Óábyrgar yfirlýsingar.

Hvað gengur útvegsmönnum til að koma með slíkar yfirlýsingar ? Það má svo sem fallast á að veiða hrefnu í takmörkuðum mæli fyrir innanlandsmarkað. En halda til streytu áherslum á veiðar langreyðar er nánast kjánalegt ef ekki bjánalegt.

Eins og sumir muna veiddi Hvalur hf nokkur dýr fyrir tveimur árum síðan. Það var gert með ærnum tilkostnaði og fyrirhöfn. Kjötið lá síðan í geymslum hér í eitt og hálft ár og síðan fréttist að seinni hluta nýliðins sumars hefði þessu kjöti verði laumað til Japans í skjóli myrkurs. Þar fengust síðan ekki leyfi fyrir þeim innflutningi.

Hvað orðið hefur af því kjöti veit enginn. Það var kannski upplýst á þessu fundi úvegsmanna sem vildi halda slíkum veiðum áfram. Til hvers veit ég ekki. Hverjir eiga að fjármagna þær veiðar og ætla að kaupa kjötið veit ég ekki heldur og útvegsmenn örugglega ekki heldur.

Hvenær ætla menn að hætta að láta Kristján Loftsson draga sig á asnaeyrunum ?

Vilja áframhaldandi hvalveiðar

Athugasemdir

[Æsir (IP-tala skráð) 31.10.2008 kl. 22:32]

Þjóðnýtum Sjávarútveginn Strax

Kveðja

[Víðir Benediktsson, 1.11.2008 kl. 00:27]

Sæll. Á ekki að standa Kristján Loftsson?

[Jón Á Grétarsson, 1.11.2008 kl. 00:41]

Hreinn Loftsson? 

Vankunnátta og vanþekking virðist stýra pikkinu hérna.

[Axel Þór Kolbeinsson, 1.11.2008 kl. 00:55]

Afhverju sá ég aldrei langreyð í Bónus?  Þetta var eldað fyrir mig vikulega þegar ég var krakki (og nú er ég ekki gamall).  Langreyður var kjöt fyrir lágstéttarfólk fram á byrjun níunda áratugs, hrefna meir fyrir þá sem höfðu það betra.  Ef ég sæi meiri hval, hvaða tegund sem það væri, myndi ég kaupa meira.  Hvalkjöt sést bara aldrei í Bónus og það er eina verslunin í mínu bæjarfélagi.

[Jón Ingi Cæsarsson, 1.11.2008 kl. 13:33]

Vankunnátta er það ekki... kæri Jón... bara flýtimeðferða í pikkinu...ég á mörg blogg um Kristján Loftsson og tök hans á sjálfstæðisráðherrum. Hinn Loftsson er svo sem ágætur líka en langt síðan hann sagði skilið við valdastofnanir Sjálfstæðisflokksins.

 Takk Víðir... gott að eiga þig að

[Jón Á Grétarsson, 1.11.2008 kl. 17:33]

Afsakaðu nafni, þetta var óábyrgt af minni hendi.

[Ólafur Gunnarsson, 2.11.2008 kl. 22:33]

Axel Þór, málið er einfaldlega það að þessar fáu Hrefnur sem veiddar eru seljast nánast af hnífsblaðinu og ekki talin ástæða til að dreifa afurðinni með tilfallandi kostnaði.Og svo samkvæmt þeim upplýsingum sem ég hef þá var það Sandreyður sem fór til manneldis og hvalkjöt hefur aldrei verið flokkað sem fæða fyrir lágstéttarfólk miklu heldur herramannsmatur sem allir höfðu efni á að neyta. Það á að stórauka veiðar á Hrefnu og koma kjötinu í dreifingu um land allt svo fleiri geti notið.