Alveg glæný leið.

          

      Nýr vegur yfir Gjástykkishraunin                Umdeild tilraunaborhola í Gjástykki.

       

    Önnur hola utan hrauna ?                        Hér var hola númer 2. Eilífur framundan

Í dag fór ég myndatökuferð með Láru Stefáns varaþingmanni. Meining okkar var að fara að Þeistareykjum og mynda svolítið sem við og gerðum. Áður en til þess kom brugðum við okkur leið með girðingu norðan Gæsafjalla og sem leið lá austur. Ekki hafði ég hugmynd um hversu langt var hægt að komast þarna því ég hafði aldrei farið þessa leið.

Og viti menn... við fórum nýstyrktan veg austur að nýju hraununum úr Gjástykkisgosunum frá 1981 - 1984. Þar var kominn beinn og breiður vegur þvert yfir hraunin og þegar við vorum komin austur yfir vestari strauminn og vorum rétt um hálfnuð blasti við okkur ástæða þessa....þarna var auðvitað margumrædd og umdeild tilraunahola sem gefið var leyfi fyrir rétt fyrir síðustu kosningar.

Við héldum síðan sem leið lá austur yfir og þar blasti við önnur hola eða í það minnsta eitthvað sem gat verið hola.... ef til vill var þetta aðeins til vatnsöflunar en meira veit ég ekki. Við fundum aftur á móti vatnsholu 2 km norðan við fyrri stútinn þannig að ekki veit ég hvort þessi síðari var mislukkuð kaldavatnshola....

Hvað með það.... ég fór í fyrsta sinn þvert austur yfir Gjástykki og aftur til baka og ekki hin minnstu vandræði með það.... .þökk ? sé nýjum vegi þvert yfir nýrunnin hraunin.

Athugasemdir

[Gísli Baldvinsson (IP-tala skráð) 7.8.2008 kl. 08:41]

Þið Lára gerið meira en fjölmiðlar. Merkileg frétt.