Hin kalda krumla Davíðs að missa tökin.

Mér sýnist að sumir ráðamenn innan Sjálfstæðisflokksins séu að losna undan ægivaldi Davíðs Oddssonar. Frá því hann mælti þau fleygu orð hér um árið að aðild eða aðildarviðræður varðandi ESB væru ekki á dagskrá hefur það verið þannig innan þess flokks.

Jafnvel þó hann væri hættur sem formaður hefur enginn ráðamaður þar þorað að hafa á því sjálfstæða skoðun fyrir sig að málið væri á dagskrá. Núverandi formaður flokksins er því miður eins og endurupptekinn geisladiskur af gamla formanninum. Þar hefur Geir valdið mögum vonbrigðum.

En með varaformanninum, hinni kratauppöldu Þorgerði Katrínu, kveður við annan tón. Ég held samt að margir innan flokksins séu á þessari skoðun sem Þorgerður hefur nú kynnt fyrir sig, en þora bara ekki að segja það.

Mín skoðun er að hin kalda krumla Davíðs sé að missa tökin enda stefnir flokkurinn lóðbeint niður í könnunum og enginn þorir að taka af skarið á þeim bænum endar þetta með skelfingu hjá þeim.

Tilbúin að endurskoða afstöðu

Athugasemdir

[Þórhildur Helga Þorleifsdóttir, 2.11.2008 kl. 22:51]

Enda  nokkuð ljóst að Dabbi verður að víkja ef að sjallarnir vilja halda stjórnarsamstarfinu áfram !!   Spennandi næstu dagar.....

[Guðbjörn Guðbjörnsson, 2.11.2008 kl. 22:52]

Þorgerður Katrín var flott að venju og sagði það sem segja þurfti!

Auðvitað hafa ófarir flokksins að undanförnu með það að gera að margir sjálfstæðismenn hafa snúið við bakinu vegna afstöðu hans til ESB aðildar.

Nú þegar hafa margir sjálfstæðismenn lýst því yfir að þeir styðji ESB aðild og þeim mun fjölga á næstu vikum.