Flottræfilsháttur.

Nýlega var sagt frá laxveiðimönnum sem leigðu sér þyrlu og flugu frá veiðisvæðum við Norðurá að Baulu og fengu sér pylsu. Þetta er auðvitað hrikalegur flottræfilsháttur og lýsir hugarfari manna sem skemmdrir eru af peningum og sýndarmennsku,

Dæmi það sem nú er sagt frá í Þórsmörk er svipaðrar ættar og væri í lagi ef þessir menn héldu þessum ræfilshætti fyrir sig og létu aðra í friði. En þegar menn mæta á þyrlum í Þórsmörk og spilla friði þeirra sem þar eru að njóta nátturu og fuglalífs er þetta farið að koma öðrum við. Svona lagað á ekki að líðast og mér finnst koma alvarlega til greina að banna þyrluflug án brýnnar ástæðu í og við náttúruperlur á Íslandi.

Það er nú búið að banna þyrluflug á Þingvöllum þar sem menn voru að nota þyrlur til byggingaframkvæmda flestum til ama. Það er vel, og af sama toga og af sömu ástæðu á að banna þyrluflug í þeim anda sem við höfum verið að sjá í æ ríkari mæli hjá flottræflunum sem eru að gera sig breiða fyrir almenningi þessa lands.

Með þyrlum í laxveiði

Athugasemdir

[Þorgeir Ragnarsson (IP-tala skráð) 15.7.2008 kl. 17:05]

Þetta voru víst einhverjir moldríkir Rússar skv. fréttinni á mbl.is. Ég sé ekkert að þessu enda kemur þetta lið með margfalt meiri peninga til landsins heldur en meðal ferðamenn - og skapar þá meiri atvinnu í leiðinni. Ef fréttin er lesin vandlega þá kemur ekki fram að íslenska konan sem við var rætt hafi verið að kvarta heldur frekar að henni hafi þótt þetta óvenjulegt. Ekki hef ég orðið var við það á mínum ferðum að þyrluflug sé eitthvað stórkostlegt vandamál hér á landi eins og ýmsir gefa í skyn.

[Jón Ingi Cæsarsson, 15.7.2008 kl. 17:19]

Ég er að kvarta.... ég vil ekki að þyrlur séu um allar trissur í náttúrperlum frekar en að leyfa utanvegaakstur í nafni ferðmennsku.

[Eiríkur St. Eiríksson (IP-tala skráð) 15.7.2008 kl. 18:43]

Sælir.

Ef ég man rétt þá voru pylsumennirnir við veiðar í Þverá eða Kjarrá. Skiptir í sjálfu sér litlu máli en hafa skal það sem sannara reynist.

[Jón Ingi Cæsarsson, 15.7.2008 kl. 19:59]

Takk fyrir það Eiríkur.

[núll (IP-tala skráð) 16.7.2008 kl. 00:51]

Ég man ekki betur en að ég hafi heyrt dæmi um flugmann lítillar flugvélar sem hætti á að missa leyfið af því að hann flaug of lágt, of nálægt fólki eða stöðum, án heimildar og hver veit hvað.  Gildir ekki eitthvað álíka um þyrluflug ?  Má bara fljúga hvar, hvert og hvenær sem er ?