Borað á Þeistareykjum.

                    

Kíkti við á Þeistareykjum í dag. Þar var Jötunn að störfum og mér sýndist á hraða borstanga í iður jarðar að verkið gengi hratt og vel fyrir sig. Þarna á að bora niður á 2.500 metra dýpi og því verki að ljúka. Þá verður búið að bora 6 holur þar af fjórar þar sem borinn er staðsettur á þessari mynd...skammt vestan við sæluhúsið.

Á borstæði austar þar sem búið var að bora eina holu sem sést á myndinni til hægri. Í forgrunni þeirrar myndar má sjá næsta borstað þar sem hafist verður handa við sjöundu holuna á svæðinu og það mun gerast næstu daga.

Það er eiginlega furðuleg þessi umræða undanfarna daga þar sem látið hefur verið í veðri vaka að allt sé strand og stopp vegna úrskurðar um sameiginlegt umhverfismat. Verið er að bora á Þeistareykjum og við Bjarnarflag... og allt á full sving.   

Athugasemdir

[Jón Halldór Guðmundsson, 6.8.2008 kl. 23:04]

Já, en ætli Stjáni Júll viti af þessu?

[Sævar Helgason, 6.8.2008 kl. 23:16]

Eru nokkrar upplýsingar um afkastagetu þessara fyrstu borhola ?   Það er öðruvísi með jarðhitann en rennandi yfirborðsvatn sem hægt er að  safna í lón og láta knýja vatnshverfla.  Það er flóknara samspil við jarðvarmann. Vonandi gengur allt í haginn þarna.

[Jón Ingi Cæsarsson, 6.8.2008 kl. 23:43]

Ég hef þær ekki... en veit þó að ein af þessum holum er köld... Það væri gaman að fá að vita hvernig þetta er að virka þarna... í það minnsta hefur verið gott hljóð í sérfræðingum hvað það varðar.