Hörundsár ?

Formaður Lögreglufélagsins missir út úr sér persónulega skoðun sína. Þá stekkur til yfirmaður í lögreglunni og segir sig úr stéttarfélaginu sínu. Vitlausara getur það varla verið´.

Félagið hefur ekkert ályktað í þessa veru og þó svo formaðurinn sé að bulla einhverja vitleysu að mati félaga í stéttarfélaginu bregst maður ekki við með að segja sig úr.

Með því er hann að kasta frá sér flestum þeim réttindum sem hann hefur áunnið sér en verður samt að greiða til félagsins samningsréttargjald.

Ef maður er ekki ánægður með kjörna leiðtoga stéttarfélags vinnur maður að því máli innan vébanda þess og lætur jafnvel á það reyna að formaðurinn eigi að víkja þar sem hann sé að vinna gegn stéttinni.

En með að segja sig úr stéttarfélaginu verður maður bara eins og fúll á móti, viðkvæmur og hörundsár auk þess að lýsa með því vantrausti á alla aðra í stjórn félagins sem engan hlut eiga að máli enda er þetta ekki yfirlýsing í nafni stéttarfélagsins.

Segir sig úr Lögreglufélagi Reykjavíkur