ég hallast nú að því að Björn Valur hafi nokkuð til síns máls.

Hitt er svo allt annað mál að Bjarni Harðarson er skemmtilegur maður og fljótfær og vel að sér í Íslendingasögunum.

 Hann hefur til dæmis bent á að Gunnar á Hlíðarenda var dvergur, heyrnarsljór og kunni lítt til hestamennsku.

En það er allt önnur saga.