Guðfaðir núverandi kreppu. Guðnasyndrómið.

Kreppa af völdum ráðherra.... rétt er það og Guðni er einn af þeim. Hann var nefnilega ráðherra í síðustu ríkisstjórn en hefur gleymt því.... ( Guðnasyndrómið ) 

Guðni Ágústsson er ótrúlegur. Siðferði í málflutningi er ekki að vefjast fyrir þeim fýr. Framsóknarflokkurinn undir varaformennsku Guðna Ágústssonar gerði óteljandi mistök við efnahagsstjórnun í mörg ár og svo mætir þessi náungi og reynir að notfæra sér stöðuna til að slá sjálfan sig til riddara.

Framsóknarflokkurinn er að mælast með 9% fylgi þrátt fyrir heilt ár i stjórnarandstöðu og það er vegna þess að kjósendur eru ekki fífl. Guðni Ágústsson verður ekki afturbatajómfrú eða hæfur stjórnmálamaður af því hann hrökklast í stjórnarandstöðu. Guð forði landi og þjóð að Framsókn komist til valda á ný með öll sín stefnumið og hugsjónir á flóamarkaði. Guðni.... þú heldur ef til vill að kjósendur hafi gullfiskaminni.

En karlinn verður að gera eitthvað og nú hefur hann hafið stjórnmálafundi þar sem boðið er uppá skrumskælingu veruleikans og slagorðamálfluting.

Framsókn með Valgerði Sverrisdóttur lofaði Mývetningum atvinnustarfssemi í stað Kísiliðjunnar, brettasmíð sem átti að skila ég man ekki hvað mörgum störfum. Sama Valgerður talaði um lifefnaverksmiðju á Húsavík.... hvað skyldi hún nú vera ? Guðni var með strútaeldið í augsýn en það gekk víst ekki eftir.

Guðni Ágústsson og Framsóknarflokkurinn er guðfaðir efnahagsvandans að hluta með arfavitlausri efnahagsstjórn. 90% lánin bjuggu til gerfikaupmátt sem olli hrikalegum viðskiptahalla og við erum að súpa seyðið af í dag. Í tíð Framsóknarflokksins fór krónan í algjörlega óeðlilega stöðu hvað varðaði allt of hátt gengi og það var að drepa útflutningsgreinarnar. Landið og náttúran var til sölu án skilyrða.

En Guðni er mættur....stiginn niður af himnum.... hreinn sem mjöll og boðar endurkomu Framsóknarflokksins....

Það er vonandi til bóluefni við þeim ótíðindum eins og innflúensunni árvissu.

Framsókn hefur selt allar sínar hugjónir og er til reiðu fyrir hæstbjóðanda og á  þessu fundi má sjá og heyra að Guðni hefur engu gleymt varandi yfirboð og sölu hugsjóna. Það mátti sjá við myndun hins nýja meirihluta í Reykjavík.

Kreppa af völdum ráðherra

Athugasemdir

[Jónas M. Arnarson (IP-tala skráð) 28.8.2008 kl. 08:51]

Já en, hvað talar Samfylkingin um að koma á fót í Norð-Austurkjördæmi?  Svar: Ekki neitt!

Samfylkingin hefur ekki komið fram með neitt að viti til atvinnueflingar á Norð-Austurlandi.  Bara ekkert!  Þess vegna er varanleg kreppa á landsbyggðinni.

90% lánin bjuggi ekki til núverandi efnahagsvanda, heldur innrás bankanna á húsnæðismarkaðinn.

Með því að úrskurða að framkvæmdirnar á Bakka eigi að fara í heildstætt umhverfismat, vonast Þórunn til þess að málið tefjist svo mikið, að framkvæmdaaðilar missi áhugan á því þannig að ekkert verði af framkvædum þar.

Þannig ætlar Þórunn að slá tvær flugur í einu höggi:  Bæta fyrir það að hún leyfir athugasemdalaust framkvæmdir í Helguvík (þar sem að margir umhverfissinnar töldu vera svik við umhverfismálstað), og að þóknast umhverfisverndarsinnum með því að tefaj framkvæmdirnar á Bakka við umhverfiskjaftæði.

Samfylkingin er ekki flokkur landsbyggðarinnar, landsbyggðin skiptir Samfylkingunar engu máli, því Samfylkingin fær bróðurpart atkvæða sinna af Suð-Vesturhorninu, og þess vegna var svo mikilvægt að leyfa framkvæmdir í Helguvík athugasemdalaust, sem og stækkun álversins á Grundartanga og í Straumsvík.  Hroki Samfylkingarinnar við landsbyggðina felst nefnilega í þessu.

[Benedikt V. Warén, 28.8.2008 kl. 09:08]

Þórunn er slæg sem tófan, - hún bítur ekki nærri greni sínu. 
(Efnislega það sem Hörður Sigurbjarnarson sagði á fundi með Þórunni á Húsavík).

Get ekki verið meira sammála. 
Tvískinnungurinn í Samfylkingunni í hnotskurn.  

[Jón Ingi Cæsarsson, 28.8.2008 kl. 09:30]

Þvæla er þetta.... Samfylkingin vill álver á Bakka og svo nenni ég ekki að reyna að fá þá sem ekki skilja og heyra það... til að ná því.

Hvað varðar umhverfimat og það sem því fylgir þá líður ekki á löngu þar til allir skilja hversu mikilvægt það er að slíkt fari fram... en ekki von að menn séu búnir að ná því eftir að hafa lifað í þeirri sælu trú að rányrkja lands og sjávar væri sjálfsagt mál.... í anda Framsóknar.

[Villi Asgeirsson, 28.8.2008 kl. 09:34]

Svo skal böl bæta að benda á eitthvað annað. Hvernig væri ð ræða um Guðna og Framsókn í staðinn fyrir að stökkva á Samfó og skipta um umræðuefni?

[Jón Ingi Cæsarsson, 28.8.2008 kl. 09:39]

Benedikt.... hvaða flokkur er þá flokkur landsbyggðarinnar... kannski Framsókn ? Mætti ég þá biðja um aðrar trakteringar því allir sem vilja vita það, vita að stefna stjórnvalda síðustu áratugi er að drepa landsbyggðina og fólksflóttinn er gríðarlegur. Allir sem til þekkja og fylgjast með vita að síðustu ríkisstjórnir hafa ekki haft stefnu í landsbyggðarmálum.

Og hverjir hafa verið við völd nánast óslitið frá 1959 með smá hléum.... Framsókn og Sjálfstæðisflokkur. saman eða til skiptis ... common strákar.... eigum við ekki að halda gangandi vitrænni umræðu og vera ekki svo smáir í hugsun að kenna öðrum um.... tala nú ekki um stjórnmálaöflum sem ekki hafa haft nein marktæk völd nema örlitið brot af síðustu 50 árum...

Þeir sem eiga vin eins og Framsókn í málefnum landsbyggðar þarfnast ekki óvina...

[Víðir Benediktsson, 28.8.2008 kl. 12:16]

Minnir að Alþýðuflokkurinn hafi verið samfleytt í stjórn í tólf ár Með Sjálfstæðisflokknum 1959-1971 og oft síðan ýmist með þeim eða örðum. Svo er náttúrulega Alþýðubandalagið en þessir tveir flokkareru jú grunnurinn að Samfylkingunni. Hundurinn sagði ekki ég, kötturinn s........

[Benedikt V. Warén, 28.8.2008 kl. 13:13]

"... common strákar.... eigum við ekki að halda gangandi vitrænni umræðu og vera ekki svo smáir í hugsun að kenna öðrum um.... "

Hver fer á kostum við að kenna öðrum um Jón Ingi???

[Jón Ingi Cæsarsson, 28.8.2008 kl. 13:19]

Rétt Víðir...í stjórnartíð Viðreisnar var fyrsta álverið sett á koppinn í Straumsvík. Þá var Búrfellsvirkjun reist og ef þú nennir að lesa bókina um valdatíð Viðreisnar þá kemstu að því að skoðun sagnfræðinga og stjórnmálamanna að á þeim árum losnaði Ísland endanlega vistabandsins. Þá fórum við loks inn í formlegt samstarf á alþjóðavettvangi i viðskiptum þegar við gengum í EFTA. Það var svo aftur í tíð ríkisstjórnar Sjálfstæðisflokks og Alþýðuflokks 91-5 þegar samningurinn um Evrópska efnahagssvæðið ver gerður.

En það hafi verið oft er ekki rétt og oftast stutt í einu nema Viðreisnarárin. Sjálfstæðisflokkur og Framsóknarflokkur hafa ráðið hér ríkjum bróðurpartinn af síðustu öld og alla þessa nema síðustu 12 mánuði.... enda þekkir þú væntanlega orðið "helmingaskiptatjórn

Flest stærstu skref í þjóðarsögunni hafa verið stigin þegar Framsókn er utan stjórnar...þau örfáu ár af síðustu öld.... og svo voru þeir búnir að vera það sem af var þessari og vel það samfleytt.

[Gísli Baldvinsson (IP-tala skráð) 28.8.2008 kl. 15:34]

Hvergi hef eg séð að umhverfisráðherra sé á móti álversframkvæmdum né byggingu þvottabílaplans. Hvort tveggja þarf að fara í umhverfismat skv. lögum.

[Benedikt V. Warén, 28.8.2008 kl. 16:16]

Jón Ingi.  Var ekki landsbyggðin eins og rjúkandi ruslahaugur eftir viðreinsnarárin?? 

Við, sem munum þessa tíma hér fyrir austan urðum lítið varir við "góðæri" Viðreisnarstjórnarinnar.

[Jón Ingi Cæsarsson, 28.8.2008 kl. 17:51]

Var hún það ? Flestir sem vilja muna það var atvinnulif með dálítið öðrum hætti þá en nú.... menn veiddu eins og þeir lifandi gátu... síldin vaðandi um allan sjó til 1969 og landbúnaðurinn framleiddi eins og hann lifandi gat....ríkið keypti og það sem ekki seldist var urðað..

Tímar þá og nú eru ekki sambærilegir. En svo hvarf þetta og tímar breyttust en stjórnvöld brugðust ekki við. Landbúnaðarkerfið var óbreytt og var ekki aðlagað veruleikanum, þjóðin ofveiddi fiskstofna og vandræðin hófust... annars missti ég mikið til af þessu því ég er ekki svo gamall að muna nógu langt á sjálfum mér.

Kannski er óðagot og læti í orkulindirnar dálítið sambærilegar og þegar við ofveiddum síldina og þorskinn og veiðar og tekjur hrundu. Við hlustuðum ekki á varnaðarorð manna sem sáu hætturmerki. Þeir voru úthrópaðir td þeir sem vöruðu við offveiði á síld..... en allir vissu betur og héldu áfram þangað til veruleikinn löðrungaði þá...

Væri ekki í lagi að við lærðum svolítið af mistökum áratuganna... Benedikt. 

Nú ætlum við að offveiða náttúruauðlindir án þess að skoða mál

[Benedikt V. Warén, 29.8.2008 kl. 08:53]

Munurinn á síldarárunum og virkjunarárunum núna, er að lítið sem ekkert var vitað um vistkerfi sjávar og mjög takmarkaðar upplýsingar um þá auðlind.  Gullæði ríkti á þessum árum.  Nú er öldin önnur, miklar rannsóknir liggja fyrir um vistkerfi vatnsfalla og hættan á "ofveiði" þar er hverfandi og auðlindin er fullkomlega endurnýjanleg.  Miklar og vandaðar rannsóknir og úttektir hafa verið gerðar. 

Nú eins og ævinlega finnast efasemdamenn, sem vara við og sjá draug i hverju horni.  Slíkar raddir voru mjög háværar þegar Hvalfjarðagöngin voru byggð, en lítið mark tekið á þeim úrtöluröddum, - sem betur fer.

Fari svo að stóriðjan vilji ekki orkuna þegar fram líða stundir og ef marka má spá vísra manna og kvenna, þá á þessi orka eingöngu eftir að hækka í verði.   Virkjanir verða þá búnar að borga upp byggingakostnaðinn, en skaffa samt áfram.  Það eru ekki margar vatnsaflsvirkjanir til í heiminum sem ekki mala "gull" jafnvel komnar á þann aldur að vera skilgreindar sem löggilt gamalmenni.

Ég kalla þetta að læra af reynslunni, ekki af mistökunum.  Ef engin áhætta er tekin, verða engar framfarir.  Um það eru ótal dæmi.

Kveðja...

[Dystópía, 29.8.2008 kl. 13:44]

Frábær grein hjá þér!

Hræsnin í Guðna er engu lík.  Það hljóta flestir að sjá það þrátt fyrir að vera í nöp við samfylkinguna.